Gədəbəy seçiciləri dövlətimizin inkişafı naminə Referendum Aktına səs verəcəklər

“Yeni Azərbaycan” təşviqat qrupunun üzvləri Gədəbəy rayonunun Novosaratovka, Çobankənd, Qaraməmmədli, Böyük Qaramurad, Rüstəm Əliyev, Əlinağlar, Çaldaş, Çalburun, Slavyanka, Ağamalı, Zəhmətkənd və Xarxar kəndlərində və rayon mərkəzində seçicilərlə görüşlər keçirib. Görüşdə çıxış edən qrupun vəkili Rafiq Məmmədhəsənov Konstitusiyanın müvafiq maddələrin ediləcək əlavə və dəyişikliklərin Azərbaycan dövlətinin müstəqilliyinin, suverenliyinin, ərazi bütövlüyünün qorunması, vətəndaş cəmiyyətinin inkişafı, insan hüquq və azadlıqlarının möhkəmləndirilməsi, iqtisadiyyatının yüksəldilməsinə xidmət etdiyini söyləyib. Onun sözlərinə görə, Konstitusiya islahatları Azərbaycanın çox əsrlik dövlətçilik ənənələrinin təkmilləşdirilməsinə xidmət edir. Vəkil əlavə və dəyişikliklərin ölkənin tərəqqisinə, demokratiyanın inkişafına, insanların layiqli həyat səviyyəsini təmin etməyə xidmət etdiyini söyləyib. O, seçiciləri təklif olunan əlavə və dəyişikliklərə səs verməyə çağırıb.

Görüşlərin sonunda seçiciləri maraqlandıran ayrı-ayrı maddələrlə bağlı suallara aydınlıq gətirilib. 18 mart 2009-cu ildə gədəbəyli seçicilər bir daha həmrəylik nümayiş etdirəcəklərini bildiriblər.

Yeni Azərbaycan .- 2009.- 7 mart.- S.5.