Ulu öndər Heydər
Əliyev Mədəniyyət mətbuatın, jurnalistlərin
yaxın dostu idi
Mənim
xatirimdədir, 1970-ci il idi. Bizim “Kommunist”
qəzeti bir neçə rayonda bəzi şeyləri
aşkara çıxardı, böyük məqalələr verdi. Biz onları Mərkəzi
Komitədə müzakirə etdik, o rayon
rəhbərlərini işdən uzaq etdik, bəzilərini
hüquq-mühafizə orqanlarına verdik və həmin
rayonların işini daha da yaxşılaşdırdıq.
Heydər ƏLİYEV
Ümummilli lider
Azərbaycanın tarixinə 14 iyul 1969-cu il
qızıl hərflərlə yazılıb. Həmin
günədək fəaliyyəti məxfi sayılan bir
təşkilata — Dövlət Təhlükəsizlik
Komitəsinə sədrlik edən general-mayor Heydər
Əliyev Azərbaycana rəhbər təyin olundu. Aydın səmada şimşək çaxması
kimi əks-səda doğuran bu təyinat sonralar
xalqımızın taleyində mühüm rol oynadı.
Belə ki, bu gəlişilə Heydər Əliyev Azərbaycana
təxminən 34 il rəhbərlik etdi. Arada
beş il SSRİ-nin rəhbərlərindən
biri olan ulu öndər təcrübəli dövlət xadimi
kimi bir çox xalqların, millətlərin dərin
hörmət və ehtiramını qazandı.
Ötən illər sübut
etdi ki, xalqımızı Heydər Əliyevə böyük
məhəbbət və qırılmaz tellər
bağlayır. Qarşılıqlı olan bu
bağlılıq 1993-cü ildə – ölkə
vətəndaş müharibəsi ilə üz-üzə qalanda
daha bariz şəkildə özünü göstərdi.
Xalqımız israrla, təkidlə Heydər Əliyevi
yenidən hakimiyyətə gətirdi. 40 il
bundan əvvəl, 1969-cu ilin yayında onu İttifaq
rəhbərliyi Azərbaycana başçı təyin
etmişdisə, on altı il öncə xalqın tələbi
belə oldu.
Azərbaycan Heydər
Əliyevin rəhbərliyi altında əvvəlcə keçmiş
SSRİ məkanında görünməmiş
sürətlə inkişaf etdi, iqtisadiyyatın bütün sahələrində
ciddi dönüş yaradıldı. Elmdə,
mədəniyyət və incəsənətdə
böyük nailiyyətlər əldə olundu. Ömrünü xalqın tərəqqisi,
xoşbəxtliyi yolunda şam kimi əridən bu dahi
insanın respublikada hakimiyyətə yenidən
qayıdışı Azərbaycanı dünya orbitinə
çıxartdı. Ümummilli liderin
uzaqgörənliklə apardığı daxili və xarici
siyasət ölkədə etibarlı sabitlik yaratdı,
beynəlxalq aləmdə söz sahibi olduq. 1994-cü il sentyabrın 20-də Heydər Əliyev
“Əsrin müqaviləsi”ni imzalamaqla Azərbaycanın
müstəqilliyini əbədi etdi, ölkənin iqtisadi inkişafının
möhkəm təməlini yaratdı.
Ümummilli liderimiz
ölkəyə rəhbərliyi dövründə mətbuata,
jurnailstlərin fəaliyyətinə həmişə
yüksək qiymət vermişdir. Heç təsadüfi deyil ki,
Azərbaycana birinci dəfə rəhbər təyin olunandan az sonra Heydər Əliyev “Kommunist” qəzetinin
50 illik yubileyində (29 avqust 1969-cu il) iştirak etmiş,
doğma Azərbaycan dilində nitq söyləyərək
demişdir: “Bu qəzet həmişə yeni həyat
uğrunda çarpışanların ilk sıralarında
getmişdir. Çoxlarının yaxşı yadında olar,
bir vaxtlar Bakı fəhlələri vətənpərvərcəsinə
belə bir mübariz şüar irəli
sürmüşdülər: ”Neft
beşilliyini iki il yarıma yerinə yetirək!" Qəzet
də o zaman böyük Sovetlər ölkəsinə son
dərəcə lazım olan neftlə, obrazlı desək,
nəfəs alır, şanlı Bakı neftçiləri
ilə birlikdə əmək növbəsində durur, neft
quyuları qazmaqda, neft fontanlarını ram etməkdə
onlara kömək edirdi...
