Eltac xal ehtiyatını artırır

Moskvada keçirilən və yeddi turniri özündə birləşdirən beynəlxalq şahmat festivalının “A” turnirinin dördüncü turunda bu yarışdakı təmsilçilərimiz arasında daha uğurla çıxış edən Eltac Səfərli qələbə sevinci yaşamışdır. Rusiyalı Aleksandr Çudinovski ilə görüşdə müvəffəqiyyət ona xal ehtiyatını 3-ə çatdırmağa imkan vermişdir.

Qədir Hüseynov isə hesabat turunda Aleksandr Damimlə (Rusiya) heç-heçə oynamışdır. Dörd turdan sonra qrossmeysterimizin 2,5 xalı var. Turnirdə ilk dörd yeri keçirdikləri görüşlərin hamısından qalib ayrılan Ernesto İnarkiyev, Pavel Smirnov, Yan Nepomnyaşi (hər üçü Rusiya) və moldovalı Dmitri Svetuşkin tuturlar.

Dünən beşinci turda Səfərli rusiyalı Artyom Timofeyevlə görüşmüş, Hüseynov isə Rusiya şahmat məktəbinin digər yetirməsi — Mixail Demidovla qarşılaşmışdır.

Oqtay BAYRAMOV

Xalq qəzeti.-2009.-5 fevral.-S.7.