Yanvarın 20-də şəhərətrafı elektrik qatarlarında gediş-gəliş pulsuz olacaqdır

Azərbaycan Dövlət Dəmir Yolunun (ADDY) mətbuat xidmətindən aldığımız məlumatda bildirilir ki, ADDY rəisinin müvafiq əmrinə əsasən, Qanlı Yanvar faciəsinin 19-cu ildönümü ilə əlaqədar anım mərasimlərində Bakı şəhər sakinlərinin çoxsaylı iştirakını nəzərə alaraq yanvarın 20-də səhər saat 6.00-dan 23.00-dək şəhərətrafı elektrik qatarlarında gediş-gəliş pulsuz olacaqdır.

Həmin gün saat 12.00-da anım dəqiqəsində bütün qatarların hərəkəti dayandırılacaq və lokomotivlər səs siqnalı verəcəkdir.

Qabil YUSİFOĞLU

Xalq qəzeti.-2009.-17 yanvar.-S.6.