“Dövlət və bələdiyyə yüklülüyü üzrə bildirişlərin daşınar

əmlakın yüklülüyünün dövlət reyestrinə daxil edilməsi üçün

reyestrə inteqrasiya edilməli olan informasiya sistemlərinin

Siyahısı”nın təsdiq edilməsi haqqında” Azərbaycan

Respublikası Nazirlər Kabinetinin 2019-cu il 6 fevral tarixli

38 nömrəli Qərarında dəyişiklik edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

№ 127

Bakı şəhəri, 28 mart 2019-cu il

“Daşınar əmlakın yüklülüyü haqqında” Azərbaycan

Respublikasının Qanununda dəyişiklik edilməsi barədə” Azərbaycan

Respublikasının 2018-ci il 28 dekabr tarixli 1429-VQD nömrəli

Qanununun tətbiqi haqqında” Azərbaycan Respublikası Prezidentinin

2018-ci il 28 dekabr tarixli 863 nömrəli Sərəncamının 1.2-ci bəndinin

icrasını təmin etmək məqsədi ilə Azərbaycan Respublikasının

Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2019-cu il 6 fevral

tarixli 38 nömrəli Qərarı ilə təsdiq edilmiş “Dövlət və bələdiyyə yüklülüyü

üzrə bildirişlərin daşınar əmlakın yüklülüyünün dövlət reyestrinə daxil

edilməsi üçün reyestrə inteqrasiya edilməli olan informasiya

sistemlərinin Siyahısı”na aşağıdakı məzmunda 2.2-ci bənd əlavə edilsin:

2.2. “Elektron icra” İnformasiya Sistemi

Novruz MƏMMƏDOV

Azərbaycan Respublikasının Baş naziri

Xalq qəzeti.- 2019.- 30 mart.- S.8.