Qaxda turistlərin qəbulu üçün bütün
şərait yaradılıb
Qış turizm mövsümünə hər
bölgədə olduğu kimi, Qax rayonunda da
hazırlıqlar görülür. Qax rayonu
da qış mövsümündə
turistlərin
marağında olan rayonlardan biridir. Rayonda fəaliyyət göstərən turizm obyektlərində
qonaqları qarşılamaq
üçün, bütün
hazırlıqlar demək olar ki, yekunlaşmaq
üzrədir.
Qax rayonunda turizmin
inkişafı üçün
hər
il görülən işlər,
yeni-yeni turizm obyektlərinin
açılması, obyektlərdə turistlərin istirahətinin
tam təmin
edilməsi,
turistlərin
bu məkana
olan marağını
ildən-ilə daha da artırır.
İstirahət üçün Qax rayonuna gələn turistlərə yerli, milli və
avropa mətbəxindən olan yeməklər təklif
olunur. Rayonun gəzməli, görməli
tarixi yerlərinə
marşrut üzrə turlar təşkil
olunur. Obyekt sahibləri,
böyüklərin
və
uşaqların istirahətini nəzərə alaraq, istirahət
məkanlarında
hər
bir şərait yaradıblar.
Qax rayon Mədəniyyət və
Turizm şöbəsinin inspektoru Dilarə Əzizovanın sözlərinə görə,
rayona gələn
turistlər,
hotellərlə yanaşı, xüsusi kənd
evlərində qalmağa da üstünlük verirlər. Həm də
turistlərə iqlim şəraitini nəzərə
alaraq yerli xəmir
xörəkləri də
təklif
olunur. Turizm obyektlərinin
sahibləri,
hər
il olduğu
kimi bu il
də
turistlər
üçün bütün
şəraitlərin yaradıldığını bildirirlər. Obyektlərdə böyüklər
və
uşaqlar üçün
münasib qiymətlərin olduğunu
vurğulayırlar. 1 sutka ərzində hansısa bir istirahət
məkanında
istirahət
etmək,
1 nəfər üçün gün ərzində 3 dəfə yemək
də
daxil olmaqla 30-35 manata başa gəlir.
Obyekt sahiblərindən aldığımız məlumata görə,
qış mövsümü
ilə
əlaqədar qiymətlərdə endirimlər gözlənilir.
Ümumiyyətlə respublikanın digər bölgələri kimi, Qax rayonunun
gözəlliklərini görmək
istəyənlərin sayı
ildən-ilə artmaqdadır.
Qeyd edək
ki, qış turizm mövsümündə Qax rayonunda fəaliyyət göstərən 7 lisenziyalı, turizm obyektlərində, bir dəfəyə 600 turisti
yerləşdirmək imkanı var. Onu da qeyd edək ki, 2012-ci ildə rayona 18 mindən
artıq turist gəlib,
2013-cü ildə
turistlərin
sayı 20 mindən çox olub. Odur ki, istirahət üçün
Qax rayonunu seçən
turistlər
bu səfalı
gəzməli, görməli
məkanda
xoş istirahət edə
bilərlər.
Ruslan Abdulov Qax
Zaman.-2013.-18 dekabr.-S.6.