Azərbaycan Respublikası Nazirlər Kabinetinin “Çağırışaqədər yaş həddində olan vətəndaşların və çağırışçıların fiziki hazırlığı proqramları”nın və “Çağırışaqədər yaş həddində olan vətəndaşların və çağırışçıların fiziki hazırlığının təmin edilməsinə yönəlmiş idman növlərinin Siyahısı”nın təsdiq edilməsi haqqında” 2014-cü il 24 oktyabr tarixli 354 nömrəli, “Azərbaycan Respublikası vətəndaşlarının xarici ölkələrdə, əcnəbilərin və vətəndaşlığı olmayan şəxslərin Azərbaycan Respublikasında təhsil alması Qaydaları”nın təsdiq edilməsi haqqında” 2015-ci il 1 may tarixli 125 nömrəli, “Azərbaycan Ordusu və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələr üçün vətəndaşların xüsusi hərbi ixtisaslar üzrə hazırlığının təşkil edilməsi və keçirilməsi Qaydası”nın təsdiq edilməsi haqqında” 2015-ci il 20 oktyabr tarixli 333 nömrəli, “Doktorantlara, ali təhsil, orta ixtisas və ilk peşə-ixtisas təhsili müəssisələrinin, həmçinin Azərbaycan Milli Elmlər Akademiyasının magistratura səviyyəsinin tələbələrinə və şagirdlərinə təqaüdlərin təyin olunması və ödənilməsi Qaydası”nın təsdiq edilməsi haqqında” 2016-cı il 5 fevral tarixli 38 nömrəli, “Əmək miqrasiyası kvotasının müəyyən edilməsi Qaydası”nın təsdiq edilməsi barədə” 2016-cı il 14 mart tarixli 124 nömrəli, “Yaşayış məntəqələrinin yaşıllıqla təmin edilməsi Normaları”nın təsdiq edilməsi haqqında” 2018-ci il 5 yanvar tarixli 1 nömrəli, “Bilik və bacarıqlarının diaqnostik qiymətləndirilməsi aparılmış dövlət ilk peşə-ixtisas təhsili müəssisələrində idarəetmə, təhsil və təlim fəaliyyəti ilə məşğul olan işçilərin aylıq vəzifə maaşları sxeminin və məbləğlərinin təsdiq edilməsi haqqında” 2018-ci il 1 fevral tarixli 26 nömrəli və “Azərbaycan Respublikasının ömürboyu təhsil üzrə Milli Kvalifikasiyalar Çərçivəsi”nin təsdiq edilməsi barədə” 2018-ci il 18 iyul tarixli 311 nömrəli qərarlarında dəyişikliklər edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI

№ 545

Bakı şəhəri, 19 dekabr 2018-ci il

“Peşə təhsili haqqında” Azərbaycan Respublikasının 2018-ci il 24 aprel tarixli 1071-VQ nömrəli Qanununun tətbiqi barədə” Azərbaycan Respublikası

Prezidentinin 2018-ci il 18 iyun tarixli 140 nömrəli Fərmanının 1.1.2-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

1. Azərbaycan Respublikası Nazirlər Kabinetinin 2014-cü il 24 oktyabr tarixli 354 nömrəli Qərarı (Azərbaycan Respublikasının Qanunvericilik Toplusu, 2014, № 10, maddə 1324; 2017, № 4, maddə 620) ilə təsdiq edilmiş 1 nömrəli əlavə - “Çağırışaqədər yaş həddində olan vətəndaşların və çağırışçıların fiziki hazırlığı proqramları”nın 3-cü və 8-ci hissələrində, 10.2-ci bəndində və 11-ci hissəsində “ilk peşə-ixtisas” sözləri “peşə” sözü ilə əvəz edilsin.

2. Azərbaycan Respublikası Nazirlər Kabinetinin 2015-ci il 1 may tarixli 125 nömrəli Qərarı (Azərbaycan Respublikasının Qanunvericilik Toplusu, 2015, № 5, maddə 613; 2016, № 6, maddə 1200, № 12, maddə 2239; 2017, № 4, maddə 671; Azərbaycan Respublikası Nazirlər Kabinetinin 2018-ci il 8 noyabr tarixli 480 nömrəli Qərarı) ilə təsdiq edilmiş “Azərbaycan Respublikası vətəndaşlarının xarici ölkələrdə, əcnəbilərin və vətəndaşlığı olmayan şəxslərin Azərbaycan Respublikasında təhsil alması Qaydaları”nın 4.1-ci bəndində “ilk peşə-ixtisas” sözləri “peşə” sözü ilə əvəz edilsin.

