Quran Ramazanda nazil olub
Oruc zamanı bir kənara
qoyulan yemək-içmək ləzzəti birdən-birə
insanı mələklərə məxsus xüsusiyyətlərə
qovuşdurur və ruh bir anlıq ucalaraq dünya həvəsindən
azad olur
Oruc zamanı bir kənara
qoyulan yemək-içmək ləzzəti birdən-birə
insanı mələklərə məxsus xüsusiyyətlərə
qovuşdurur və ruh bir anlıq ucalaraq dünya həvəsindən
azad olur. Öz vətənindəki kimi xoşbəxt olur.
Rəsulullah (s.ə.s.)
bazar ertəsi və Quranın nazil olmağa
başladığı cümə axşamı günlərini
oruc tutmaqla keçirirdi. Oruc Allah adına nəfsin dünyadan
və zövqlərdən uzaqlaşdığı bir ibadətdir.
Qəlblərə məna aləmindən açılan ziyafət
süfrəsinin zövqü də yalnız nəfslərin təslim
olaraq səcdə etdiyi oruc anlarında ola bilər.
Kainatın Fəxri
- Peyğəmbərimiz (s.ə.s.) on iki il Məkkədə
ağlasığmaz təhqirlərin, çətin günlərin
acılarını orucun sonsuz sirri içində aradan
qaldırırdı. Həmin illərdə yenə də bazar
ertəsi və cümə axşamları olmaqla adamlarına
oruc tutmalarını bildirmişdi. Sonda Mədinənin rahat
günləri başladı. Çox təəssüf ki,
şər əməllilər burada da Rəsulullahı rahat
qoymur, qəlblərdə açılan iman çiçəklərinə
kölgələr salmağa çalışırdı. Nəhayət
Peyğəmbərimizin incə və hikmətli dualarına
İlahi cavab verildi: “Oruc tutun”.
Bundan sonra oruc ayələri nazil olmağa başladı. Allah-Təala (c.c.) orucla yanaşı İslam aləminə, eləcə də insana verilən sonsuz möcüzəli hikmətlərini göstərmək
üçün ilk Ramazan
ayında Bədr möcüzəsini verdi. Məkkə müşrikləri ilk oruclarının
hələ yarısında
olan müsəlmanlara
hücum etdilər, lakin oruc sirrilə
təmizlənən, qəlbləri
nur dolu bir qrup islam mücahidinin dizləri qarşısında
əridilər.
Allah-Təala İslamın müəyyən
mənada xilasını
və quruluşunu bildirən Bədr qələbəsini verməklə:
“Qəlblərin qarşısını
kəsən nəfs pərdəsini orucun səmimiyyət odu ilə yandırın ki, sizə böyük
fəthlər verim” demək istəmişdi.
Orucdakı bu qədər sirr haradandır?
Təmizlənmə qəlb pəncərəsi qarşısındakı
iki qalın pərdənin aradan qaldırılmasından asılıdır. Bunlardan biri yeyib-içmək,
digəri isə cinsi ehtiraslardır. Əsas olan həmin hisslərdən
tam şəkildə ayrılmaq
deyil, Allah adına
bu hissləri müəyyən vaxta qədər dayandırmaqdır.
Bütün həyat boyu çalışıb
dərk edə bilmədiyimiz “nəfs kasası”nın gizli şifrələrini əldə etməyin ən doğru yolu da elə
budur.
Nəfsin bizi məna aləmindən məhrum etmək üçün qurduğu hər bir hiyləni aradan qaldırmaq orucun ən mühüm məqsədidir. Elə oruc tutan insanın
davranışları ilə
bağlı dinin hökmləri də dediklərimizi üzə çıxarır.
Orucun “məna”dan irəli
gələn bir sirr olduğu, hətta ilk dəfə oruc tutanlar tərəfindən
də bilinir. Oruc tutan
insan az
qida və enerji aldığına görə hissləri zəifləyəcəyi halda
əksinə, qüvvətlənir.
Daha yaxşı qoxu hiss etməyə başlayır. Qulaqları və gözləri
daha həssas və aydın olur. Çünki insan beynin hüceyrələrindən əmrlər
almır, bu zaman ruhun qüvvətli
himayəsi altına düşür. Müəyyən vaxtdan sonra orucun
gətirdiyi bu müsbət cəhətin
və mənadan gələn hisslərin sirri də yüksəlir.
Mömin
Allaha aparan yolda qəlbinə və ruhuna tikan kimi batan
dünya ehtiraslarının
çirkinliyindən xilas
olur. Əvvəllər atdığı hər bir addımında
əziyyət çəkdiyi
halda, oruc tutduqca sürətli addımlarla mənalar aləminə yaxınlaşdığını
görür. Bir müddət
sonra isə gündüzlər Allah üçün
yeməməyin, axşamlar
isə Allah üçün
yaşamağın başqa
bir həzz olduğunu hiss edir. Elə Allaha qulluq etməyin
sirri də yemək, içmək, ehtiraslar ardınca qaçmaqda deyil, bütün davranışlarını
Allah üçün etməkdədir.
