Şəki Azərbaycan-Türkiyə Özəl Liseyinin məzunlarından tarixi uğur

Ümummilli lider Heydər Əliyevin və Mustafa Kamal Atatürkün ideyaları əsasında fəaliyyət göstərən “Çağ” Öyrətim Şirkəti və onun respublikamızdakı özəl liseyləri iki qardaş ölkə - Azərbaycan və Türkiyənin təhsil sahəsində əməkdaşlığının daha möhkəm təməllər üzərində qurlmasına öz tarixi töhfəsini verməkdə davam edir. Azərbaycanda təhsilin daha da inkişafına yardımını göstərən, sivil təhsil verən həmin tədris ocaqlarından biri də Şəki Azərbaycan-Türkiyə Özəl Liseyidir.

Lisey fəaliyyətə başladığı ilk günlərdən onun şagirdləri böyük uğurlara imza atmış, dəfələrlə beynəlxalq olimpiadaların qalibləri olublar. Bu baxımdan 2012-2013-cü dərs ili də lisey üçün böyük uğurlarla yadda qalıb. Belə ki, bu il liseyi bitrən bütün məzunlar ali məktəblərə daxil olublar. Liseyin müdiri Məsut Köstəkçi bizimlə söhbətində uğurların əldə edilməsində müəllim kollektivinin böyük əməyi olduğunu söylədi. O: “2012-2013-cü dərs ilinin yekunlarına görə liseyimizi bitirən 35 nəfər məzunun hamısı ali məktəb tələbəsi oub. Onlardan 33-ü Azərbaycanın, 2-si Türkiyənin iniversitetlərinə qəbul olunub. Liseyin məzunlarından Əli Əhmədov həm Azərbaycan Turizim İnstitutunun, həm də Türkiyənin Konya Səlcuq Universitetinin, Salman Məhəmməd Əmin isə Türkiyənin Fatih Universitetinin tələbəsi olmaq huququnu qazanıb.

Əldə olunan yüksək nəticələrin qazanılmasında, şübhəsiz ki, bütün pedaqoji kollektivin - liseyin əvvəlki müdiri Ömər Faruk İmat, müdir müavinləri Elxan Qasımov, Çələbi Çələbiyev, Aydın Yılmaz, Sənan Əliyev, müəllimlərdən Niman Məmmədli, Əsəd Əşrəfov, Əhməd Citli, Səbuhi Sadıqov, Şükrü Meral, Anar Ağayev, Niyaz Məmmədov,Yusif Çətin, Aqil Mustafayev, Nazim Derisov, Elşad Abbasov, Sahil Şabanov, Ələddin Ramazanov və başqalarının xüsusi əməyi olmuşdur. Biz bu uğurları gələn ildə də təkrar etmək, vətənə bilikli gənclər yetişdirib vermək kimi şərəfli işimizi davam etdirmək niyyətindəyik”, - dedi.

Zaman.-2013.-24 oktyabr.-S.7.