AZƏRBAYCAN RESPUBLİKASI NAZİRLƏR KABİNETİNİN QƏRARI

№ 254 Bakı şəhəri, 17 iyul 2020-ci il

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiq edilməsi barədə” Azərbaycan Respublikası Prezidentinin 2010-cu il 10 fevral tarixli 220 nömrəli Fərmanında dəyişiklik edilməsi haqqında” Azərbaycan Respublikası Prezidentinin 2020-ci il 17 aprel tarixli 996 nömrəli Fərmanına əsasən Azərbaycan Respublikasının Nazirlər Kabineti qərara alır:

“Ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiq edilməsi haqqında” Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli Qərarında (Azərbaycan Respublikasının Qanunvericilik Toplusu, 2010, № 6, maddə 564; 2012, № 1, maddə 30, № 11, maddə 1208; 2013, № 9, maddə 1133; 2014, № 2, maddə 201; 2015, № 4, maddə 466, № 8, maddə 964; 2016, № 5, maddə 955, № 12, maddə 2239; 2017, № 4, maddə 642; 2018, № 3, maddə 590, № 11, maddə 2431; 2019, № 10, maddə 1675; 2020, № 3, maddə 342) aşağıdakı dəyişikliklər edilsin:

1. 3-cü hissədə “bakalavriat və magistratura” sözləri “bakalavriat, magistratura, doktorantura (dissertantlıq istisna olmaqla)” sözləri ilə əvəz edilsin.

2. Həmin Qərarla təsdiq edilmiş 3 nömrəli əlavə - “Azərbaycan Respublikasında ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiqi ilə bağlı dövlət sifarişi ilə ali təhsil müəssisələrinin bakalavriat və magistratura, əsas (baza ali) tibb təhsili və rezidentura səviyyələrində, Azərbaycan Milli Elmlər Akademiyasının magistratura səviyyəsində kadr hazırlığının maliyyələşdirilməsi Qaydaları” üzrə:

2.1. adında və 1.1-ci bəndində “bakalavriat və magistratura” sözləri “bakalavriat, magistratura, doktorantura (dissertantlıq istisna olmaqla)” sözləri ilə əvəz edilsin;

2.2. 1.3-cü bəndə “həm magistratura” sözlərindən sonra “, doktorantura (dissertantlıq istisna olmaqla)” sözləri əlavə edilsin;

2.3. 2-ci hissə üzrə:

2.3.1. ikinci abzasa “ixtisaslar” sözündən sonra “və doktorantura (dissertantlıq istisna olmaqla) səviyyəsində elm sahələri” sözləri əlavə edilsin;

2.3.2. dördüncü abzasda “xərclər” sözü “illik təhsil xərcləri” sözləri ilə əvəz edilsin;

2.4. 3.1-ci bənddə “xərclərin” sözü “illik təhsil xərclərinin” sözləri ilə əvəz edilsin və həmin bəndə “ixtisasların” sözündən sonra “və doktorantura (dissertantlıq istisna olmaqla) səviyyəsində elm sahələrinin” sözləri əlavə edilsin;

2.5. 3.2-ci bənddə “təhsil xərclərinin” sözləri “illik təhsil xərclərinin” sözləri ilə əvəz edilsin;

2.6. 4.1-ci bənd üzrə:

2.6.1. birinci cümlədə “Hər il” sözləri “Hər tədris ili” sözləri ilə, “aidiyyəti sahə nazirlikləri” sözləri “, ali təhsil müəssisələrinin doktorantura (dissertantlıq istisna olmaqla) səviyyəsi üzrə isə Azərbaycan Respublikası Təhsil Nazirliyinin aidiyyəti dövlət orqanları (qurumları)” sözləri ilə əvəz edilsin;

2.6.2. ikinci cümlə aşağıdakı redaksiyada verilsin:

“Hər il noyabrın 1-dək Azərbaycan Respublikası İqtisadiyyat Nazirliyinin və Azərbaycan Respublikası Təhsil Nazirliyinin Azərbaycan Respublikasının Maliyyə Nazirliyi və aidiyyəti dövlət orqanları (qurumları) ilə növbəti tədris ili üçün razılaşdırılmış təklifləri Azərbaycan Respublikasının Nazirlər Kabinetinə təqdim edilir.”;

2.7. 4.2-ci bənd aşağıdakı redaksiyada verilsin:

“4.2. Azərbaycan Respublikasının Nazirlər Kabineti dövlət sifarişinə uyğun olaraq, aidiyyəti dövlət orqanlarının (qurumlarının) təqdim etdikləri təkliflər əsasında hər il aprelin 1-dək növbəti tədris ili üçün müvafiq ixtisaslar üzrə ali təhsil müəssisələrinin bakalavriat, magistratura, doktorantura (dissertantlıq istisna olmaqla), əsas (baza ali) tibb təhsili və rezidentura səviyyələrinə tələbə qəbulunu müəyyən edir.”;

2.8. 4.3-cü bənddə “hər tədris ili üzrə təkliflərini hər il fevralın 1-dək” sözləri “hər il oktyabrın 1-dək növbəti tədris ili üzrə təkliflərini” sözləri ilə əvəz edilsin;