Həmçinin bir müsəlman
Ramazan ayında sırf xeyir əməllərlə məşğul
olmaq və kimsəsiz insanlara kömək etmək niyyətilə pul qazanırsa, Allahı razı saldığını
hiss edir. Bu mənada
oruca nəzər yetirdiyimiz zaman İslamdan başqa heç bir dində olmayan böyük sirr ortaya çıxır: Həyat, Allahın əmri olan bir vəzifə kimi davam etdirilməlidir.
Bunun ən yüksək səviyyədə
hiss ediləcəyi ibadət
isə orucdur.
Həmin gözəl ibadət
bizim dörd əsas amilimizin hər birinə eyni vaxtda həyat
verən sirrə malikdir.
1 - Orucun insan ruhuna verdiyi həyati həzz
Ruhumuz ruhlar aləmindən
gələrək vücudumuza
həbs olunduğu zaman dünya çətinlikləri içində
olan nəfsin əzablarını çəkir. Yaxşı bildiyi əsl
gözəlliklər olduğu
halda, sınması labüd olan bir oyuncaqdan heç bir fərqi olmayan dünya arxasınca düşmək onun üçün çox ağırdır. Oruc zamanı
bir kənara qoyulan yemək-içmək
ləzzəti birdən-birə
insanı mələklərə
məxsus xüsusiyyətlərə
qovuşdurur və ruh bir anlıq
ucalaraq dünya həvəsindən azad olur. Öz vətənindəki kimi xoşbəxt olur.
2 - Orucun insan qəlbinə verdiyi həzz
İlahi sevgiylə nəfəs
alaraq yanıb-alışan
qəlb nəfsin çirkli pərdəsi altında qıvranmaqdan “Hayy” (dirilik, canlılıq) sirrinə çatmır. Bu səbəbdən də bütün nuru sönür və qaranlıq quyuda itib gedir.
Oruc başladığı zaman
qəlb ondan aralanan nəfs pərdəsinin arxasından
ilahi gözəllikləri
seyr etməyə başlayır və yavaş-yavaş canlanaraq ən yüksək həzzə çatır.
3 - Orucun nəfsə verdiyi faydalar
Bütün ehtiras və çaşqınlığına baxmayaraq, həmin xüsusiyyətində şikayət
edən yenə də nəfs özüdür. Nə qədər çalışsa
da xoşbəxt olmur. Çünki onun xoşbəxt
olmaq üçün
istifadə etdiyi ehtiras, əslində bədbəxtliyin əsas səbəbidir. Beləliklə nəfs, Ramazan ayında ehtiraslarına vurulan oruc yüyənilə
həmin həqiqəti
dərk edir və bədbəxtliyin özündən olduğunu
bilərək yavaş-yavaş
əsl xoşbəxtliyə
doğru hərəkət
edir.
4 - Orucun insan bədəninə
verdiyi faydalar
Oruc bədənin gümrahlığı
və sağlamlığı
üçün qızıl
reseptdir. Bunları bir neçə əsas başlıqla qeyd etsək:
- Qəlbin qarşısındakı maye
səddini azaltdığına
görə su içməməklə qəlbə
mütləq rahatlıq
vermiş olur.
- Oruc xüsusən
qan təzyiqini aşağı saldığı
üçün qan dövranının ən
yaxşı sakitləşdiricisidir.
- Oruc zamanı
qanın tərkibindəki
qida qalıqları xüsusilə son saatlarda tamamilə aradan qalxır ki, bunların əsasları da yağ
qalıqlarıdır (lipid xolesterol).
- Oruc bütün
həyat boyunca fasiləsiz fəaliyyət
göstərən həzm
sistemi hüceyrələrinə
baxış üçün
fürsətdir. Beləliklə Ramazan ayında mədə və bağırsaqlardakı bir
çox mənfi hallar aradan qaldırılır.
- Bir aylıq
gözəl dincəlmədən
sonra həzm ifrazı vəziləri daha yaxşı fəaliyyət göstərir.
- Cinsi funksiyalara
qoyulan məhdudiyyətə
görə hipofiz ifrazat vəziləri dincələrək normal hormonal nizam qazanır.
- Oruc hüceyrələrarası
suda nisbi azalmanı təmin etdiyi üçün hüceyrələrin biosintez
hadisəsini asanlaşdırır.
- Orucun hüceyrələrə
xəbərdaredici təsiri
inanan və inanmayan qərbin bütün elm dairələrində
qəbul olunur. Hətta xroniki xərçəng hadisələrində də
orqanizmdə toplanan zəhərli maddələri
kənarlaşdırmaq üçün
fasiləli oruc tətbiq edilir.
- Orucun ən
böyük faydası
isə birbaşa qaraciyər hüceyrəsinədir.
Bütün həyat boyu
fəaliyyət göstərən
və bir-birindən fərqli bir çox bioloji funksiyaları olan həmin hüceyrələr
yalnız Ramazan ayında nəfəsalma imkanı qazanırlar.
Zaman.- 2010.- 19-20 avqust.- S. 2.