“Xəzər dənizinin Azərbaycan sektorunda D230 perspektiv kəşfiyyat blokunun kəşfiyyatı, işlənməsi və hasilatın pay bölgüsü haqqında Azərbaycan Respublikasının Dövlət Neft Şirkəti ilə BP Eksploreyşn (Azərbaycan) Limited və SOCAR-ın Ortaq Neft Şirkəti arasında Saziş”ə Azərbaycan Respublikası Hökumətinin təminatı və öhdəlikləri barədə

Azərbaycan Respublikası Nazirlər Kabinetinin Qərarı

№ 318

Bakı şəhəri, 23 iyul 2018-ci il

“Xəzər dənizinin Azərbaycan sektorunda D230 perspektiv kəşfiyyat blokunun kəşfiyyatı, işlənməsi və hasilatın pay bölgüsü haqqında” Azərbaycan Respublikası Prezidentinin 2016-cı il 28 dekabr tarixli 2583 nömrəli Sərəncamına əsasən, 2018-ci il 26 aprel tarixində imzalanmış “Xəzər dənizinin Azərbaycan sektorunda D230 perspektiv kəşfiyyat blokunun kəşfiyyatı, işlənməsi və hasilatın pay bölgüsü haqqında Azərbaycan Respublikasının Dövlət Neft Şirkəti ilə BP Eksploreyşn (Azərbaycan) Limited və SOCAR-ın Ortaq Neft Şirkəti arasında Saziş”ə uyğun olaraq Azərbaycan Respublikasının Nazirlər Kabineti qərara alır:

“Xəzər dənizinin Azərbaycan sektorunda D230 perspektiv kəşfiyyat blokunun kəşfiyyatı, işlənməsi və hasilatın pay bölgüsü haqqında Azərbaycan Respublikasının Dövlət Neft Şirkəti ilə BP Eksploreyşn (Azərbaycan) Limited və SOCAR-ın Ortaq Neft Şirkəti arasında Saziş”in 5-ci əlavəsində qeyd olunmuş “Azərbaycan Respublikası Hökumətinin təminatı və öhdəlikləri” təsdiq edilsin.

(Azərbaycan Respublikası Baş nazirinin yanında 2018-ci il 23 iyul tarixində keçirilmiş müşavirənin 6 nömrəli protokolu əlavə olunur).

Novruz Məmmədov

Azərbaycan Respublikasının Baş naziri

Xalq qəzeti.- 2018.- 25 iyul.- S.4.