Həqiqət və
ədalət bayrağını uca qaldıran qəzetimiz
əməkçi kəndlilərlə birlikdə ilk
traktorların sükanı arxasına keçir, birlikdə
torpaq şumlayır, yeni həyat yaradıb qururdu".
Ulu öndərimizin bu yüksək qiyməti ölkədə
gedən yenidənqurma işlərini daha operativ və
maraqlı işıqlandırmaqda qəzetmizin kollektivinə
əlavə güc verdi. Əgər
siz ötən əsrin 70-80-ci illərində çıxan
qəzetimizin nömrələrini vərəqləsəniz,
Azərbaycanda tikilib istifadəyə verilən yeni sənaye
müəssisələrinin, təzə yaşayış
massivlərinin geniş ponaramına rast gələrsiniz.
Kənd təsərrüfatında əldə
olunan nailiyyətlər hamını valeh edirdi. Pambıqçılar, üzümçülər
məhsul istehsalında bir milyon tonluq həddi ötüb keçmişdilər.
Qəzetmizin o vaxtkı fəaliyyətini xatırlayan
Azərbaycan Respublikasının Prezidenti Heydər Əliyev 18
dekabr 2001-ci ildə Prezident Sarayında kütləvi informasiya
vasitələrinin rəhbərləri ilə
görüşərkən demişdir: “...Keçmişdə,
Sovet hakimiyyətı vaxtında Azərbaycana rəhbərlik
edərkən, bizdə bir mətbuat — kommunist mətbuatı
var idi. Amma mən həmişə bu
mətbuatı bizim nöqsanları araşdırmaq, aşkara
çıxarmağa yönəldirdim. Çünki
niyə? Biz hamısını aşkara
çıxara bilmirdik. Bizim yerli
hakimiyyət orqanları, o vaxt raykom, icraiyyə komitəsi idi
və bunlar, əlbəttə ki, öz qüsurlarını
gizlədəcəkdilər.
Mənim xatirimdədir, 1970-ci il idi.
Bizim “Kommunist” qəzeti bir neçə rayonda bəzi
şeyləri aşkara çıxardı böyük
məqalələr verdi. Biz
onları Mərkəzi Komitədə müzakirə etdik, o
rayon rəhbərlərini işdən uzaq etdik,
bəzilərini hüquq-mühafizə orqanlarına verdik
və həmin rayonların işini daha da
yaxşılaşdırdıq”.
Mətbuatın hər
çıxışını diqqətlə izləyən
Heydər Əliyev kütləvi informasiya
vasitələrinə qarşı edilən “hücumlara”, haqsızlıqlara
kəskin reaksiya verirdi. 1974-cü ildə Göyçay rayonunda
çıxan “Yeni həyat” qəzetinin nömrəsinin
bütün nüsxələri rayon partiya komitəsinin
göstərişinə əsasən müsadirə olunaraq,
yandırılmışdı. Rayon
kənd təsərrüfatı idarəsi rəisinin
yarıtmaz işini tənqid etdiyinə görə raykomun
bürosu qəzetin redaktorunu vəzifədən
çıxarmışdı. Belə bir
biabırçı fakt Mərkəzi Komitənin birinci katibi
Heydər Əliyevdən gizlədilmişdi. Bununla əlaqədar “Pravda” qəzetində dərc
olunan “Qərəzçilik” sərlövhəli
məqalədən dərhal sonra bu məsələ ulu
öndərin şəxsi tapşırığı ilə Mərkəzi
Komitə bürosunun müzakirəsinə
çıxarıldı.
Respublikanın əməkdar jurnalisti Oqtay Cəfərov (“Yeni
həyat” qəzetinin redaktoru olub – T.Ə.) həmin müzakirəni,
indinin özündə belə yaxşı xatırlayır:
— Yeddi saat davam edən büro iclasının yekununda ulu
öndərimiz Heydər Əliyevə
ünvanladığım teleqramı gizlətdiklərinə
görə Mərkəzi Komitənin təbliğat və
təşviqat şöbəsinin müdiri, rayon partiya
komitəsinin birinci katibi ciddi cəzalandırıldılar. MK-nın şöbə müdirinin müavini,
raykomun ikinci katibi isə vəzifədən azad olundular.