2.9. 4.4-cü, 4.5-ci və 4.6-cı bəndlərdə ismin müvafiq hallarında “abituriyentlər” sözü ismin müvafiq hallarında “şəxslər” sözü ilə əvəz edilsin;

2.10. 5.2-ci və 5.3-cü bəndlər aşağıdakı redaksiyada verilsin:

“5.2. Azərbaycan Respublikasının Təhsil Nazirliyi ilə bakalavriat və magistratura, əsas (baza ali) tibb təhsili və rezidentura səviyyələri üzrə ali təhsil müəssisələri və magistratura səviyyəsi üzrə Azərbaycan Milli Elmlər Akademiyası arasında hər il sentyabrın 15-dək, Azərbaycan Respublikasının Təhsil Nazirliyi ilə doktorantura (dissertantlıq istisna olmaqla) səviyyəsi üzrə ali təhsil müəssisələri arasında isə hər il oktyabrın 15-dək bu Qaydaların 1 nömrəli əlavəsinə uyğun olaraq müqavilə imzalanır.

5.3. Bakalavriat və magistratura, əsas (baza ali) tibb təhsili və rezidentura səviyyələri üzrə ali təhsil müəssisəsi və magistratura səviyyəsi üzrə Azərbaycan Milli Elmlər Akademiyası ilə dövlət sifarişi əsasında təhsil alacaq təhsilalan arasında hər il sentyabrın 15-dək, doktorantura (dissertantlıq istisna olmaqla) səviyyəsi üzrə ali təhsil müəssisəsi ilə dövlət sifarişi əsasında təhsil alacaq təhsilalan arasında isə hər il oktyabrın 15-dək bu Qaydaların 2 nömrəli əlavəsinə uyğun olaraq müqavilə imzalanır.”;

2.11. 5.4-cü bənddə “təhsil proqramlarına” sözləri “normativ təhsil müddətinə” sözləri ilə, “bakalavriat və əsas (baza ali) tibb təhsili və ya magistratura və rezidentura” sözləri “bakalavriat, əsas (baza ali) tibb təhsili, magistratura, rezidentura və doktorantura (dissertantlıq istisna olmaqla)” sözləri ilə əvəz edilsin;

2.12. həmin Qaydalara 1 nömrəli əlavə - “Azərbaycan Respublikasının Təhsil Nazirliyi ilə ali təhsil müəssisəsi və magistratura səviyyəsi üzrə Azərbaycan Milli Elmlər Akademiyası arasında Nümunəvi Çərçivə Müqaviləsi” üzrə:

2.12.1. yuxarı sağ küncündə “bakalavriat və magistratura” sözləri “bakalavriat, magistratura, doktorantura (dissertantlıq istisna olmaqla)” sözləri ilə əvəz edilsin;

2.12.2. 1.2-ci bənd aşağıdakı redaksiyada verilsin:

“1.2. Bakalavriat, magistratura, əsas (baza ali) tibb təhsili və rezidentura səviyyələrinə 2010/2011-ci tədris ilindən, doktorantura (dissertantlıq istisna olmaqla) səviyyəsinə 2020-ci ildən başlayaraq qəbul olunanlara münasibətdə hər il dövlət sifarişinin yerinə yetirilməsi üçün dövlət büdcəsindən ayrılan vəsaitlərin məbləği Azərbaycan Respublikasının Nazirlər Kabineti tərəfindən təsdiq edilən hər bir təhsilalana düşən illik təhsil xərclərinin miqdarı əsasında müəyyən olunur.”;

2.12.3. 2.1-ci bənddə “abituriyentin” sözü “şəxsin” sözü ilə və ismin müvafiq hallarında “təhsil xərcləri” sözləri ismin müvafiq hallarında “illik təhsil xərcləri” sözləri ilə əvəz edilsin;

2.12.4. 2.3.1-ci yarımbənddən “Azərbaycan Respublikasının Nazirlər Kabineti tərəfindən təsdiq edilən hər bir təhsilalana düşən təhsil xərclərinin miqdarı daxilində” sözləri çıxarılsın;

2.12.5. 2.3.4-cü yarımbənddə və 3.1-ci bənddə “təhsil xərclərinin” sözləri “illik təhsil xərclərinin” sözləri ilə əvəz edilsin;

2.13. həmin Qaydalara 2 nömrəli əlavə - “Ali təhsil müəssisəsi və magistratura səviyyəsi üzrə Azərbaycan Milli Elmlər Akademiyası ilə dövlət sifarişi ilə təhsil alacaq təhsilalan arasında Nümunəvi Fərdi Müqavilə” üzrə:

2.13.1. yuxarı sağ küncündə “bakalavriat və magistratura” sözləri “bakalavriat, magistratura, doktorantura (dissertantlıq istisna olmaqla)” sözləri ilə əvəz edilsin;

2.13.2. 1.2-ci bənd aşağıdakı redaksiyada verilsin:

2.13.3. 2.1-ci və 3.1-ci bəndlərdə “təhsil xərclərinin” sözləri “illik təhsil xərclərinin” sözləri ilə əvəz edilsin.

Əli ƏSƏDOV

Azərbaycan Respublikasının Baş Naziri

Xalq qəzeti 2020.- 19 iyul.- S.4.