Şəhid Fərid Əhmədovun qəhrəmanlığı gənc nəsil üçün örnəkdir

YAP Yasamal rayon təşkilatında şəhid Fərid Əhmədovun xatirəsinə həsr olunmuş tədbir keçirilib

Bu gün YAP Yasamal rayon təşkilatında şəhid Fərid Əhmədovun xatirəsinə həsr olunmuş tədbir keçirilib. Rayon təşkilatının sədri, YAP Siyasi Şurasının üzvü Fikrət İsmayılov F.Əhmədovun torpaqlarımızın azadlığı uğrunda şəhid olduğunu deyərək onun qəhrəmanlığının hər bir gəncə örnək olduğunu vurğulayıb. «Fevralın 13-də Fəridin ad günü tamam oldu. Yaşasaydı onun 25 yaşı tamam olacaqdı. Amma o, qəhrəmanlıq edərək şəhidlik zirvəsinə ucalıb. Şəhidlər isə heç zaman ölmür»-deyə o, qeyd edib. F.İsmayılov xatırladıb ki, dövlət başçısı F.Əhmədovun vətən qarşısında xidmətlərini dəyərləndirərək onu «İgidliyə görə» medalı ilə təltif edib. Tədbirdə digər çıxış edənlər də şəhid F.Əhmədovun qəhrəmanlığının gənc nəslin vətənpərvərlik ruhunda tərbiyə olunmasında böyük rol oynadığını qeyd ediblər.

Bayramlı Nardar

Yeni Azərbaycan.- 2011.- 16 fevral.- S.4.