Sumqayıt məktəbliləri olimpiadalarda ən yüksək nəticə göstərirlər”

Ölkəmiz müstəqilliyimizin ilk illərindəki çətinlikləri artıq arxada qoyub.

İqtisadiyyatımızn bütün sahələri sürətli inkişaf yolubna qədəm qoyub. İndi respublikamızın bütün bölgələrində tikinti-abadlıq işlərinin sürətinə heyrətlənməmək olmur. İstisnasız olaraq iqtisadiyyatımızın bütin sahələrində “ikinci nəfəs” açılıb. Bu müstəvidə Sumqayıt da istisna deyil. Ölkənin böyük şəhərlərinədən olan Sumqayıtda təhsil sahəsində də uğurlu addımlar atılır. Sumqayıt təhsilinin dünəni, bu günü və sabahı barədə ətraflı məlumat əldə etmək üçün şəhər təhsil şöbəsinin müdir əvəzi Vaqif Ələkbərova müraciət etdik. O rəhbərlik etdiyi qurumun fəaliyyəti barədə aşağıdakıları bildirdi:

1 “Ümummilli lider Heydər Əliyev ideyalarının Respublikamızın Prezidenti cənab İlham Əliyev tərəfindən davamlı olaraq, yaradıcılıqla həyata keçirilməsi sayəsində şəhərlərimizin, kəndlərimizin siması yaxşı mənada dəyişib, dünya iqtisadiyyatında maliyyə böhranının dərinləşdiyi bir dövrdə ölkəmizdə iqtisadiyyatın dinamik inkişafı tərmin edilib, əhalinin maddi-rifah halı yüksəlib. Ölkəmizi tərəqqiyə aparan Heydər Əliyev ideyaları şəhərimizdə də uğurla reallaşır. Şəhərimizdə böyük zövq və peşəkarlıqla quruculuq və abadlıq işləri aparılır, Sumqayıt Texnologiyalar Parkının, yeni yaradılmış onlarla istehsal sahələrinin timsalında şəhərimiz müasir tələblərə uyğun sənaye mərkəzi kimi formalaşır. Son dövrlərdə şəhərimizdə 5 məktəb binası tikilmiş, 6 məktəb əsaslı təmir olunmuş, 7 məktəbdə 2200 yerlik əlavə tədris korpusu tikilmişdir. Üç məktəbdənkənar müəssisədə əsaslı təmir və yenidənqurma işləri aparılmışdır.

Şəhər Təhsil Şöbəsi müəssisələrinin tədris-maddi bazasının möhkərnləndirilməsi sahəsində son 2-3 il ərzində əhəmiyyətli işlər görülmüşdür. Gənc nəslin milli-mənəvi, vətənpərvəlik tərbiyəsini yaxşılaşdırmaq məqsədilə son illərdə Şəhər İcra Hakimiyyəti başçısı cənab Eldar Əzizovun təşəbbüsü və yaxından dəstəyi ilə keçirilən müxtəlif tədbilər - məktəblərin “Şahin” komandalarının hərbivətənpərvərlik paradı, “Şəhər günü”, Kitab bayramı, tarixçilərin konfransı, mikrorayonlar və məhəllələr üzrə gənclər arasında futbol, mini futbol, velosiped idmanı, şahmat yarışlarının keçirilməsi, nümunəvi məhəllələrin təşkil olunması zamanı idman meydançaları və qurğularının yaradılmasına fıkir verilməsi artıq ənənə şəklini almaqla, şəhər ictimaiyyəti tərəfindən rəğbətlə qarşılanır. Respublika və beynəlxalq miqyaslı müsabiqələrdə Sumqayıt məktəbliləri uğurla çıxış edir və müvəffəqiyyət qazanırlar. 47 ölkənin qatıldığı “Ətraf mühitin mühafızəsi üzrə VII Beynəlxalq İNEPO layihəsində şəhərimizin 13 orta məktəbinin, Təbiət Elmləri Təmayüllü (TET) Gimnaziya, “İstedad”, “Təfəkkür' və Texniki və Təbiət Elmləri Liseyinin (TTEL) hazırladıqları layihələr qəbul olunmuş, təqdimat sərgisində Sumqayıt məktəbləri dörd bürünc, üç gümüş medal qazanmışlar.

