Xalq qəzeti”nin əməkdaşıİlin jurnalistielan edildi

 

Azərbaycanın sosial-iqtisadi inkişafı bölgələrin həyatında xüsusi canlanma yaradır. Regionların sosial-iqtisadi inkişafı Dövlət Proqramının icrası nəticəsində daha da inkişaf edən Zaqatalada isə tərəqqi ilə yanaşı yeni ənənələr yaranır. Müxtəlif bayram əlamətdar günlər münasibətilə keçirilən təntənəli tədbirlərdə rayonun ictimai həyatında fərqlənən çoxsaylı peşə sahiblərinin fəaliyyətinin qiymətləndirilməsi bu qəbildən olan ənənələrdəndir.

Gənclər günümünasibətilə keçirilən toplantı ötən ilin yekunlarının tamamilə hazır olduğu bir dövrə düşdüyünə görə bu tədbirdə müxtəlif nominasiyalar üzrə ilin qalibləri elan edilmişdir. Dövlət qulluğu, təhsil, səhiyyə, mədəniyyət, idman başqa sahələrlə yanaşı rayonun ictimai həyatında daha fəal iştirak edən digər sənət peşə sahibləri öz layiqli qiymətlərini almışlar.

Maraqlıdır ki, bu il 30 nominasiya üzrə ilin qalibi olan zaqatalalıların sırasında (ilin əsgəri, ilin idmançısı, ilin gənc həkimi, ilin bələdiyyəsi, hətta, ilin ağsaqqalı sairə) “Xalq qəzeti”nin bölgə müxbiri İlqar Həsənov da vardır. Rayon icra hakimiyyətinin başçısı Asif Əsgərov qalibləri təbrik edərkən bir məsələni xüsusilə qeyd etmişdir: “Bizim uğurlarımız böyükdür. Ancaq bu uğurların ölkə mətbuatında işıqlandırılmasını təmin edən kütləvi informasiya vasitələrinin xidməti yüksək qiymətləndiirlməlidir. Bu baxımdan 2008-ci ildə Zaqatalanın ictimai-siyasi sosial həyatını ən yaxşı işıqlandıran mətbuat vasitəsiXalq qəzeti" olmuşdur. Ona görə bu qəzetin bölgə müxbiri İlqar Həsənovİlin jurnalistielan edilir.”

İcra başçısı qalibləri diplom qiymətli hədiyyələrlə təltif etmişdir.

 

 

İttifaq MİRZƏBƏYLİ

 

Xalq qəzeti.-2009.-4 fevral.-S.6.