Ümummilli liderimizin o vaxt qətiyyətli
tədbir görməsi başqalarına dərs oldu, mətbuata
təzyiq göstərmək istəyənlərin arzuları
gözlərində qaldı.
Jurnalist əməyinə
böyük hörmətlə yanaşan Heydər Əliyev
“dördüncü hakimiyyət” nümayəndələrini
cəmiyyətin aparıcı qüvvəsi hesab edirdi,
onların qaldırdıqları problemlərə
həssaslıqla yanaşırdı. 1993-cü ilin iyun
ayında ölkədə vətəndaş müharibəsi
başlayanda AXC-Musavat rəhbərlərinin dəvəti
ilə Naxçıvandan Bakıya gələn Heydər
Əliyev vəziyyəti yerində öyrənmək
üçün Gəncə şəhərinə
gedəndə özü ilə yalnız jurnalistləri
aparmışdı. O yaxşı bilirdi ki, geniş xalq
kütləsinə həqiqəti çatdırmaqda KİV
nümayəndələri əvəzsiz vasitədirlər.
“Ruh” Jurnalistləri Müdafiə Komitəsinin təsis
etdiyi “Jurnalistlərin dostu” mükafatı 2002-ci ildə
Azərbaycan Respublikasının Prezidenti Heydər
Əliyevə təqdim olunarkən ulu öndər söz
azadlığı, aşkarlıq, demokratiya
şəraitindən sui-istifdə edib həqiqətə
uyğun olmayan məlumatları dilə gətirən
mətbuat nümayəndələri barədə demişdir:
“Bəzən jurnalist haradasa hansısa faktı eşidir, oturub
yazır və bir az da ona öz fikirlərini əlavə edir.
Amma bu faktı araşdıranda,
müəyyən adamlarla görüşəndə aydın
olur ki, məsələ belə deyil, başqa cürdür.
Ona görə də mən istəyirəm ki,
jurnalistlərlə bizim dostluğumuz daimi olsun. Bilin, mən jurnalistləri həmişə
sevmişəm”.
Jurnalistika sənəti
Heydər Əliyevə həmişə yaxın olub. Özünün
etiraf etdiyi kimi, jurnalistika çətin sənətdir və
bu peşədə çalışanlar hər cür hörmətə,
ehtirama layiqdirlər. Hələ
ötən əsrin 70-ci illərində hakimiyyətin
olimpində dayanan ulu öndər
düşüncələrini, ideyalarını jurnalistlərlə
bölüşməyi vacib sayırdı. “Literaturnaya
qazeta”nın müxbirinə müsahibə
verən Heydər Əliyev “Qoy, ədalət zəfər
çalsın!” – deməklə
keçmiş İttifaqda yenicə cücərməyə
başlayan rüşvətxorluğa, korrupsiyaya qarşı
müharibə elan etmişdi.
Mənim bəxtim onda
gətirib ki, jurnalistlik fəaliyyətimin ən maraqlı,
qaynar və məhsuldar illəri ümummilli lider Heydər
Əliyevin Azərbaycana rəhbərliyi dövrlərinə
təsadüf edib.
Keçən əsrin
70-80-ci illərində qəzetin Mil-Muğan bölgəsi
üzrə xüsusi müxbiri işləyirdim. 14 il yaşadığım
Əli Bayramlı (indiki Şirvan) şəhərinin,
Sabirabad, Saatlı, İmişli və Beyləqan
rayonlarının iqtisadiyyatının sürətli
inkişafı sosial-mədəni həyatında baş
verən müsbət dəyişikliklər, adamların
güzəranının, yaşayış səviyyəsinin
durmadan yaxşılaşması gözlərim
önündə olub.
Ulu öndər güclü hafizəyə malik adam idi. O, bir dəfə görüşdüyü
insanı yaddan çıxarmırdı. Bunu mən öz
üzərimdə hiss etmişəm. İlk
dəfə Heydər Əliyevlə
görüşəndə məni xüsusi müxbir kimi
təqdim etmişdilər. Növbəti görüş
zamanı isə o, köhnə
Həyatın
mənasını xalqa şərəflə, vicdanla xidmət
etməkdə görən Heydər Əliyevlə
çoxsaylı görüşlərim yaddaşımda
unudulmaz xatirələr yaratmış, bir sıra maraqlı
hadisələrin şahidi olmuşam. Üstündən on
illər keçsə də həmin hadisələri
məmnunluqda xatırlayıram.
