Sosial-iqtisadi inkişaf proqramları Şirvan şəhərində də uğurla davam etdirilir

Bu gün ölkəmizdə pandemiya ilə mübarizə şəraitində də genişmiqyaslı sosial-iqtisadi islahatlar aparılır, siyasi sistemin təkmilləşdirilməsi, müasirləşdirilməsi istiqamətində önəmli addımlar atılır. Bu, respublikamızın hər bir bölgəsində olduğu kimi, Şirvan şəhərində də aydın nəzərə çarpır.

Azərbaycan Respublikası­nın Prezidenti İlham Əliyevin tövsiyə və tapşırıqları əsasında hazırda şəhər ərazisində irimiq­yaslı layihələrin icrası, qurucu­luq-abadlıq işləri uğurla davam etdirilir. Həmçinin yeni istehsal və emal müəssisələrinin açılması, məşğulluq səviyyəsinin artırıl­ması, infrastruktur layihələrinin həyata keçirilməsi və əhalinin maddi rifahının yüksəldilməsi ilə bağlı verilən tapşırıqların gerçəkləşdirilməsi məqsədilə zəruri tədbirlər həyata keçirilir.

Yeri gəlmişkən, şəhərdə keçirilən tədbirlərdə çıxış edən sakinlər bütün dünyanı bürüyən pandemiya vəziyyətinə baxma­yaraq, ölkəmizdə, eyni zamanda, Şirvan şəhərində vətəndaşların rahatlığı üçün aparılan abadlıq-qu­ruculuq və yenidənqurma işlərinə, şəhər əhalisinə göstərilən diqqət və qayğıya görə, ölkə Prezidenti İlham Əliyevə və Birinci vitse-pre­zident Mehriban xanım Əliyevaya minnətdarlıqlarını bildirirlər.

Abadlıq-quruculuq işləri pandemiya şəraitində də diqqət mərkəzində saxlanılır

Şirvan Şəhər İcra Hakimiyyətinin rəhbərliyi tikinti, abadlıq-quruculuq tədbirlərini daim diqqət mərkəzində saxlayır, şəhər icra hakimiyyətinin məsul işçiləri, şəhər bələdiyyəsinin və kommunal xidmət təşkilatlarının rəhbərlərinin və ictimaiyyət nümayəndələrinin iştirakı ilə ayrı-ayrı ünvanlarda olaraq aparılan quruculuq işləri ilə yerində tanış olur, sakinlərlə görüşərək onları narahat edən problemlərin aradan qaldırılması istiqamətində müvafiq tapşırıqlar verir, icrasını nəzarətdə saxlayır. Bir müddət bundan əvvəl şəhər rəhbərliyinin 1 May küçəsində şəhidlər Vüqar Kərimov və İmran Quliyevin xatirəsinə layihələndirilən abidə kompleksi­nin tikinti işlərinin gedişinə onların valideynlərinin iştirakı ilə birlikdə baxması, Energetik və leytenant İbrahimov ünvanlarında yerləşən 9 və 10 saylı binaların qarşısın­da İDEA İctimai Birliyinin “Bizim həyət” xüsusi layihəsi əsasında yeni, müasir abad məhəllənin salınacağı ərazi ilə tanış olaraq öz tövsiyə və tapşırıqlarını verməsi bunun bariz ifadəsidir.

Xatırladaq ki, həmin vaxt şəhər icra hakimiyyətinin baş­çısı Şirin Şükürov küçəsində sakinlərin təşəbbüsü ilə həyata keçirilən abadlıq işləri ilə də tanış olub, məhəllə sakinləri ilə söhbət edərək, onların təşəbbüsünü bəyənib. Eyni zamanda, bu təşəbbüsün digər məhəllələr üçün də nümunə olacağını qeyd edərək, görülən işlərlə bağlı şəhər İcra Hakimiyyəti tərəfindən lazımi dəstəyin veriləcəyini də bildirib.

