“Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nın, “Rezidenturada həkim-mütəxəssis hazırlığı aparılan ixtisasların Təsnifatı”nın və “Azərbaycan Respublikası Nazirlər Kabinetinin qüvvədən düşmüş bəzi qərarlarının Siyahısı”nın təsdiq edilməsi haqqında” Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli Qərarında dəyişiklik edilməsi barədə

Azərbaycan Respublikası Nazirlər Kabinetinin Qərarı

№ 26 Bakı şəhəri, 30 yanvar 2020-ci il

“Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən, Azərbaycan Respublikası Təhsil Nazirliyinin təklifini nəzərə alaraq Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli Qərarı (Azərbaycan Respublikasının Qanunvericilik Toplusu, 2011, № 6, maddə 568; 2012, № 4, maddə 388, № 5, maddə 492; 2013, № 3, maddə 331, № 8, maddə 1003; 2015, № 6, maddə 787; 2016, № 3, maddə 620; 2017, № 2, maddə 289, № 3, maddə 492, № 9, maddə 1735; 2018, № 2, maddə 359; 2019, № 3, maddə 537, № 5, maddə 951) ilə təsdiq edilmiş “Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nda aşağıdakı dəyişikliklər edilsin:

1. “5. Təbiət ixtisasları qrupu” bölməsinin “060509 Kompüter elmləri” ixtisasına “- Kompüter riyaziyyatı” sətrindən sonra “- Dövlət informasiya sistemlərinin təhlükəsizliyi” və “- Rəqəmsal hökumət” sətirləri əlavə edilsin.

2. “6. Texniki və texnoloji ixtisaslar qrupu” bölməsinin “060606 Neft-qaz mühəndisliyi” ixtisasına “- Yatağın qiymətləndirilməsi və idarə olunması” sətrindən sonra “- Neft-qaz çıxarmada nanotexnologiya” sətri, “060629 Mexatronika və robototexnika mühəndisliyi” ixtisasına “- Kompüterləşdirilmiş inteqrallaşdırılmış istehsalat” sətrindən sonra “- Süni intellekt” sətri və “060640 Geodeziya və xəritəçilik mühəndisliyi” ixtisasına “- Xəritəçilik” sətrindən sonra “- Məsafədən müşahidə” sətri əlavə edilsin.

3. “8. Səhiyyə, rifah və xidmət ixtisasları qrupu” bölməsinin “060801 Əczaçılıq” ixtisasına “- Əczaçılığın təşkili” sətrindən sonra “- Dərman preparatlarının keyfiyyətinin təminatı” sətri əlavə edilsin.

Əli Əsədov

Azərbaycan Respublikasının Baş Naziri

Xalq qəzeti 2020.- 1 fevral.- S.5.