Avstraliya da anti-böhran planını açıqladı

Avstraliya hökuməti hazırda maliyyə böhranı nəticəsində böyük çətinliklərlə üzləşən ölkə iqtisadiyyatına yardım məqsədilə 26 milyard dollar həcmində vəsait ayırmaq qərarına gəlib.

Verilən xəbərlərə görə, iqtisadiyyatın stimullaşdırılmasını nəzərdə tutan vəsaitin müəyyən hissəsi ölkədə yeni infrastruktur layihələrinin yaradılması və aztəminatlı ailələrin həyat səviyyəsinin yüksəldilməsinə sərf ediləcək.

Ölkə xəzinədarlığının rəhbəri Ueyn Svon deyib ki, dövlət tərəfindən ayrılan maliyyə yardımının bir qismi yeni körpülərin, yolların salınmasına, həmçinin yaşayış binalarının təmirinə xərclənəcək. Baş xəzinədar onu da vurğulayıb ki, ayrılan vəsait bu ilin martına qədər təyinatı üzrə istifadə olunacaq. Bundan əlavə, bu ölkənin mərkəzi bankı uçot dərəcələrini 3,25 faiz azaltmağı planlaşdırır. Bu son 45 ildə Avstraliya maliyyə sistemində ən aşağı faiz göstəricisi olacaq.

Mütəxəssislərin fikrincə, dövlətin bu addımı nəticəsində doxsan mindən çox adam öz iş yerində qala biləcək. Avstraliyanın baş naziri Kevin Ruud isə bildirib ki, hökumət iqtisadi böhranın qarşısını almaqdan ötrü gələcəkdə də lazım olan bütün tədbirləri həyata keçirəcək.

Aida AYSA

Xalq qəzeti.-2009.-5 fevral.-S.6.