Hazırda abadlıq-quruculuq işləri çərçivəsində Məhəmməd Füzuli adına şəhər mədəniyyət və istirahət parkı əsaslı şəkildə yenidən qurulur. Xüsusi layihə əsasında ərazisi 7,4 hektar olan parkın mərkəzi hissəsində yerləşən kanalın və süni gölün xüsusi texnikalar vasitəsi ilə təmizlənməsi artıq başa çatdı­rılıb. Kanalın layihələndirilməsi məqsədilə “Sukanal” Elmi-Tədqiqat və Layihə İnistutuna müraciət olunub.

Parkın ərazisindəki yaşıllıq sahələri qurumuş ağaclardan təmizlənib. Uzun illər istifadəsiz qalan, eyni zamanda, istismara yararsız vəziyyətə düşən əyləncə və idman qurğuları, körpülər, kommunikasiya xətləri ləğv edilib. Burada aparılan yenidənqurma işləri ilə əlaqədar N.Nərimanov küçəsində 11 fərdi yaşayış evinin kanalizasiya xətlərinin çıxışı təmin edilib, diamateri 250 millimetrlik 185 poqonometr koreqa boru­dan ibarət yeni kanalizasiya xətti çəkilib. Hazırda parkda əsaslı yenidənqurma və təmir işləri da­vam etdirilir.

Bundan başqa şəhərin Heydər Əliyev prospektində Energetik küçəsindən Məhəmməd Füzuli adına parka keçən hissədə uzun illər istifadə olunmayan yeraltı keçidin bərpa işlərinə başlanılıb.

Həmin prospektdə avtomobillərin intensiv hərəkəti nəticəsində baş verə biləcək bədbəxt hadisələrin qarşısının alınması məqsədilə Azərbaycan Avtomobil Yolları Dövlət Agentliyinə ünvanlanan müraciət əsasında prospektin Xəqani küçəsi ilə kəsişməsində yerüstü keçidin layihələndirilməsi işləri nəzərdə tutulub.

Dövlət proqramına uyğun olaraq, Əmək və Əhalinin Sosi­al Müdafiəsi Nazirliyinin sifarişi əsasında Şirvan Şəhər Əlillərin Bərpa Mərkəzinin bərpa-gücləndirilməsi və əsaslı təmir işləri davam etdirilir. Eyni za­manda Şirvan şəhəri 21 nömrəli tam orta məktəbdə söküntü işləri tamamlanmış, 624 şagird yerlik yeni məktəbin tikinti işlərinə başla­nılmışdır.

Abadlıq-quruculuq tədbirləri çərçivəsində görülən işlər sırasın­da N.Nərimanov küçəsi, 2 saylı ünvanda yerləşən 4 mərtəbəli, 68 mənzilli yaşayış binalarında tikinti işləri başa çatdırılıb, ərazi abadlaşdırılıb, sakinlərin istirahəti üçün məhəllədə kölgənəcəklər, söhbətgahlar qoyulub, usaq və gənclər üçün əyləncə və idman qurğuları quraşdırılıb. Fövqəladə Hallar Nazirliyi tərəfindən 2010-cu ildə Kür çayında baş verən təbii fəlakət nəticəsində qəzalı vəziyyətə düşən, şəhərin 1 May küçəsi, 105 A ünvanında yerləşən fərdi yaşayış evinin yenidən tikintisinə başlanılıb.

Şirvan şəhərində həyata keçiriləcək layihələr içərisində magistral və məhəllədaxili yol infrastrukturunun təmir və bərpası işləri mühüm yer tutur. Belə ki, bu istiqamətdə kompleks tədbirlər həyata keçirilir, şəhər ərazisində əsas magistrallara çıxan torpaq

əsaslı, məhəllədaxili və uzun müddət istismar olunan yol­lara yeni asfalt örtüyü salınır. Ümumilikdə il ərzində mərhələli şəkildə şəhərin 25 küçəsində 70500 kvadratmetrdən çox asfalt-beton örtüyünün salınması nəzərdə tutulub.

