Azərbaycandakı tolerantlıq və multikulturalizm mühiti düşmən gücləri narahat edir

Azərbaycanın tolerant ölkə olduğu və bunun müasir sivilizasiyanın inkişafında böyük əhəmiyyət daşıdığı heç kəsə sirr deyil.

Bütün hallarda bəşəriyyətin gələcəyinin məhz fərqli dinlərə, inanclara malik olan, müxtəlif dillərdə danışan, irqindən və dinindən asılı omayaraq bütün insanların tolerant, multikulturalizm şəraitində yaşamasından asılı olduğu beynəlxalq səviyyədə də dönə-dönə vurğulanmaqdadır. Bununla belə, son illərdə Qərbdə islamofobiyanın baş qaldırması, digər dinlərə və inanclara, irqlərə malik insanlara qarşı zorakılıq hallarının artması narahatlıqla qarşılanır. Qərbdə ən çox müsəlman ölkələrindən gələn insanlara münasibətdə ayrı-seçkiliyə baş vurulmaqdadır. Belə demək mümkünsə, Fransada, Almaniyada, Danimarkada və digər Qərb ölkələrində antimüsəlman obrazının formalaşdırılması prosesi, mətbuatda tez-tez müsəlmanların ünvanına xoşagəlməz ifadələr işlədilməsi prosesi genişlənməkdə davam edir. Neomillətçilik, islamofobiya Qərbdə hətta radikal neofaşist kütlə çərçivəsindən dövlət səviyyəsinə qaldırılmaqdadır. Bunu bu ilin oktyabr ayında Almaniyanın kansleri xanım Angela Merkelin münaqişə bölgəsindən qaçmağa məcbur olan Suriya və İraqdan olan qaçqınları yalnız dinlərini dəyişəcəkləri və xristianlığı qəbul edəcəkləri halda ölkəsində sığınacaq verəcəyini bəyan etməsi də sübut edir. Merkelin adıçəkilən təşəbbüsü ağır vəziyyətdə olan və bir tikə çörək üçün müharibə zonasından qaçaraq Almaniyada sığınacaq axtaran müsəlmanlara dinindən dönməyi təklif etməsi, onların ağır vəziyyətlərindən istifadə edərək heysiyyətləri ilə oynaması Avropada tolerantlığın nə qədər böyük dərəcədə aşınmaya uğradığını göstərir. Amma müsəlmanlara münasibətdə düşmən mövqedən çıxış edən yalnız Angela Merkel deyil. Belə ki, bir neçə gün bundan əvvəl ABŞ-da prezidentliyə namizəd Donald Tramp seçkiqabağı çıxışında prezident seçiləcəyi təqdirdə, müsəlmanları ölkəyə buraxmayacağını bəyan edib. Dünyada özünü demokratiya, insan hüquqlarının müdafiəçisi, sivil dövlət kimi qələmə verən ABŞ-da prezidentliyə namizədin bəşəriyyətin fəlakətə sürüklənməsinə yol açan antitolerant mövqedən çıxış etməsi, həqiqətən də, Qərbdə multikulturalizmin, bəşəri dəyərlərin aşınmaya məruz qaldığını bir daha sübut edir.