Ulu öndər hər
dəfə rayonlara səfər edəndə özü
ilə çoxlu sayda yaradıcı ziyalı gətirirdi. Sübh tezdən gecə yarısınadək
keçən gərgin iş gününü axırında
adəti üzrə çay süfrəsi arxasında həmin
ziyalılarla fikir mübadiləsi aparan Heydər Əliyev bir
dəfə Mərkəzi televiziyanın “Vremya”
xəbərlər proqramının müxbiri Mais
Məmmədovdan soruşdu:
— Sizin çəkdiyiniz sujetləri harada
göstərirlər? Nədənsə mən
“Vremya”da onları görmürəm.
— Heydər Əliyeviç, biz materialları Moskvaya
vaxtında çatdırırıq. Ancaq
bəzi məsələləri həll edə bilmədiyimiz
üçün sujetlərin ekrana operativ
çıxarılması gecikdirilir.
— Nədir o məsələlər?
— ...
Həmin söhbətdən
bir neçə gün sonra “Vremya”da Azərbaycanla
əlaqədar müntəzəm verilişlər
getməyə başladı. Ulu öndərimiz bu
məsələni çox ustalıqla yoluna qoydu.
Ümummilli liderimiz Heydər
Əliyev belə söhbətlərin birində
qəzetimizə yenicə redaktor təyin edilmiş
Rəşid Mahmudovu sorğu-suala tutdu. Məsələ
burasında idi ki, qəzetin həmin gün çıxan
nömrəsi Heydər Əliyevin kənd təsərrüfatı
rayonlarına səfərinə həsr edilmişdi. Birinci səhifənin manjetində iri
hərflərlə yazılan “Bir milyon ton Azərbaycan
pambığı uğrunda!” sözləri Heydər
Əliyevin diqqətindən yayınmamışdı. Redaktordan soruşdu ki, həmin rəqəmi haradan
götürüb, hansı rəsmi sənəddə oxuyub?
Rəşid Mahmudov
vəziyyətdən çıxmaq üçün
respublikada gedən quruculuq işlərindən
danışdı, həyata keçirilən mühüm
tədbirləri yada saldı.
Cavabdan razı qalmayan Heydər Əliyev ciddi şəkildə
bildirdi:
— Bizim rəsmi öhdəliyimiz var. Doğrudur, pambıqçılarımız
bir milyon ton məhsul uğrunda mübarizə aparırlar. Yaxşı bilirsiniz ki, kənd təsərrüfatında
qarşıya qoyulan məqsədlərə çatmaq
üçün hava şəraiti həlledici amil
sayılır. Olmadı elə, oldu
belə. Yadda saxlayın, sizin taleyiniz həmin rəqəmin
reallaşmasından asılı olacaqdır!
Xoşbəxtlikdən həmin il
qəzetimizin yazdığı kimi, Azərbaycan bir milyon tondan
çox pambıq istehsal etdi. Buna hamıdan çox
sevinən, bəlkə də, Rəşid müəllim
oldu...
Bir qərinədən
çox Azərbaycana rəhbərlik etmiş Heydər
Əliyev Vətəni, xalqı üçün misilsiz
xidmətlər göstərmişdir. Həmişə,
hər yerdə azərbaycanlı olması ilə fəxr
edən bu dahi insanın zəngin həyat təcrübəsi
hər birimiz üçün tükənməz ilham
mənbəyidir. Ümummilli liderimizin
siyasi kursu bu gün möhtərəm Prezidentimiz İlham
Əliyev tərəfindən uğurla davam etdirilir. Heydər Əliyev irsinə sədaqətimiz bizi
xoşbəxt gələcəyə aparır, ulu
öndərin daim qürur hissi keçirdiyi Azərbaycan onun ideyalarının
işığında yenilməz, qüdrətli
dövlətə çevrilir.
Telman ƏLİYEV,
Xalq qəzeti.- 2009.- 3 iyun.- S. 6.