Artıq şəhərin F.X.Xoyski, İ.Şıxlı küçələrinin və Hacıqa­bul-Şirvan avtomobil yolunun xeyli hissəsinə asfalt-beton örtük vurulub. Heydər Əliyev və İstiqlaliyyət prospektlərində, T.İsmayılov, Xəqani, Z.Hacıyev, leytenant İbrahimov, 20 Yanvar və M.Ə.Rəsulzadə küçələrində asfalt örtüyündə olan çalala­rın təmirinə başlanılıb. Bundan əlavə Heyranxanım-1, Heyran­xanım-2, S.Bəhlulzadə, Niyazi, R.Rza, Təbriz, Y.V.Çəmənzəminli, X.Məmmədov və bir sıra digər küçələrə isə qum-çınqıl qatı verilərək, asfalt-beton örtük qoyul­ması üçün hazırlıq işləri aparılıb.

Şirvan şəhərinin içməli və tullantı su şəbəkələri yenidən qurulur

Respublikanın mühüm sənaye şəhərlərindən olan Şirvanda istehlakçıların keyfiyyətli içməli su ilə təmin edilməsi və on­lara göstərilən kanalizasiya xidmətlərinin yaxşılaşdırılması xüsusi əhəmiyyət daşıyır. Hazırda şəhərdə içməli su və kanalizasiya şəbəkələrinin tikintisi işləri həyata keçirilir.

İçməli su təchizatı sekto­runda həyata keçirilən böyük infrastruktur layihələrindən olan Şirvan-Muğan qrup su kəmərinin istifadəyə verilməsi bir sıra yaşayış məntəqələrinin içməli su təchizatının yaxşılaşdırılma­sında əlverişli imkanlar yaradıb. 2013-cü ildə Şirvan-Muğan qrup su kəmərindən Şirvan şəhərinə içməli suyun verilməsindən sonra şəhərdaxili şəbəkələrin yenidən qurulması işləri həyata keçirilib. Dövlət büdcəsi hesabına icra olunan layihə çərçivəsində şəhərin bir hissəsinin içməli su şəbəkəsi yenilənib. Ümumilikdə, indiyədək şəhərdə 60 kilometrdən çox içməli su, 7 kilometrədək kanalizasi­ya xətləri çəkilib və 11 minədək ünvana birləşmə verilərək say­ğaclar quraşdırılıb. Hazırda şəhərin içməli su və kanalizasiya şəbəkələrinin yenidən qurul­ması və genişləndirilməsi işləri mərhələlərlə davam etdirilir.

Bu il icra olunan layihə çərçivəsində Şirvan şəhərinin Bağlar massivi adlanan ərazisində 14 kilometrdən çox içməli su şəbəkəsinin qurulması və 2 minədək abonentin dayanıq­lı içməli su ilə təmin olunması nəzərdə tutulub. Eyni zamanda, Yeni şəhər massivində müxtəlif diametrli borularla 3 kilometrədək kanalizasiya şəbəkəsi qurulacaq. Hazırda bu ərazilərdə nəzərdə tu­tulmuş işlərin 50 faizə qədəri icra olunub və cari ilin sonunadək işlər yekunlaşacaq.

Azərbaycan Respublikası Re­gionlarının 2019-2023-cü illərdə sosial-iqtisadi inkişafı Dövlət Proq­ramına uyğun olaraq “Meliorasiya və Su Təsərrüfatı” ASC tərəfindən “Şirvan şəhəri ərazisində Baş Şirvan kollektorunda baş vermiş qəzanın aradan qaldırılması” tədbirləri daxilində müvafiq işlərin görülməsi nəzərdə tutulmuşdur.

Şəhərdə içməli su və kana­lizasiya şəbəkələrinin tikintisi növbəti illərdə davam etdiriləcək. Şirvan şəhərində ümumilikdə 257 kilometr içməli su və 228 kilometr tullantı su şəbəkələrinin tikintisi nəzərdə tutulur. Eyni zamanda, şəhərin dayanıqlı su təchizatı məqsədilə ümumi tutumu 19 min kubmetr olan 2 su anbarı inşa ediləcək. Şirvan şəhərində formalaşan tullantı sularının kənarlaşdırılması məqsədilə layihə çərçivəsində tullantı sutəmizləyici qurğular kompleksinin tikintisi nəzərdə tutulub. Bu qurğuda gələcəkdə Hacıqabul şəhərinin də tullantı suları təmizlənəcək.

