Milli Teatr Festivalına “Ölüm hökmü” ilə start verildi
Milli Teatr Festivalına “Ölüm hökmü” ilə start verildi - Dünən Gənc Tamaşaçılar Teatrında
Bakıda ilk dəfə
olaraq keçirilən
Milli Teatr Festivalına Gəncə Dövlət Dram Teatr kollektivinin hazırladığı
iki hissəli “Ölüm hökmü” dramı ilə start verildi.
Dünən Gənc Tamaşaçılar
Teatrında Bakıda
ilk dəfə olaraq keçirilən Milli Teatr Festivalına Gəncə Dövlət
Dram Teatr kollektivinin hazırladığı iki
hissəli “Ölüm
hökmü” dramı
ilə start verildi.
Dünən Gənc Tamaşaçılar
Teatrında Bakıda
ilk dəfə olaraq keçirilən Milli Teatr Festivalına Gəncə Dövlət
Dram Teatr kollektivinin hazırladığı iki
hissəli “Ölüm
hökmü” dramı
ilə start verildi. Əməkdar incəsənət xadimi Bəhram Osmanovun Elçinin “Ölüm hökmü” romanı əsasında quruluş verdiyi tamaşa alqışlarla qarşılandı. Tamaşanı izləyənlər arasında
bu əsərin müəllifi, xalq yazıçısı Elçin
də vardı.
Müasir dövrümüzdə tamaşaçını
heyrətləndirmək hər
kəsə nəsib olmur. Lakin “Ölüm hökmü”,
sözün həqiqi
mənasında, tamaşaçını
heyrət qarşısında
qoya bildi. Aktyorlar- İlham Hüseynov, Salam İsmayılov, Şükufə
Salmanova, xalq artisti Pərvanə Qurbanova, əməkdar artistlər - Məmmədəli
Balayev, Ramiz Vəliyev onlara tapşırılan rolları
elə təbi oynayırdılar ki... Təbii ki, bu hər
şeydən əvvəl,
Elçinin və bu əsərə quruluş vermiş Bəhram Osmanovun birgə əməyinin nəticəsi idi. Məlumat üçün bildirək
ki, “Ölüm hökmü” sovet ideologiyasının 70 illik
fəaliyyətini bütün
reallığı ilə
göz önündə
canlandırır. Həmin hakimiyyətin
azəri türklərinə
münasibəti və
ictimai fəaliyyətlərindəki
dözülməz hallar
bu tamaşada tənqid edilir.
Festivalın açılış mərasimində
çıxış edən
mədəniyyət və
turizm naziri Əbülfəs Qarayev bu tədbirdə respublikada fəaliyyət göstərən 27 teatrın
iştirak etdiyini bildirdi. Onun sözlərinə görə,
festival çərçivəsində tanınmış teatr tənqidçiləri, aktyor
və rejissorların iştirakı ilə “dəyirmi masa”nın keçirilməsi də nəzərdə tutulub: “Teatr festivalı noyabr ayınadək davam edəcək. Fikrimcə,
festival Azərbaycan teatrının
inkişafına xidmət
edəcək. Bu
festival həmçinin region teatrlarının məsuliyyətini
də artırmış
olacaq”. O, həmçinin
Milli Teatr Festivalının ölkə
başçısının “Azərbaycan teatrı
2009-2019-cu illərdə” Dövlət
Proqramının təsdiq
edilməsi sərəncamına
əsasən həyata
keçirildiyini bildirdi.
Elçin jurnalistlərlə söhbətində
Milli Teatr Festivalına Gəncə Dövlət Dram Teatrının
tamaşası ilə
start verilməsini əlamətdar
hadisə kimi dəyərləndirdi. Tamaşadan sonra
sualımızı cavablandıran
xalq yazıçısı
“Ölüm hökmü”nün
yüksək peşəkarlıqla
hazırlandığını söylədi.
QVAMI
MƏHƏBBƏTOĞLU
Zaman.-
2010.- 23-24 fevral.- S.13.