2 yaşını
qeyd edən
Oda Teatrı festival keçirir
Elmin Bədəlov: “Tamaşaya
yalnız kişilər
gəlmişdi”
İki yaşını
qeyd edən Oda Teatrı eyni zamanda 3-cü mövsümünü açıq
elan edib. Bununla əlaqədar olaraq
teatrın rəhbəri
Elmin Bədəlov iyulun 15-də mətbuat konfransı keçirib.
O, öncə teatrın
yaranması və fəaliyyəti haqda iştirakçılara qısa
məlumat verib:
“Oda teatrı 2013-cü il iyulun
15-də rəsmi fəaliyyətə
başlayıb. İki
il ərzində
tamaşalarımıza 15 mindən
çox tamaşaçı
gəlib.
Məlumat üçün bildirim ki, teatrımızın yaranmasından 9 ay əvvəl
biz həvəskar kimi
qrup halında fəaliyyət göstərirdik. Bu işdə bizə əməkdar artist İlqar
Cahangir böyük köməklik göstərirdi.
Beləliklə onun xüsusi
əməyi sayəsində
biz Qoqolun eyniadlı əsəri əsasında
“Evlənmə” tamaşasını
hazırladıq. Aktyorların demək olar ki, əksəriyyəti qeyri-peşəkar idilər.
Lakin tamaşa böyük maraqla qarşılandı.
Tetarın truppasını daha da gücləndirmək üçün peşəkar
rejissorlara müraciət
etdik. Beləliklə ciddi məşqlərə
başladıq və tamaşaçılarn kifayət
qədər nüfuzunu
qazana bilən “Səncə, döyəcəklər?”
tamaşasını təqdim
etdik. Tamaşa rumin dramaturqu
Matey Vişnekin eyniadlı əsəri əsasında hazırlanmışdı.
Daha sonra isə repertuarımızı
genişləndirərək Samir Sədaqətoğlunun "İtən
vaxt"(mono tamaşa),
Pərviz Bəşərdüstün
"Arzular bağı",
Somerset Moemin “Qisas” hekayəsi əsasında hazırlanan “Xəyali qisas”, Peter Turrininin “Axır ki, qurtardıq”
əsəri əsasında
hazırlanan “Suicide”(İntihar),
Sien Ekerin əsəri əsasında
hazırlanan
"Apokalipsis" tamaşalarını
teatr sevərlərə
təqdim etdik”.
Elmin Bədəlov ssenarist, yazıçı çatışmazlığından
gileylənib:
“Diqqət etsəz
görərsiz ki, tamaşaların əksəriyyəti
xarici dramaturq və yazıçılarındır. Dəfələrlə yerli yazıçılara
müraciət etmişik.
Lakin hələ ki, bir nəticə yoxdur. Müraciət etdiklərimizin arasında
yalnız Mövlud Mövlud səsimizə səs verib. Hazırda o, yeni bir ssenari
üzərində işləyir”.
E.Bədəlov teatrın qastrol
səfərlərindən də
danışıb:
“Bir il ərzində teatrımız
iki qastrol səfərdə olub. İlk səfərimiz
Biləsuvar rayonunun Nərimankənd adlı kəndində baş tutdu. Teatrın truppası üçün
ucqar bir kənddə tamaşa təqdim etmək çox maraqlı idi. Doğrudur, kənd yeri
olduğundan tamaşaya
yalnız kişilər
gəlmişdi. Lakin tamaşa
çox bəyənilmişdi.
Daha sonra isə Şəkiyə getdik. Şəkinin ucqar bir qəsəbəsində üç
gün tamaşa verdik. Yerli sakinlər hər
dəfə tamaşaya
təkrarən gəlib
maraqla tamaşa edirdilər.
Son aldığımız məlumata görə bizim tamaşalardan təsirlənərək Biləsuvarda
yeni teatr yaranıb. Hətta Şəkidə də yeni teatr
yaranacağı barədə
ideyalar var.
Teatrımız məktəblilərin də
görüşünə gedir. Biz vaxtaşırı məktəblərdə
görüş keçirib
öz tamaşalarımızı
təqdim edirik. Hər dəfə ən azı 300 şagird tamaşalara gəlir”.
Teatr rəhbəri daha
sonra qarşıdakı
3-cü mövsümün açılış
ilə əlaqədar
yaradıcılıq fəaliyyətlərindən
söz açıb:
“Teatrın həm
2 yaşı həm də 3-cü mövsümün
açılış ilə
əlaqədar olaraq 5
günlük festival gerçəkləşəcək. Festival 15-19 iyul tarixlərində həyata keçməlidir.
Festival çərçivəsində gürcüstanlı həmkarlımız
ilə də iş birliyimiz olacaq.
Bildirim ki, bundan sonrakı fəaliyyətimizdə yeniliklər
edəcəyik. Belə ki, teatrın
digər truppaları yaradılacaq”.
Xatırladaq ki, Oda Teatrı
bir qrup gənc tərəfindən
yaradılıb və
yarandığı ilk vaxtlarda
müxtəlif məkanlarda
tamaşalar göstərib. Daha sonra
Topçubaşov 38 ünvanında
yerləşən zirzəmidə
məskunlaşan teatr
Azərbaycanda ilk zirzəmi
teatrı olaraq fəaliyyətini davam etdirib. Fəaliyyəti dövründə bir neçə problemlə üzbəşən
teatr hətta bir müddət fəaliyyətini dayandırıb.
Hazırda teatr Dilarə
Əliyeva 141 ünvanında
yerləşir. Teatrının
rəhbəri Elmin Bədəlov, rejissoru İmam Həsənov, teatrın aktyorları isə İlqar Cahangir, Rauf Şahsuvarov, Elmin Bədəlov, Nihad Qulamzadə, Aynur Zərrintac, Niyaz İlyasoğludur.
Bu günlərdə gerçəkləşəcək
teatrın festival proqramını
təqdim edirik:
15 iyul saat 21:00-da = 2 yaş party – Hiss Club-da
(Ünvan: Hiss Club // Tarqovy,
Şaurmanın yaxınlığında,
“Oscar market”-in yanı) – Giriş
sərbəstdir
***
16 iyul saat 19:00-da = 3-cü mövsümün açılışı: “Arzular bağı” tamaşası əməkdar artist İlqar Cahangir və aktyor Rauf Şahsuvarovun ifasında. Rejissor İmam Həsənov
(Ünvan:
Oda Teatrı // Dilarə Əliyeva 141) – Giriş: 5 AZN
***
17 iyul saat 20:00-da = Vüsal Tağı-Zadə
(tar) və Nicat Məmmədlinin (pianino) konserti. Qonaq: Şəbnəm Abdullazadə
(kamança)
(Ünvan: Oda Teatrı // Dilarə Əliyeva 141) – Giriş: 5
AZN
***
18 iyul saat 19:00-da = Gürcüstan Dövlət
Pantomima Teatrının
tamaşası
(Ünvan: Oda Teatrı // Dilarə Əliyeva 141) – Giriş: 8
AZN
***
19 iyul saat 13:00-da = Gürcüstan Dövlət
Pantomima Teatrının
mətbuat nümayəndələri
və tamaşaçılarla
görüşü
(Ünvan: Oda Teatrı // Dilarə Əliyeva 141) – Giriş: sərbəstdir
***
19 iyul saat 19:00-da = Gürcüstan Dövlət
Pantomima teatrının
tamaşası
(Ünvan: Oda Teatrı // Dilarə Əliyeva 141) – Giriş: 8
AZN
Xalidə Gəray
Yeni Müsavat.- 2015.- 16 iyul.- S.15.