Qazax Azərbaycanın ən gözəl şəhərlərindən birinə və regional mərkəzə çevrilir

Son illərdə Qazax rayonu sürətlə inkişaf edərək, Azərbaycanın ən gözəl rayonlarından birinə çevrilməkdədir. Rayonun hər yerində böyük vüsət alan abadlıq və quruculuq işləri göz oxşayır. Qazax şəhərində aparılan abadlıq və quruculuq işləri çərçivəsində şəhidlərin abidə kompleksi sökülərək yerində tamamilə yeni üslubda abidə ucaldılmışdır. Abidənin ətrafında abadlıq işləri aparılaraq 780 m2 aqlay üzlük daş, 1850 m2 tamet plitə, 1500 m2 asfalt örtüyü qoyulmuş, 620 p/m səki daşı yenisi ilə əvəz edilmişdir. Dörd hektar sahəni əhatə edən

Heydər Əliyev parkının 2 hektarlıq sahəsi tamamilə yenidən qurulmuşdur. Parkın ərazisində ümumi sahəsi 1160 m2 olan “Gənclər Mərkəzinin” tikintisinə başlanmış, 62250 m2 sahəyə tamet plitə, 1025 m2 mərmər plitə döşənmiş, 554 p/m səki daşı dəyişdirilmiş, 2 ədəd fəvvarə quraşdırılmış, 1600 m2-ə yaxın çəmən otu əkilmiş, 500 m2 divarlar aqlayla üzlənmiş, 380 p/m fiqurlu balyans düzülmüş, 2 ədəd pramida qüllə ucaldılmış, çoxlu sayda dekorativ ağaclar və kollar əkilmiş, işıqlanma sistemi yenidən qurulur və bu istiqamətdə işlər davam edir.

Dəmir yolu vağzalı binasının dam örtüyü tam dəyişdirilmiş, 1115 m2 sahəyə tamet plitə döşənmişdir. Vağzala gedən Ə. Qədirov küçəsinin hər iki tərəfində daş hasar inşa edilmiş, suvanaraq, rənglənmiş, piyadaların rahat hərəkəti üçün səki salınmış, asfalt örtüyü yenidən qoyulmuş, işıqlanma sistemi quraşdırılmış, küçə boyunca 3 binanın dam örtüyü dəyişdirilmiş, fasad hissəsində abadlıq işləri aparılmışdır.

Şəhərin qərbdən giriş hissəsində 1460 m2 sahəsi olan Dövlət Bayrağı Meydanı tikilmiş, 51 metrlik qüllə ucaldılmış, meydanda 6,8 metr hündürlükdə qala divarı və 5,2 m hündürlükdə bürclər tikilmiş, Ağstafa rayonu ilə sərhəddə 22 m hündürlüyündə rayonun ünvanını bildirən obeliskin, şəhərin girişində 2 ədəd qala divarı və dairəvi yolda oturacaq sahəsi 6 m, hündürlüyü 14,3 m olan qüllənin inşası davam etdirilir.

Bundan əlavə şəhərin Bakı, Ə.Şıxlinski, Ə.Qədirov küçələri və magistral yol kənarları boyunca 9.000 m2 divar hörülmüş, 6.000 m2-dən artıq divar aqlayla üzlənmiş 500 m2-də dekorativ işlər aparılmış, 5000 m2 suvaq, 15.000 m2 rənglənmə işləri görülmüş, 1200 p/m səki daşları düzülmüş və 1200 m2 tamet plitə döşənmişdir. Magistral yol boyunca 40 min ədəd, cəmi rayon ərazisində isə 127.800 ədəd ağac əkilmiş, 17.700 m2 asfalt örtüyü qoyulmuşdur.

Magistral avtomobil yolunun kənarında 5 mərtəbəli yaşayış binasının fasad hissəsində müasir milli memarlıq üslubunda yenidənqurma işləri aparılır.

İnkişaf göz önündədir

2012-ci ilin birinci rübündə rayon üzrə əsas kapitala yönəldilən investisiyaların həcmi 7.668.600 manat , ümum məhsul buraxılışının həcmi 25.198.200 manat olmuşdur ki, bu ötən ilin müvafiq dövrü ilə müqayisədə 6.099.300 manat çoxdur. Sənaye məhsulunun ümumi həcmi 2.800.000 manat, kənd təsərrüfatı məhsullarının həcmi 5.986.100 manat olmuşdur. Adambaşına düşən ümumi məhsulun həcmi 275 manat, orta aylıq əməkhaqqı 220 manat olmuşdur.

2012-ci ilin birinci rübünün yekunları da Qazaxın sürətli inkişaf yolunda olduğunu bir daha təsdiq etdi. Qeyd edək ki, Qazax rayonu üzrə 2012-ci ilin yerli gəlir və xərclərinin proqnozu 17.537.630 manat məbləğində müəyyənləşdirilmişdir. Büdcənin mədaxil hissəsinin 4.088.000 manatını yerli daxilolmalar,13.449.630 manatını isə mərkəzləşdirilmiş xərclərdən alınacaq dotasiya təşkil etmişdir. Mədaxil hissədə yerli daxilolmalar 23,3 faiz, dotasiya isə 76,7 faiz olmuşdur. 2012-ci ilin birinci rübündə yerli daxilolmalar 993.384 manat proqnoza qarşı 1.068.396 manat və ya 107,6 faiz yerinə yetirilərək, büdcəyə 75.012 manat çox vəsait mədaxil olmuşdur. Ötən ilin müvafiq dövrü ilə müqayisədə büdcəyə 231.406 manat çox vəsait daxil olmuşdur.

