“Media FM” radiostansiyası verilişlərinin təqdimatını keçirdi

Dünən “Media FM” radiostansiyanın fəaliyyətə başlaması münasibətilə təqdimat mərasimi keçirildi. “Media FM”in icraçı direktoru Tural Əliyevin sözlərinə görə, yayımın ilk mərhələsində efirə “Bizlikdir” sosial verilişi (aparıcı Tural Badikübə), “Açıq səsvermə” siyasi tok-şousu (Teymur), gənclər üçün “Ətti-mətti” radio-şousu (DJ Fateh) və Kübra Kərimlinin təqdimatında “Böyük-böyük” adlı uşaq verilişi çıxacaq. Qeyd etmək lazımdır ki, radiostansiyanın hazırkı kollektivi, əsasən, ölkəmizin radio-məkanının ən təcrübəli aparıcılarından ibarətdir.

Radiostansiya efirə səhər 10.00-dan axşam 18.00-a kimi hər saatda bir dəfə olmaqla 9 xəbər blokunu yayımlayır..

Radiostansiyanın rəhbərliyinin sözlərinə görə, “Media FM” qısamüddətli planlarında efirə yeni aparıcılar cəlb etmək, o cümlədən, verilişlərin sayını artırmaq nəzərdə tutulur.

“Media FM”in uzunmüddətli planları barədə danışan icraçı direktor T.Əliyev radiostansiyanın dinləyiciləri üçün jurnal buraxılacağı, həmçinin, yayımın əhatə dairəsinin genişləndilirilməsinin də nəzərdə tutulduğunu bildirdi.

Yeni radiostansiya media bazarına, BTL və küçədə reklamı da daxil edən aqressiv pr-la daxil olmaqdadır. Yaxın günlərdə “Media FM”in veb-saytının (www.mediafm.az ttp://www.mediafm.az) da açılması gözlənilir.

Sonra jurnalistlər radiostansiyanın iş otaqları, buradakı respublikamızda analoqu olmayan avadanlıqlarla tanış oldular. Bildirildi ki, alınmış müasir avadanlıqlar Avstriyadan gətirilmişdir.Həmin avadanlıqların köməyi ilə eyni vaxtda 12 dinləyici ilə canlı bağlantı yaratmaq mümkündür.

Qabil YUSİFOĞLU

Xalq qəzeti.-2009.-22 fevral.-S.8.