Azərbaycan Respublikasının Nazirlər Kabinetinin Qərarı

№ 390

Bakı şəhəri, 28 sentyabr 2017-ci il

“Lisenziyalar və icazələr haqqında” Azərbaycan Respublikasının 2016-cı il 15 mart tarixli 176-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 20 aprel tarixli 866 nömrəli Fərmanının 1.1.4-cü yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

“Azərbaycan Respublikası vahid büdcə təsnifatının təsdiq edilməsi barədə” Azərbaycan Respublikası Nazirlər Kabinetinin 2004-cü il 6 oktyabr tarixli 149 nömrəli qərarında (Azərbaycan Respublikasının Qanunvericilik Toplusu, 2004, № 10, maddə 866; 2006, № 3, maddə 303, № 5, maddələr 463, 468, № 8, maddə 731, № 9, maddə 822, № 11, maddə 994; 2007, № 1, maddə 50, № 10, maddə 1021, № 12, maddələr 1343, 1352; 2008, № 2, maddə 130, № 4, maddə 308, № 10, maddə 936; 2009, № 1, maddələr 22, 32, № 2, maddələr 144, 150, № 9, maddələr 736, 753; 2010, № 4, maddə 369, № 11, maddə 1048; 2011, № 1, maddə 66, № 4, maddə 365; 2012, № 9, maddə 934; 2013, № 8, maddə 1000, № 10, maddə 1202; 2014, № 1, maddələr 59, 69, № 2, maddə 201, № 5, maddə 557, № 6, maddələr 745, 747, № 9, maddə 1130; 2015, № 2, maddə 227, № 3, maddələr 328, 337, № 6, maddələr 774, 781, № 7, maddə 890, № 11, maddə 1412; 2016, № 3, maddə 595, № 4, maddələr 806, 831, № 5, maddələr 941, 955, № 8, maddə 1450,

№ 9, maddə 1561, № 12, maddələr 2220, 2241, № 4, maddə 643; 2017, № 6, maddə 1244) aşağıdakı dəyişikliklər edilsin:

1. Həmin qərarla təsdiq edilmiş 1 nömrəli əlavə - “Büdcə gəlirlərinin Təsnifatı” üzrə:

1.1. 1.4.2.2.5.1-ci yarımbənd ləğv edilsin;

1.2. 1.4.2.2.7.4-cü yarımbənddə “Əcnəbilərin əmək fəaliyyət-lərini həyata keçirmək üçün fərdi icazələrin” sözləri “Əcnəbilərin və vətəndaşlığı olmayan şəxslərin Azərbaycan Respublikasının ərazisində haqqı ödənilən əmək fəaliyyəti ilə məşğul olmaları üçün iş icazələrinin” sözləri ilə əvəz edilsin.

2. Həmin qərarla təsdiq edilmiş 2 nömrəli əlavə - “Büdcə xərclərinin funksional təsnifatı”nın əlavəsi üzrə:

2.1. 5.0.0-cı bölmənin birinci cümləsindən “və lisenziyalaşdırılması” sözləri çıxarılsın;

2.2. 11.3.1-ci paraqrafdan “, lisenziyaların verilməsi” sözləri çıxarılsın;

2.3. 12.1.2-ci paraqrafın ikinci abzasından “, lisenziyalaşdırılması” sözü çıxarılsın;

2.4. 13.2.1-ci paraqrafın ikinci abzasından “(icazənin (lisenziyaların) verilməsi və” sözləri çıxarılsın;

2.5. 13.2.2-ci paraqrafın ikinci abzasından “, mehmanxana və restoranların saxlanılması üçün icazənin (lisenziyaların) verilməsi” sözləri çıxarılsın.

Artur Rasi-zadə

Azərbaycan Respublikasının Baş naziri

Xalq qəzeti.- 2017.- 30 sentyabr.- S.8.