“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqında” Azərbaycan Respublikası Nazirlər Kabinetinin 2018-ci il 28 avqust tarixli 359 nömrəli Qərarında dəyişiklik edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

№ 372 Bakı şəhəri, 1 oktyabr 2020-ci il

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqında” Azərbaycan Respublikası Nazirlər Kabinetinin 2018-ci il 28 avqust tarixli 359 nömrəli Qərarında (Azərbaycan Respublikasının Qanunvericilik Toplusu, 2018, № 8, maddə 1810) aşağıdakı dəyişikliklər edilsin:

1. 1-ci hissədə “11” rəqəmləri “13” rəqəmləri ilə əvəz edilsin.

2. “Kollegiyanın üzvləri” bölməsi üzrə:

2.1. beşinci abzasda “Nazirliyi yanında Dövlət Sosial Müdafiə Fondunun direktoru” sözləri “Nazirliyinin tabeliyində Dövlət Sosial Müdafiə Fondunun İdarə Heyətinin sədri” sözləri ilə əvəz edilsin;

2.2. altıncı abzasda “Nazirliyi yanında Dövlət Tibbi-Sosial Ekspertiza və Reabilitasiya Xidmətinin rəisi” sözləri “Nazirliyinin tabe-liyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri” sözləri ilə əvəz edilsin;

2.3. yeddinci abzasda “Nazirliyi yanında Dövlət Məşğulluq Xidmətinin rəisi.” sözləri “Nazirliyinin tabeliyində Dövlət Məşğulluq Agentliyinin İdarə Heyətinin sədri” sözləri ilə əvəz edilsin.

3. Aşağıdakı məzmunda səkkizinci və doqquzuncu abzaslar əlavə edilsin:

“Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dayanıqlı və Operativ Sosial Təminat Agentliyinin İdarə Heyətinin sədri;

Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri.”.

Əli ƏSƏDOV

Azərbaycan Respublikasının Baş Naziri

Xalq qəzeti 2020.- 3 oktyabr.- S.9.