3. Azərbaycan Respublikası Nazirlər Kabinetinin 2015-ci il 20 oktyabr tarixli 333 nömrəli Qərarı (Azərbaycan Respublikasının Qanunvericilik Toplusu, 2015, № 10, maddə 1246; 2017, № 4, maddə 620) ilə təsdiq edilmiş “Azərbaycan Ordusu və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələr üçün vətəndaşların xüsusi hərbi ixtisaslar üzrə hazırlığının təşkil edilməsi və keçirilməsi Qaydası”nın 3.12-ci bəndində “ilk peşə-ixtisas” sözləri “peşə” sözü ilə, “şagirdlərin” sözü “tələbələrin” sözü ilə əvəz edilsin.

4. “Doktorantlara, ali təhsil, orta ixtisas və ilk peşə-ixtisas təhsili müəssisələrinin, həmçinin Azərbaycan Milli Elmlər Akademiyasının magistratura səviyyəsinin tələbələrinə və şagirdlərinə təqaüdlərin təyin olunması və ödənilməsi Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2016-cı il 5 fevral tarixli 38 nömrəli Qərarında (Azərbaycan Respublikasının Qanunvericilik Toplusu, 2016, № 2 (II kitab), maddə 380; 2017, № 4, maddə 672, № 5, maddə 1010, № 10, maddə 1918; Azərbaycan Respublikası Nazirlər Kabinetinin 2018-ci il 8 noyabr tarixli 482 nömrəli Qərarı) aşağıdakı dəyişiklik edilsin:

4.1. adında və 1-ci hissəsində “ilk peşə-ixtisas” sözləri “peşə” sözü ilə əvəz edilsin və “və şagirdlərinə” sözləri çıxarılsın;

4.2. həmin Qərarla təsdiq edilmiş “Doktorantlara, ali təhsil, orta ixtisas və ilk peşə-ixtisas təhsili müəssisələrinin, həmçinin Azərbaycan Milli Elmlər Akademiyasının magistratura səviyyəsinin tələbələrinə və şagirdlərinə təqaüdlərin təyin olunması və ödənilməsi Qaydası” üzrə:

4.2.1. adında və 1.1-ci bəndində ikinci halda “ilk peşə-ixtisas” sözləri “peşə” sözü ilə əvəz edilsin və “və şagirdlərinə” sözləri çıxarılsın;

4.2.2. 1.2-ci bənddə “ilk peşə-ixtisas” sözləri “peşə” sözü ilə əvəz edilsin;

4.2.3. 1.3-cü bənddə “ilk peşə-ixtisas” sözləri “peşə” sözü ilə və “tələbə və şagirdlərinə” sözləri “tələbələrinə” sözü ilə əvəz edilsin;

4.2.4. 1.4-cü, 1.8-ci, 1.10-cu və 1.11-ci bəndlərdə ismin müvafiq hallarında “Tələbə və şagirdlər” sözləri ismin müvafiq hallarında “Tələbələr” sözü ilə əvəz edilsin;

4.2.5. 1.6-cı və 1.9-cu bəndlərdə “, tələbə və şagirdlərə” sözləri “və tələbələrə” sözləri ilə əvəz edilsin;

4.2.6. 1.7-ci bənddə “tələbə və şagirdlərin” sözləri “tələbələrin” sözü ilə əvəz edilsin;

4.2.7. 3-cü hissənin adında “İlk peşə-ixtisas” sözləri “Peşə” sözü ilə əvəz edilsin;

4.2.8. 3.1-ci bəndin birinci cümləsində “İlk peşə-ixtisas” sözləri “Peşə” sözü ilə və “şagirdlərə” sözü “tələbələrə” sözü ilə əvəz edilsin;

4.2.9. 3.2-ci bənddə “ilk peşə-ixtisas” sözləri “peşə” sözü ilə və “şagirdlərinə” sözü “tələbələrinə” sözü ilə əvəz edilsin;

4.2.10. 3.4-cü bənddə “şagirdlərə” sözü “tələbələrə” sözü ilə əvəz edilsin.

