“Dövlət qulluğu vəzifələri üzrə test imtahanından keçmək barədə Sertifikatın Forması”nın təsdiq edilməsi haqqında” Azərbaycan Respublikası Nazirlər Kabinetinin 2017-ci il 10 mart tarixli 87 nömrəli qərarında dəyişikliklər edilməsi barədə

Azərbaycan Respublikası Nazirlər Kabinetinin Qərarı

№ 514

Bakı şəhəri, 27 noyabr 2017-ci il

“Dövlət qulluğu haqqında” Azərbaycan Respublikasının Qanununda dəyişikliklər edilməsi barədə” Azərbaycan Respub-likasının 2017-ci il 31 may tarixli 693-VQD nömrəli Qanununun tətbiqi haqqında” Azərbaycan Respublikası Prezidentinin 2017-ci il 21 iyun tarixli 1474 nömrəli Fərmanının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2017-ci il 10 mart tarixli 87 nömrəli qərarı (Azərbaycan Respublikasının Qanunvericilik Toplusu, 2017, № 3, maddə 486) ilə təsdiq edilmiş “Dövlət qulluğu vəzifələri üzrə test imtahanından keçmək barədə Sertifikatın Forması”nda aşağıdakı dəyişikliklər edilsin:

1. 1-ci hissənin birinci cümləsində “müvafiq” sözü “inzibati” sözü ilə əvəz edilsin.

2. 2-ci hissədən “və yardımçı” sözləri çıxarılsın və həmin hissədə “A, B, C və D” sözləri “A və B” sözləri ilə əvəz edilsin.

3. 2.3-cü və 2.4-cü bəndlər ləğv edilsin.

4. 3-cü hissədə “A, B, C və D” sözləri “A və B” sözləri ilə əvəz edilsin və həmin hissədən “və yardımçı” sözləri çıxarılsın.

5. Formaya əlavənin adından “və yardımçı” sözləri, cədvəlindən “C” və “D” sətirləri çıxarılsın.

Artur RASİ-ZADƏ,

Azərbaycan Respublikasının Baş naziri

Xalq qəzeti.- 2017.- 29 noyabr.- S.13.