Ağılsızlıqda
və həyasızlıqda tayı-bərabəri olmayan ermənilər
hər yerdə özlərini “yazıq”, “əzabkeş” kimi qələmə
verməklə əvvəl isti bucaq qazanır, sonra isə
iştahlanıb özgə evinə sahib çıxırlar.
Xəyanətə görə cavabını alanda isə
haray-həşir qoparırlar ki, bizi məhv edirlər. Bu,
yazıqlıq deyil, bədbəxtlikdir ki, baiskarı da özləridir.
Bu xislətlə onlar
böyük dövlətlərin əlində alətə də
çevriliblər. Bundan isə ən böyük ziyanı Azərbaycan
çəkib. Tarixən, yurd-yuvasız dolaşan bu topluma
göstərdiyi xidmətə görə ağaları XX əsrdə
tarixi Azərbaycan torpaqlarında dövlət yaradıblar. Belələrinin
himayəsi ilə əsrin sonunda Ermənistan ölkəmizə
yenidən təcavüz etdi, yeni torpaqlarımızı ələ
keçirdi, xalqımıza ölüm-itim, fəlakət gətirdi.
Axı bunlar hamısı göz qabağındadır.
Ermənistanın
qardaş Türkiyəyə qarşı da xəyanətkarlığı
qədərincədir. Adicə həyatda bir qonşu o birinə
pislik edəndə qapını onun üzünə bağlayırlar.
Ermənistan həm Azərbaycana, həm də Türkiyəyə
düşmənçiliyi ilə qapıları üzünə
bağladıb, özünü bədbəxt günə
salıb. İndi vəziyyətdən çıxmaq
üçün ağlını başına
yığıb haqsız iddialardan,
işğalçılıqdan əl çəkmək əvəzinə,
öz düşmənindən faydalanmaq istəyir. Çox təəssüf
ki, bu ədalətsizliyi himayə edənlər də
tapılır.
Sözün düzü, Türkiyənin indiki rəhbərliyinin
belə mənasız danışıqlara baş
qoşması adamı möhkəm əndişələndirir.
Əgər onlar yersiz ürəyiyumşaqlıq edib güzəştə
getsələr, ermənilərə qapı açsalar, sonrası
necə olacaq? Əvvəla, bütün dünya deyəcək
ki, Türkiyə indiyənə qədər düz hərəkət
etmirmiş. İkincisi, Ermənistan özünü haqlı,
qalib sayıb Türkiyənin üstünə yeriyəcək.
Ermənilər Türkiyə tərəfdən yeni nəfəs
aldığına görə dirçələcək, Azərbaycana
meydan oxumaqda davam edəcək.
Mən bu sözləri
ömrümün ixtiyar çağırda, xəstə-xəstə
yataqdan qalxıb yazıram. Səsimi xalqımın haqq səsinə
qatıb Türkiyədəki bacı-qardaşlarıma demək
istəyirəm ki, heç olmasa özlərini
düşünsünlər. Hələlik Ermənistan elə
bir addım atmayıb ki, buna uyğun güzəştə
gedilsin. Ulu Dədə Qorqud anladırdı ki, qarı
düşmən dost olmaz. Biz ermənilərin yalanlarına,
üzlərindəki maskalara çox inanmışıq, həmişə
də onlardan zərbə almışıq.
Bəs deyilmi? Dost olmaq,
get-gəl etmək istəyirsənsə, ətəyindəki
daşı yerə tök, bir addım sən— bir addım da mən.
Amandı, türk qardaşlar, igid paşaların dediyi kimi,
barıtı quru saxlayın. Düşmənlərin
yalanlarına, hədə-qorxularına uymayın,
ehtiyatlanmayın. Unutmayın ki, düşmən səndə
zəiflik yox, güc-qüdrət görəndə yerində
oturur. Azərbaycanla Türkiyə bu növbəti sınaqda
da qardaşlığımıza sadiqliyini yenidən sübuta
yetirməklə düşmənləri məyus eləməyi,
hamımızı sevindirməyi bacarmalıdır.
Balaş AZƏROĞLU,
xalq şairi
Xalq qəzeti.- 2009.- 10 aprel.- S. 5.