5. Azərbaycan Respublikası Nazirlər Kabinetinin 2016-cı il 14 mart tarixli 124 nömrəli Qərarı (Azərbaycan Respublikasının Qanunvericilik Toplusu, 2016, № 4, maddə 790) ilə təsdiq edilmiş “Əmək miqrasiyası kvotasının müəyyən edilməsi Qaydası”nın 4.3-cü bəndində “ilk peşə-ixtisas” sözləri “peşə” sözü ilə əvəz edilsin.

6. Azərbaycan Respublikası Nazirlər Kabinetinin 2018-ci il 5 yanvar tarixli 1 nömrəli Qərarı (Azərbaycan Respublikasının Qanunvericilik Toplusu, 2018, № 1, maddə 118) ilə təsdiq edilmiş “Yaşayış məntəqələrinin yaşıllıqla təmin edilməsi Normaları”na 3 nömrəli əlavə - “Məhəllədaxili, təhsil, səhiyyə, mədəni-məişət, sənaye müəssisələrinin və digər obyektlərin tikintilərinin layihələndirilməsi zamanı məhdud istifadəli yaşıllıqların ərazi balansı”nda “ilk peşə-ixtisas” sözləri “peşə” sözü ilə əvəz edilsin.

7. “Bilik və bacarıqlarının diaqnostik qiymətləndirilməsi aparılmış dövlət ilk peşə-ixtisas təhsili müəssisələrində idarəetmə, təhsil və təlim fəaliyyəti ilə məşğul olan işçilərin aylıq vəzifə maaşları sxeminin və məbləğlərinin təsdiq edilməsi haqqında” Azərbaycan Respublikası Nazirlər Kabinetinin 2018-ci il 1 fevral tarixli 26 nömrəli Qərarının (Azərbaycan Respublikasının Qanunvericilik Toplusu, 2018, № 2, maddə 330, № 3, maddə 613) adında, 1-7-ci hissələrində, həmin Qərara 1 nömrəli əlavənin adında və “Qeyd”ində və həmin Qərara 2-5 nömrəli əlavələrin adlarında “ilk peşə-ixtisas” sözləri “peşə” sözü ilə əvəz edilsin.

8. Azərbaycan Respublikası Nazirlər Kabinetinin 2018-ci il 18 iyul tarixli 311 nömrəli Qərarı (Azərbaycan Respublikasının Qanunvericilik Toplusu, 2018, № 7 (II kitab), maddə 1644; Azərbaycan Respublikası Nazirlər Kabinetinin 2018-ci il 8 noyabr tarixli 483 nömrəli Qərarı) ilə təsdiq edilmiş “Azərbaycan Respublikasının ömürboyu təhsil üzrə Milli Kvalifikasiyalar Çərçivəsi”ndə aşağıdakı dəyişikliklər edilsin:

8.1. 1.3.4-cü yarımbənddən və 4.7-ci bənddən “(subbakalavr)” sözü çıxarılsın;

8.2. 1.4.2-ci yarımbənddə və 6.2-ci bənddə “ilk peşə-ixtisas” sözləri “peşə” sözü ilə əvəz edilsin;

8.3. 1.4.3-cü yarımbənddən “(subbakalavr təhsili)” sözləri çıxarılsın;

8.4. 4.3-cü bənd üzrə:

8.4.1. dördüncü abzasda və beşinci abzasda hər iki halda “ilk peşə-ixtisas” sözləri “peşə” sözü ilə əvəz edilsin;

8.4.2. altıncı abzasdan “(subbakalavr)” sözü çıxarılsın və həmin abzasda “ilk peşə-ixtisas” sözləri “peşə” sözü ilə əvəz edilsin;

8.5. 4.4-cü və 4.5-ci bəndlərin ikinci cümlələrində “ilk peşə-ixtisas” sözləri “peşə” sözü ilə əvəz edilsin və həmin cümlələrdən “(subbakalavr)” sözü çıxarılsın.

Novruz MƏMMƏDOV

Azərbaycan Respublikasının Baş naziri

Xalq qəzeti.- 2018.- 22 dekabr.- S.9.