”Dilimiz varlığımızdır” devizi altında keçirilən “Ana dilimizi sevək, sevdirək” mövzusunda IX Respublika müsabiqəsində 36 nömrəli məktəbin şagirdi Türkan Heydərova qızıl, 43 saylı məktəbin şagirdi Aytac Hüseynova gümüş medal almışdır. Ölkə Prezidentinin sərəncamı ilə keçirilən “Ən yaxşı ümumtəhsil məktəbi” və “Ən yaxşı müəllim” müsabiqələrində şəhərimizin 5 məktəbi (30, 31 nömrəli məktəblər, TET Gimnaziya, TTEL, “İstedad” liseyləri) və 4 müəllimimiz qalib gəlmişdir. Beləliklə, müsabiqənin keçirilməyə başlandığı vaxtdan 17 məktəbimiz (onlardan üçü iki dəfə), 38 müəllimimiz bu mötəbər müsabiqənin qalibi adını qazanmışdır. Bakı və Sumqayıt məktəbliləri arasında keçirilən “Sabahın alimləri” Beynəlxalq layihə müsabiqəsinin Respublika mərhələsində 16 nəfər Sumqayıt məktəblisinin layihələri III dərəcəli diploma layiq görülmüşdür. Fənn olimpiadalarnın Respublika turunda Sumqayıt məktəbliləri hər il olduğu kimi, bu il də müvəffəqiyyətlə çıxış etmiş, 27 təmsilçimizdən iki nəfəri 1-ci, üç nəfəri 2- ci, yeddi nəfəri 3-cü, dörd nəfəri mükafata layiq 4-cü yerləri tutmuşlar ki, bu da rayon və şəhərlər arasında ən yüksək nəticə hesab olunur.

Təhsil Nazirliyinin “Ümumtəhsil məktəblərində məktəbdaxili qiymətləndirmənin aparılması barədə Təlimat” pedaqoji kollektivlərdə geniş müzakirə edilmiş və tətbiqi giinün tələbinə çevrilmişdir. Hər il olduğu kimi, bu il də şəhərimiz üzrə ali məktəblərə qəbul imtahanlarınm göstəriciləri yüksək olmuş, respublika üzrə ən yaxşı nəticələrdən hesab edilmişdir. Bu il ali məktəblərə sənəd vermiş məzunlarımızın 54,3 faizi müxtəlif universitetlərə qəbul olunaraq, tələbə adını qazanmışdır ki, bu da ötən ilin göstəricisi ilə müqayisədə 3,3 faiz çoxdur. Beləliklə, son illərdə şəhər üzrə qəbul faizinin artımı davam etmiş, bu il artım tempi daha da yüksək olmuşdur.

Xüsusi fərəh hissi ilə qeyd edirik ki, bu il qəbul imtahanlarında TTEL-in məzunu Flora Qafarova ən yüksək - 700 bal toplamışdır. Şəhər üzrə ümumilikdə 98 nəfər (7 nəfər SÖTL, 1 nəfər “İdrak” liseyi) 600-dən çox bal toplamışdır ki, bu da ötən ilki göstəricidən çoxdur.

Sumqayıt şəhər TET Gimnaziyanın şagirdi Yaxşı Şəfıyeva və Texniki və TTEL-in şagirdi Həsənli Elçin tam orta təhsili qızıl medalla başa vurmuş, qəbul imtahanlarında müvafıq olaraq 680 və 675 bal toplayaraq ümidləri doğrultmuşlar. İstedadlı məzunlarımızın qəbul imtahanlarmdakı nailiyyətləri daim ölkə rəhəbərliyinin diqqət mərkəzindədir. 2013-cü ildə də qəbul imtahanlarında yüksək nəticə qazandıqlarına görə şəhərimizin ümumtəhsil məktəblərinin məzunlarından 7 nəfəri Prezident təqaüdünə layiq görülmüşdür. Ümumiyyətlə isə, təsis olunduğu gündən indiyə qədər məktəblərimizin 83 məzunu bu təqaüdə layiq görülmüşdür”.

Ceyhun Məmmədov

Zaman.-2014.-19 aprel.-S.6.