Azərbaycan radio televiziya işçilərinin peşə bayramı geniş konsert proqramı ilə qeyd edilib

 

Azərbaycanda radio televiziya işçilərinin peşə bayramı günü münasibətilə noyabrın 5-də bayram konserti təqdim olunub.

AZƏRTAC xəbər verir ki, Azərbaycan Dövlət Akademik Opera Balet Teatrında reallaşan konsertdən əvvəl Azərbaycan Dövlət Televiziya Radiosunun keçdiyi inkişaf yolundan bəhs edən videoçarx nümayiş edilib.

Sonra Azərbaycan Dövlət Televiziya Radiosunun tarixindən danışılıb, cəmiyyətimiz üçün əhəmiyyəti vurğulanıb.

Bildirilib ki, 1926-cı il noyabrın 6-da Azərbaycanda ilk dəfə radio verilişlərinin yayımına başlanılıb. Həmin gün ölkə paytaxtının küçələri meydanlarında qurulmuş reproduktorlardan ilk dəfə Danışır Bakı ifadəsi yayılıb. Bu hadisə o vaxt Azərbaycan xalqının siyasi mədəni həyatında böyük bir yenilik idi.

Azərbaycan Televiziyası yaranandan sonra isə bu tarix təkcə radionun deyil, teleradionun yaranma günü kimi qeyd olunmağa başlayıb. Bakı Televiziya Studiyası ilk dəfə 1956-cı il fevralın 14-də efirə çıxıb. İlk veriliş günü ekranda mərhum sənətkarımız Nəcibə Məlikova görünüb o, çıxışına Göstərir Bakı sözləri ilə başlayıb. Həmin gün televiziyada Bəxtiyar bədii filmi nümayiş olunub.

Azərbaycan Televiziya Radiosu mürəkkəb şərəfli inkişaf yolu keçib. Fəaliyyətinin ilk mərhələsində televiziya sahəsində mütəxəssislər olmadığından, burada işləməyə radio, qəzet teatr əməkdaşları dəvət edilib. Bakı studiyası əvvəlcə həftədə iki, sonra üç dəfə iki saatlıq proqramla efirə çıxıb. Televiziyada proqramlaşdırma, şəbəkə model haqqında anlayış olmadığı üçün studiya əsasən retranslyator kimi fəaliyyət göstərib.

Azərbaycan Televiziyası ölkə teleməkanının formalaşmasında böyük rol oynayıb. Bu, müstəqillik dövründə yaradılan bütün telekanalların fəaliyyətində özünü qabarıq göstərib. 1991-ci ildə AzTV rəhbərliyinin təşəbbüsü ilə ölkə teleməkanında ilk özəl studiya - 215 KL adlı studiya yaradılıb. Sonrakı illərdə Azərbaycan teleradiosunda yetişən peşəkarlar özəl televiziya radioların qurulması prosesində fəal iştirak ediblər.

Vurğulanıb ki, bu gün geniş tamaşaçı auditoriyasına malik AzTV-nin verilişləri peyk vasitəsilə dünyanın bir çox yerlərində yayımlanır. Bir sıra ölkələrdə onun müxbir məntəqələri fəaliyyət göstərir. Azərbaycan həqiqətlərinin dünyaya çatdırılmasında təbliğində ilk milli televiziyamızın rolu danılmazdır. Avropaya yayımın texniki səviyyəsinə görə Azərbaycan Televiziyası 2007-ci ildə Avropa keyfiyyəti medalına layiq görülüb.

Son illər AzTV-də aparılan ciddi islahatlar nəticəsində yeni proqramlar, verilişlər, tamaşalar meydana gəlib, gənc aparıcı reportyorlar müsabiqə yolu ilə işə cəlb edilib, efirə kanalın infrastrukturuna planlı şəkildə kapital qoyuluşu həyata keçirilib, bir sıra yeni studiyalar yaradılıb. Hazırda Azərbaycan Televiziyasında rəngarəng mövzularda tok-şoular, portret verilişləri, musiqili-əyləncəli proqramlar, televiziya tamaşaları, maraqlı sənədli bədii filmlər nümayiş etdirilir.

Tədbir konsert proqramı ilə davam edib. Konsertdə AzTV-nin bir sıra musiqi kollektivləri Əməkdar incəsənət xadimi Nazim Hacıəlibəyovun dirijorluğu ilə çıxış edib. Konsertdə xalq bəstəkar mahnıları səsləndirilib.

Yeni Azərbaycan.- 2018.- 6 noyabr.- S.5.