Şəhər ərazisində çoxmənzilli yaşayış binalarının zirzəmilərinin çirkab sulardan təmizlənməsi və kanalizasiya şəbəkəsinin yenilənməsi istiqamətində tədbirlər davam etdirilir. Qeyd edək ki, şəhər üzrə zirzəmilərdə təmir-bərpa işlərinin aparılması nəzərdə tutulan 75 çoxmənzilli binanın 34-də işlər artıq başa çatdırılıb.

Əhalinin elektrik enerjisi və qaz təchizatı, rabitə və internet xidmətlərinə olan tələbatı yaxşılaşdırılır

Şəhərin elektrik enerjisi təminatının yaxşılaşdırılması məqsədilə dövlət proqramına uyğun olaraq cari ildə 2567 metr müxtəlif markalı elektirik verilişi xətləri çəkilib, 52 ədəd dəmir da­yaq quraşdırılıb, istismara yararsız 21 ədəd izolyator yeni “ŞS-10” izolyatorlarla əvəz edilib. Bununla yanaşı, 11 ədəd müxtəlif güclü “tr-tor” yarımstansiyaları əsaslı təmir olunaraq, yenidən qurulub, 25 ədəd yarımstansiya cari təmir edilib, 61 ədəd yeni sayğac quraş­dırılaraq abonentlərin istifadəsinə verilib.

Dövlət proqramına uyğun ola­raq Şirvan şəhərinin elektrik ener­jisi təminatının yaxşılaşdırılması üçün 2020-ci ildə “Azərişıq”ASC tərəfindən 1 ədəd 10-6 kV-luq transformator məntəqəsinin quraş­dırılması, 2,5 kilometr uzunluğun­da 35 kV-luq, 1,8 kilometr uzunlu­ğunda 10-6 kV-luq hava xətlərinin təmiri və 0,8 kilometr uzunluğunda 0,4 kV-luq kabel xətlərinin tikintisi nəzərdə tutulub.

“Azəriqaz” İstehsalat Birli­yi tərəfindən dövlət proqramı çərçivəsində Şirvan şəhərinin dayanıqlı və fasiləsiz təbii qaz təchizatının təmin olunması məqsədi ilə 2020-ci ildə 7525 poqonometr qaz xəttinin çəkilişi və əsaslı təmiri planlaşdırılıb.

Cari ildə şəhərin qaz təchizatının yaxşılaşdırılması məqsədi ilə “Bağ evləri” yaşayış massivində 457 poqonometr yeni daşıyıcı qaz xətti çəkilib, bir ədəd “ŞQTM-400” tipli əlavə qaz tənzimləyici şkaf quraşdı­rılıb, istismar müddəti keçmiş müxtəlif diametrli daşıyıcı qaz xətti yeni 57 millimetrlik 115 poqono­metr yerüstü xətlə əvəz olunub. H.Z.Tağıyev küçəsində istismar müddəti keçmiş 89 millimetrlik qaz xətti 76 millimetrlik 121 poqono­metr, Fizuli küçəsində müxtəlif diametrli xətlər yeni 57 millimetrlik 666 poqonometr yeni yerüstü xətlə əvəz edilib. Energetik küçəsində 76 millimetrlik 189 poqonometr yer üstü əlaqələndirici qaz xətti quraş­dırılıb. Naxçıvan küçəsində fərdi evlərə məxsus müxtəlif diametrli qaz xətləri yeni 57 millimetrlik 677 poqonometr yerüstü xətlərlə əvəz olunub və bu istiqamətdə işlər davam etdirilir. “Kənd evləri” yaşayış massivində 685 məcburi köçkün ailəsi üçün inşa olunan 13 ədəd 9 mərtəbəli yaşayış binası və mərkəzləşdirilmiş istilik sistemi­nin qazanxanası təbii qazla təmin edilib.

