Mingəçevirdə təhsil işçilərinin sentyabr konfransı olub

Mingəçevir şəhərində təhsil işçilərinin ənənəvi sentyabr konfransı keçirilib. Əvvəlcə ulu öndər Heydər Əliyevin adını daşıyan sarayın foyesində təşkil edilmiş məktəblilərin əl işlərindən ibarət sərgiyə, texniki yaradıcılıq nümunələrinə, təhsil, idman və ədəbiyyat sahəsində qazanılmış uğurlardan bəhs edən sənədlərə baxış olub. Mingəçevir təhsilinin müvəffəqiyyətlərindən bəhs edən videoçarx nümayiş etdirilib. Məktəblilər konfrans iştirakçılarını salamlayıblar. Mingəçevir Şəhər Təhsil Şöbəsinin müdiri Sahib Məmmədov 2013-2014-cü dərs ilinin yekunları və qarşıda duran vəzifələr barədə məruzə edib.

Sahib Məmmədov məlumat verib ki, ötən dərs ilində şəhər məktəbləri üzrə 631 sinif komplektində 12 min 635 nəfər şagird təhsil alıb. Məktəbdən kənar müəssisələr üzrə 103 qrupda 1300 yeniyetmə idman və yaradıcılıq dərnəklərinə cəlb edilib. Bu şagirdlərin təlim tərbiyyəsi ilə 1689 müəllim və tərbiyəçi məşğul olub. Tədris prossesində əsas diqqət yeni təlim texnologiyalarının və təlim üsullarının tətbiqinə fənn kurukulumlarının tələblərinə uyğun müəllim kadrlarının hazırlanmasına, şagirdlərin fiziki və intellektual inkişafına, sağlam həyat tərzinə və sivil dəyərlərə əsaslanan vətəndaş təfəkkürünün formalaşmasına yönəldilib. Uğurlar daha çox ali məktəblərə qəbul imtahanlarında özünü göstərib. 438 nəfər mingəçevirli məzun tələbə adını qazanıb. Onlardan 77 nəfəri 500-dən yuxarı bal toplayıb. Bu göstərici əvvəlki illərlə müqayisədə xeyli dərəcədə yüksəkdir. Təhsil Şöbəsinin müdiri qeyd edib ki, mingəçevirli şagirdlər respublika fənn olimpiadalarında və digər yarışlarda uğurlu nəticələr əldə ediblər. Konfransda Mingəçevir Şəhər İcra Hakimiyyətinin başçısı Niyazi Bayramov növbəti dərs ilinin başlanması münasibəti ilə pedoqoji ictimayyəti təbrik edib, onlara uğurlar arzulayıb. Bildirib ki, Prezident İlaham Əliyevin qayğısı ilə Mingəçevirdə də məktəblilərin maddi-texniki bazaları möhkəmləndirilir: “Təhsil ocaqları əsaslı şəkildə yenidən qurulur. Belə ki,10 saylı məktəbin əsaslı təmiri başa çatdırılaraq müasir avadanlıqlarla təmin olunub. 4 saylı məktəbdə isə yenidənqurma işləri davam etdirilir. Daha 3 təhsil ocağının isə təmirinə başlanılıb”. Konfransda Təhsil Nazirliyinin nümayəndəsi Aydın Əhmədov çıxış edərək həyata keçirilən struktur islahatların əhəmiyyətindən danışıb. Konfransda çıxış edən valideyn Vidadi Cabbarov bu il iki övladının ali məktəbə qəbul olunmasının sevincini yaşadığını bildirib. Onun övladları 600-dən yuxarı bal toplayaraq Tibb Univeristetinə qəbul olublar. Bu sevinci onlara bəxş edən müəllimlərə, Mingəçevir Təbiət-Riyaziyyat və Humanitar Elmlər Təmayüllü liseyin bütün pedoqoji kollektivinə öz minnətdarlığını bildirib. Sonda bir qrup qabaqcıl müəllimə və yüksək balla ali məktəblərə qəbul olunmuş gəncə fəxri fərman və qiymətli hədiyyələr təqdim edilib.

Esmira Hidayətova

Zaman. - 2014.- 10 sentyabr.- S. 6.