Erməni lobbisi bəzi beynəlxalq təşkilatları təsiri altına alıb

Bu baxımdan Azərbaycanın tolerant ölkə olmasından narahat olan güclər respublikamıza qarşı çirkin məqsədlərini həyata keçirmək, ölkəmizdə daxili sabitliyi pozmaq niyyətində olduqlarını nümayiş etdirməkdədirlər. Bu baxımdan son illərdə bir sıra beynəlxalq təşkilatlar Azərbaycana qarşı qərəzli hesabatlar hazırlamaqda, bəzi məqamlarda isə bir başa Azərbaycanın daxili işlərinə müdaxilə etməyə cəhd edirlər. Xüsusilə, bir neçə il əvvəl ABŞ səfirinin ölkəmizdəki tolerant, multikulturalizm mühitini şübhə altına almaq istəyən açıqlamaları, Avropa Parlamentində Azərbaycandakı milli azlıqlarla bağlı həqiqətdən uzaq iftira dolu dinləmələrin təşkili diqqəti cəlb edir. Təbii ki, bütün bunların arxasında ölkəmizə düşmən olan ermənilər və erməni lobbisi, onların müxtəlif yollarla ələ aldıqları lobbilər, daha dəqiq desək, muzdlu nökərləri olan yüksək səviyyəli bəzi Qərb dövlətləri rəsmiləri və beynəlxalq təşkilatların səlahiyyətli nümayəndələri dayanırlar. Qərblə İslam əleyninə çıxışların, islamofobiyanın arxasında erməni lobbisi və onlar tərəfindən ələ alınan mətbu orqanların, yüksək səviyyəli dövlət rəsmilərinin dayandığı da heç kəsə sirr deyil. Azərbaycandakı tolerantlıqdan ermənilərin narahat olduğunu və onların Qərbdə ölkəmizdəki tolerant, multikulturalizm mühitini şübhə altına almaq cəhdlərinə baş vurduqlarını separatçılıq əməllərinə görə həbs edilən, azadlığa çıxandan sonra xaricə gedərək ermənilərin çaldıqlarına oynayan, onların sifarişlərini həyata keçirən Əlikram Hümbətovun ölkəmizə qarşı atdığı iftiralar da sübut edir. Bu müstəvidə də bir neçə il öncə Ermənistana səfər edən Əlikram Hümbətov Yerevanda talışlarla bağlı keçirilən “beynəlxalq konfrans”da iştirak edib və orada ölkəmiz əleyhinə böhtanlar yağdırıb. Bunun ardınca isə erməni lobbisinin təşkilatçılığı və Ermənistan xüsusi xidmət orqanlarının hazırladığı ssenari əsasında Avropa Parlamentində Azərbaycanda yaşayan talışlarla bağlı dinləmələr təşkil edilib. Bu dinləmələrdə ölkəmizdə yaşayan talışların nümayəndələri iştirak etməsələr və hansısa ayrı-seçkiliyə məruz qalmaları barədə heç bir beynəlxalq təşkilata müraciət etməmələrinə baxmayaraq, onların guya hüquqlarının pozulduğu barədə hay-küy qaldırılır. Belə vəziyyətdə dərhal da hiss olunur ki, Avropa parlamentində üzdəniraq belə dinləmələr və talışların guya “ayrı-seçkiliyə” məruz qalmaları barədə hay-küy erməni lobbisinin təsiri altına düşən bu qurumdakı bəzi muzdlular tərəfindən qaldırılıb. Necə deyərlər, erməni lobbisi insan haqlarının müdafiəsi bəhanəsi adı altında müəyyən beynəlxalq təşkilatlarda müxtəlif vasitələrlə ələ aldığı bəzi yüksək səviyyəli rəsmilərin əli ilə Azərbaycanda insan haqlarının durumu və həmçinin milli azlıqların hüquqları ilə bağlı hay-küy qaldıraraq bu yolla ölkəmizdəki tolerant, multikulturalizm mühiti, şübhə altına salmaq, bununla da ictimai rəyə mənfi təsir göstərməyə çalışırlar.Halbuki Avropa Parlamentində Azərbaycanda etnik azlıqların hüquqlarının pozulması ilə bağlı erməni lobbisi tərəfindən maliyyələşdirilən bəzi yüksək səviyyəli qurum rəhbərlərinə də Ermənistanda da fərqli dinlərdən və irqlərdən olan insanların təzyiq, şantaj, qətliamlar yolu ilə bu ölkəni tərk etməyə məcbur edildiyi, bir milyondan yuxarı insanımızı doğma yurd-yuvalarından didərgin salmaları, ərazilərimizi işğal etməsi, Xocalıda orta əsrlər cəlladlarına xas olan tərzdə qətliamlar həyata keçirməsi yaxşı məlum idi.Amma buna baxmayaraq, islamofobiyaya uğrayan və ermənş lobbisi tərəfindən pulla ələ alınan Avropa parlamentindəki bəzi yüksək səviyyəli rəsmilər bunu görməməzliyə vuraraq, heç bir əsas olmadan ölkəmiz əleyhin əsassız iftira dolu ifadələr işlətdilər, insan hüquqlarının pozulması barədə hay-küy qaldırdılar. lakin Azərbaycandakı tolerant mühitin mövcud olduğunu heç kim inkar edə bilməz və ölkəmizə Qərbin ən qabaqcıl ölkələrindən gələnlər belə multikulturalizmlə bağlı respublikamızda gördüklərindən məmnun qaldıqlarını vətənlərinə qayıtdıqdan sonra dönə-dönə vurğulayırlar.

Azərbaycandakı tolerantlığıvə multikulturalizmi dəstəkləyənlər də çoxdur

Xarici ölkələrin mətbuatında Azərbaycanda mövcud olan tolerantlıq yüksək qiymətləndirilir və bunu əks edən materiallar olduqca çoxdur, lakin erməni lobbisi çirkin siyasətini həyata keçirməkdə, Azərbaycanı gözdən salmaq, ölkəmizdəki tolerant, multikulturalizmi şübhə altına almaq üçün çirkin oyunlarını davam etdirməkdədirlər.

Onu da deyək ki, Qərbdə hazırda ksenofobiyanın güclənməsinə, islamofobiyanın artmasına baxmayaraq, beynəlxalq səviyyədə buna qarşı çıxan ğüclər də kifayət qədərdir. Belə ki,

1995-ci ildə YUNESKO tərəfindən “Dözümlülük Prinsipləri Bəyannaməsi” qəbul olunmuş və 16 noyabr Beynəlxalq Tolerantlıq Günü elan edilmişdir. 2008-ci ildə isə Avropa Tolerantlıq və Barışıq Şurası Tolerantlıq medalı təsis etmişdir. Bu mükafata Avropada dözümlülük və qarşılıqlı hörmət ideyaları uğrunda, həmçinin ksenofobiya, irqi və dini ayrı-seçkiliyə qarşı mübarizə sahəsində xidmətləri olan görkəmli şəxslər layiq görülür. Avropa Tolerantlıq və Barışıq Şurası Tolerantlıq medalını alanlar arasında İspaniyanın Kralı I Xuan Karlos, Serbiyanın eks-prezidenti Boris Tadiç və digərləri də var.

Lakin yenə də təəssüflər olsun ki, Qərbdə islamofobiya genişlənməkdədir və bu bəşəriyyətə yaxşı heç nə vəd etmir. Buna paralel olaraq, erməni lobbisi Azərbaycanda yəhudilərin belə ayrı-seçkiliyə məruz qalması barədə rəy formalaşdırmağa cəhd edir.

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyəsi əsasında səhifəni hazırladı

Zaman.- 2015-.15 dekabr.- S.13