Tikintilər davam edir

Hazırda 23 km uzunluğu olan Yuxarı Salahlı-Kəmərli və Qazaxbəyli-Aşağı Salahlı avtomobil yollarında, illik gücü 1 milyon ton olan “Qazax Sement zavodu”nda və illik gücü 5 min ton olan Qazax Konserv zavodunda, Konserv zavodunun ərazisində məskunlaşmış məcburi köçkünlər və qəza vəziyyətində olan Azadlıq küçəsi 108 saylı binanın sakinləri üçün 2 ədəd 24 mənzilli binanın tikintisi davam etdirilir.

Kənd təsərrüfatı inkişaf etdirilir

2012-ci ilin birinci rübü ərzində Qazax rayonunda kənd təsərrüfatı məhsullarının artırılması məqsədilə bir sıra səmərəli işlər görülmüş və müsbət nəticələr əldə olunmuşdur.

Azərbaycan Respublikası Nazirlər Kabinetinin 15 fevral 2007-ci il tarixli 32 nömrəli və sonrakı Qərarlarının icrası ilə əlaqədar kənd təsərrüfatı məhsulları istehsalçılarına istifadə etdikləri yanacaq və motor yağlarına görə dövlət büdcəsi vəsaiti hesabına 3415 hektar buğda əkini üçün 136632 manat yardım hesablanaraq, istehsalçılara verilmişdir.

Bu ilin məhsulu üçün yazlıqların əkini davam etdirilir. İndiyə kimi erkən yazlıqlardan 167 hektar yonca, 63 hektar kartof və 15 hektar tərəvəz əkilmiş və əkin işləri davam etdirilir.

Azərbaycan Respublikası Prezidentinin regionlarda üzümçülüyün inkişafı ilə bağlı verdiyi müvafiq göstərişlərdən sonra rayon ərazisində əlavə 10 hektar yeni üzüm bağı salınaraq, üzümlüklərin sahəsi 358 hektara çatdırılmışdır. Gələcəkdə bu sahənin genişləndirilməsi ilə əlaqədar lazımi işlər davam etdirilir.

Mövcud suvarma sularından vaxtında və itkisiz istifadə olunması üçün plana uyğun olaraq, Zor, Axmaz, Şıxlı, Xanlıqlar, Aslanbəyli və Nasos arxlarında rayon Suvarma Sistemləri idarəsi və Melioservis idarəsi tərəfindən 164 min m3 həcmində lildən təmizləmə aparılmışdır.

İstehsalçılara texnika cəhətdən kömək göstərilməsi məqsədilə Aqroservisdən və şəxsi vətəndaşlarda olan 28 ədəd şum traktoru, 259 ədəd təkərli traktorlar, 15 ədəd toxum təmizləyən, 25 ədəd taxıl və qarğıdalı səpən, 17 ədəd mala, 12 ədəd gübrəsəpən və 50 ədəd digər kənd təsərrüfatı texnikalarından istifadə olunur.

Əhalinin sosial müdafiəsi təmin edilir

Dövlət Sosial Müdafiəsi Fondunun Qazax Rayon şöbəsi tərəfindən əhalinin pensiya və müavinətlərinin ödənilməsi üçün 2012-ci ilin 3 ayında ödəniş müəssisələrinə 6.027.535 manat vəsait köçürülmüşdür. Bu isə keçən ilin müvafiq dövrünə nisbətən 2.010.582 manat çoxdur. Şöbədə 2012-ci ilin 3 ayında sosial sığorta haqları üzrə yığım proqnozu 90,2 faiz yerinə yetirilmişdir. Bu göstərici büdcə təşkilatları üzrə 712.500 manat proqnoza qarşı 633.599 manat, yəni 88,9 faiz, qeyri büdcə təşkilatları və fiziki şəxslər üzrə isə 121.200 manata qarşı 119.098 manat toplanmaqla 98,3 faiz yerinə yetirilmişdir. Toplanmış vəsait 2011-ci ilin müvafiq dövrü ilə müqayisədə 74.097 manat artıq olmuşdur. 2012-ci ilin birinci rübündə Əmək və Əhalinin Sosial Müdafiəsi Mərkəzi tərəfindən 1.629.141 manat aylıq müavinət və birdəfəlik müavinət təyin edilmiş və ödənilmişdir.Ötən 3 ay ərzində Mərkəz tərəfindən 1.693 ailəyə ünvanlı sosial yardım təyin edilmiş, 651.789 manat vəsait ödənilmişdir.

