Ümummilli lider Heydər
Əliyevin anadan olmasının 86-cı ildönümü hər
yerdə olduğu kimi, Lerik rayonunda da geniş qeyd edilir. Rayon
icra hakimiyyətində təsdiq olunmuş “Tədbirlər
planı”na uyğun olaraq ümumtəhsil məktəblərində
inşa yazı və rəsm müsabiqələri, mayın
13-də isə yeniyetmələr arasında voleybol üzrə
yarış keçirilmişdir. Yarışın qaliblərinə
rayon gənclər və idman idarəsinin diplomları və
kubokları təqdim edilmişdir.
“Tədbirlər
planı”na uyğun olaraq rayonun bütün idarə, təşkilat
və mədəniyyət müəssisələrində,
ömrünün 34 ilindən çoxunu Azərbaycanda
dövlətçiliyin möhkəmləndirilməsinə,
xalqımızın firavanlığına həsr etmiş
ümummilli lider Heydər Əliyevin anadan olmasının
86-cı ildönümünə həsr olunmuş silsilə tədbirlər,
xatirə gecələri, məktəblilərin iştirakı
ilə poeziya gecələri, elmi-praktik konfrans və dəyirmi
masalar keçirilir. Tədbirlərdə “Heydər Əliyev və
müasir Azərbaycan dövlətçiliyi”, “Milli Ordu
quruculuğunda Heydər Əliyev və müasir Azərbaycan
dövlətçiliyi”, “Milli Ordu quruculuğunda Heydər Əliyevin
rolu”, “Heydər Əliyev və dövlət gənclər
siyasəti”, “Hüquqi dövlət quruculuğunda Heydər Əliyevin
rolu” və digər mövzularda məruzələr dinlənilmişdir.
Mayın 5-də isə ümummilli liderimizin anadan
olmasının 86 illiyi münasibəti ilə YAP Lerik rayon təşkilatı
və rayon gənclər və idman idarəsinin birgə təşkilatçılığı
ilə yeniyetmələr arasında futbol üzrə
yarışlara start verilmişdir. Yarışın qaliblərinə
YAP rayon təşkilatının kuboklarının və rayon
gənclər və idman idarəsinin diplomlarının təqdim
edilməsi nəzərdə tutulmuşdur.
Ümummilli lider Heydər
Əliyevin anadan olmasının 86-cı ildönümü ərəfəsində
rayon icra hakimiyyəti başçısının yaxından
köməkliyi ilə 6,7 kilometr məsafədə
Züvüc kəndinə çəkilmiş su xəttinin
açılış mərasimi keçirilmişdir. Mərasimdə
rayon icra hakimiyyətinin başçısı, hüquq
mühafizə orqanlarının rəhbərləri və kənd
ictimaiyyətinin nümayəndələri iştirak etmişlər.
Ulu öndərin
doğum gününə həsr edilmiş tədbirlər bu
gün də davam etdirilir.
Xalq qəzeti.- 2009.- 7 may.- S. 6.