2020-ci ildə dövlət proqramı çərçivəsində Şirvan şəhərində genişzolaqlı internet xidmətinin keyfiyyətinin artırılması və bü­tün abunəçilərin bu xidmətdən yararlanması məqsədilə şəhərin müxtəlif yerlərində 18 ədəd yeni müasir tipli ONU avadanlıqlarının qurulması və bu avadanlıqların fiber-optik kabel vasitəsilə EATS-ə qoşulması nəzərdə tutulub.

Bundan başqa şəhərin bir neçə yaşayış massivində pilot layihə kimi “Evə qədər optika” layihəsinin (GPON) icrası planlaşdırılıb.

Əhalinin rabitə və internet xidmətlərinə olan tələbatını yaxşılaşdırmaq məqsədilə cari ildə “Kənd evləri” yaşayış massivində 685 məcburi köçkün ailəsi üçün yeni salınmış yaşayış kompleksində fiberoptik (FO) ka­bel vasitəsi ilə 128 nömrəlik elekt­ron EATS və 64 portluq Huawei tipli DSLAM avadanlığı quraşdırı­laraq, əhalinin istifadəsinə verilib. Telefon və internet xidmətinin keyfiyyətinin yaxşılaşdırmaq məqsədilə eskiz sxemə uyğun ola­raq 940 nömrəlik paylayıcı şəbəkə tikilərək işə salınıb, 895 nəfər abunəçinin genişzolaqlı internet xidmətinə qoşulması təmin edilib. Şəhərin müxtəlif küçələrində 11 ədəd dəmir, 13 ədəd ağac dirək quraşdırılıb, ümumi uzunluğu 3363 metr müxtəlif markalı yeni paylayıcı kabel xətti çəkilib, 4 ədəd quyu qapağı, 3 ədəd kabel meydançası, 3 ədəd travers, 2 ədəd kabel qutusu montaj olunub.

***

Azərbaycan Respublikası Re­gionlarının 2019-2023-cü illərdə sosial-iqtisadi inkişafı Dövlət Proq­ramının icra vəziyyəti ilə əlaqədar Şirvan şəhəri üzrə 2020-ci ildə Dövlət Məşğulluq Xidməti orqan­ları tərəfindən işsiz, xüsusilə əmək qabiliyyətli ünvanlı sosial yardım alan, habelə sosial müdafiəyə xüsusi ehtiyacı olan və işə düzəlməkdə çətinlik çəkən şəxslər üçün özünüməşğulluq proqramına 145 şəxsin cəlb edilməsi nəzərdə tutulmuşdur. Çari ildə Məşğulluq Mərkəzində işaxtaran kimi qey­diyyatda olan vətəndaşlardan 72 nəfər özünüməşğulluq proqramına cəlb olunmuşdur.

Şirvan şəhərində şəhid ailələri, Qarabağ əliləri və digər aztəminatlı ailələr daim diqqət mərkəzində saxlanılır, onların problemlərinin həlli istiqamətində müvafiq tədbirlər görülür. Tədris müəssisələrinin, tibb ocaqları­nın təmiri, yenidən qurulması və yenilərinin tikilməsinə xüsusi önəm verilir. Bütün bunlarla bərabər koronavirus (COVID-19) infeksiya­sının yayılmasının qarşısının alın­ması məqsədilə şəhərdə dezin­feksiya işləri və qabaqlayıcı tibbi tədbirlər davam etdirilir. Sanitar-epidemioloji vəziyyəti nəzarətdə saxlamaq məqsədilə Şirvan Şəhər Gigiyena və Epidemiologiya Mərkəzinin əməkdaşları tərəfindən şəhərin küçə və prospektləri dezinfeksiyaedici maddələrlə yuyulur. Heydər Əliyev, Nəriman Nərimanov, Səməd Vurğun parklarında, Heydər Əliyev və İstiqlaliyyət prospektləri boyunca yerləşən park və xiyabanlarda dezinfeksiya işləri aparılır.

Səməd HÜSEYNOĞLU

Xalq qəzeti  2020.- 5 iyul.- S.6.