Qazlaşdırma davam etdirilir

Rayonun Xanlıqlar kəndində məskunlaşmış 58 məcburi köçkün və qaçqın ailələrinə müxtəlif diametrli 2.021 p/m polietilen və 25 mm-lik 110 p/m metal boru çəkilmiş, 58 ədəd məişət qaz sayğacı və 58 ədəd fərdi qaz tənzimləyicisi quraşdırılaraq, əhali təbii qazla təmin olunmuşdur.

Qaz İstismar Sahəsi üzrə 134 yeni tikilmiş mənzil təbii qazla qazlaşdırılmışdır. Bundan başqa Qaz İstismar Sahəsinin xidmət ərazisində istismar müddətini bitirmiş, “Sənayecihaz” tipli 674 ədəd məişət qaz sayğacları “Elster” tipli yeni qaz sayğacları ilə əvəz edilmişdir. Əhali abunəçilərinin qaz təminatını yaxşılaşdırmaq məqsədilə rayon ərazisində 396 p/m yararsız xətt yenisi ilə əvəz edilmiş, Daş Salahlı, Birinci Şıxlı, İkinci Şıxlı və Yuxarı Salahlı kəndlərində qaz xətlərinin çəkilişi işləri davam etdirilir.

Səhiyyədə və təhsildə uğurlar

2012-ci ilin 3 ayı ərzində rayonun təhsil, səhiyyə və mədəniyyət müəssisələri tərəfindən də bir sıra işlər görülmüşdür. 2012-ci ilin yanvar ayında olimpiadanın ikinci rayon turunda 9 fənn üzrə 105 nəfər şagird iştirak etmişdir. Onlardan 7 nəfər fənn olimpiadalarının respublika mərhələsinə vəsiqə qazanmış və Olimpiadanın Respublika turunda 5 nəfəri mükafata layiq yer tutmuşdur. Rayonun səhiyyə müəssisələrində 238 nəfər həkim və 643 nəfər orta tibb işçisi əhalinin sağlamlığı keşiyində dayanmışdır. Mərkəzi xəstəxanada cərrahi şöbənin əsaslı təmiri başa çatmış, şöbə lazımı avadanlıqlar, bərk və yumşaq inventarlarla təmin olunmuşdur. Psixatriya xəstəxanasında təmir işləri davam etdirilir. Hər iki xəstəxanada istilik sisteminin yenidən qurulması işlərinə başlanılmışdır.

3 ay ərzində 47 nəfər şəkərli diabet, 11 nəfər vərəm, 24 nəfər onkoloji xəstə aşkar edilərək, dispanser müşahidəyə götürülmüş və hazırda müalicə olunurlar. Bütün şəkərli diabet xəstələrinə testlər paylanmışdır. Rayon ərazisində fəaliyyət göstərən Müalicə Diaqnostika Mərkəzinə 3 ay ərzində 4.140 ambulator gəliş olmuş, Mərkəzdə 10.646 ümumi müayinə olunmuş, 164 cərrahi əməliyyat aparılmış və hemodiz şöbədə 80 xəstəyə 2.576 hemodiz seanslar tətbiq olunmuşdur.

Rayon Gənclər və İdman idarəsi tərəfindən 2012-ci ilin 3 ayında gənclərlə iş sahəsi üzrə 5, bədən tərbiyəsi və idman sahəsi üzrə 8 tədbir keçirilmişdir. Keçirilən tədbirlərdə gənclərin bütün təbəqələri təmsil olunmaqla 1.455 nəfər yeniyetmə və gənc iştirak etmişdir.

Yeni iş yerləri açılır

Regionlarda sosial-iqtisadi inkişafla əlaqədar Qazax rayonunda davamlı surətdə yeni iş yerləri açılır. Birinci rübdə 11 yeni müəssisə yaradılmış, 176-sı daimi olmaqla 301 yeni iş yeri açılmışdır. 2012-ci ilin 3 ayı ərzində 6 dövlət və 4 qeyri-dövlət müəssisələrindən 53 boş iş yeri təqdim edilmiş, 119 nəfər vətəndaş Məşğulluq Mərkəzinə müraciət etmişdir. Onlardan 65 nəfəri iş axtaran kimi qeydiyyata alınmış, 26 nəfər münasib işlə təmin olunmuşdur.

Problemlər yerindəcə həll edilir

2012-ci ilin 3 ayı ərzində Qazax RİH başçısı tərəfindən 12 səyyar görüş-qəbullar keçirilmişdir. Həmin görüşlərdə iştirak edənlərin sayı 1260 nəfər, müraciət edənlərin sayı 116 nəfər olmaqla 38 təklif irəli sürülmüşdür.

2012-ci ilin 3 ayı ərzində qaldırılan problemlər və təkliflərdən 28 məsələ icra edilmiş, 10 təklif ilə əlaqədar aidiyyəti təşkilatlar qarşısında məsələ qaldırılmışdır. Qazax Rayon İcra Hakimiyyəti gələcəkdə də həm Dövlət Proqramında nəzərdə tutulmuş vəzifələrin, həm də cari tapşırıqların həllində uğurla çalışmaq, ölkəmizin sosial-iqtisadi sahədə əldə etdiyi uğurlara öz töhfəsini vermək niyyətindədir.

Zaman.-2012.-19-21 may.-S.5.