“Ölkəmizdə dini radikalizmin sosial bazası yoxdur”

Bu gün Azərbaycan xalqı azad, qürurlu, öz milli dəyərlərinə sadiq xalq kimi bütün dünyaya səs salıb.

Hər bir xalqın ən böyük sərvəti onun milli-mənəvi dəyərləri, bu dəyərlərdən formalaşan adət-ənənələri, mədəniyyət nümunələridir. Xoşbəxt o xalqdır ki, milli-dəyərləri ümumbəşəri insani dəyərlərlə üst-üstə düşür. Azərbaycan tolerant ölkədir. Ölkəmiz günü-gündən inkişaf edir və dünyanın ən inkişaf etmiş ölkəsinə çevrilir. Azərbaycanda çoxsaylı xalqlar yaşayıb və bu gündə yaşamaqdadır. Bu günlərə ölkəmizdə keçirilən birinci Yay Avropa oyunları zamanı müxtəlif xalqların nümayəndələri Azərbaycana səfər ediblər. Azərbaycanın hər bir bölgəsində bu gün əcnəbi qonaqlarala daha tez-tez rastlaşırıq. O cümlədən Mingəçevirdə qonaqlı-qaralı günlərini yaşayır. Burada hər bir xalqın nümayəndəsinə rast gəlmək mümkündür. Onlardan biri ilə Almaniyadan ailəsi ilə gəlmiş Lili Vibenbonla görüşüb təsüratlarını öyrəndik. Qonaq ilk dəfədir ki, Azərbaycanda olduğunu bildirdi: “Əvvəlcə Bakıda bir neçə gün qaldıqdan sonra Mingəçevirə gəldim. Ümumiyyətlə Azərbaycan haqqında eşitmişdik. Amma onu da eşitmişdik ki, bu ölkə öz çörəyini qonşusu ilə bölüşən bir ölkədir. Lakin qonşusunun bu ölkəyə təcavüzünü və onun torpaqlarının 20 faizini işğal edilməsini eşidəndə çox pis olduq. Həm də bu bölgəyə gəlməkdən bir az da ehtiyat edirdik. Lakin son zamanlar ölkə mətbuatında Azərbaycan haqında xoş sözlər eşidəndə bu ölkəyə olan marağımız artdı. Budur mən öz ailəmlə ilk dəfədir ki, Mingəçevirdəyəm. Nə qədər qonaqpərvər xalqdır buranın əhalisi. Hər tərəf yaşıllıqlar içərisindədir. Mən Qəbələdə, Şəkidə, Qudada və Bakıda oldum. İnanırsınız, mən özümə söz vermişəm ki, hər il yay təilimi gəlib Azərbaycanın cənnət bölgələrində keçirəcəm. Mən sizə çox danışa bilərəm, çünki biz əcnəbilər hər gördüyümüz mənzərə ilə yaxından maraqlanırıq. Mən sizin heç mətbəxinizi demirəm, necə gözəl dadlı yeməkləriniz var hətta mən dovğanın və dolamnın necə hazırlandığını da öyrənmişəm. Bizim fikirimz var ki, ölkəmizə getdikdən sonra orada Azərbaycan mətbəxinin sərgisini keçirəcəyik”.

***

Təbii ki, bu gün həyata keçirilən sosial-iqtisadi islahatlar Prezidentin rəhbərliyi ilə Azərbaycanın əldə etdiyi uğurlar, bizi bütün dünyada istiqanlı, mərd və qonaqpərvər xalq kimi tanıdıb. Bizim toleranlığımız bütün dünya xalqlarına indi daha aydın şəkildə çatdırılır. Ölkəmizdə həyata keçən layihələr də buna sübutdur. Azərbaycanın ictimai-siyasi həyatında dini sabitlik faktiki olaraq digər ölkələrlə müqayisədə özünü daha qabarıq şəkildə göstərir. Biz Azərbaycanlılar heç bir qonşu dövlətin malına, torpağına göz dikən xalq olmamışıq. Öz mədəniyətimizlə, adət-ənənnəmizlə bütün ölkələr arasında tanınan bir xalq olmuşuq. Bu gün Azərbaycan dünyada tolerantlıq nümunəsidir. Bunu Azərbaycana gələn müxtəlif dinlərin icmaları da vurğulayır. Onlar bildirilər ki, belə halı dünyanın heç bir yerində müşahidə etməyiblər. Bu da təbii ki, Azərbaycanda tolerantlığın ən böyük nümunələrindən biridir.

Tolerantlıq deyəndə bunu bəzən yalnız dinə aid edirlər deyən Dini Qurumlarla İş üzrə Dövlət Komitəsinin sədri Mübariz Qurbanlı bu fikiri Mingəçevirdə “Ənənəvi İslam dəyərləri və müasirlik” mövzusunda keçirilən regional konfransda səsləndirib. Komitə sədrinin fikirincə əslində isə bu bütün sahələrə aid edilə bilər. Tolerantlıq gender, sosial təbəqələr arasında, bütövlükdə insanların bir-birindən münasibətində var. Tolerantlıq sözünün mənası dözümlülük, başqasının fikirinə hörmətlə yanaşmaq deməkdir. Söhbət bütövlükdə İslam dəyərlərini, İslama mənsubiyyətimizi etməklə qarşı tərəflərlə dialoq mühitində yaşamağımızdan gedir. Ona görə də Azərbaycanda dini baxımdan sabitlik var. Ulu öndər Heydər Əliyev sağlığında deyərdi ki, biz öz milli dəyərlərimizlə fəxr etməliyik. bizim milli dəyərlərimiz əsrlər boyu xalqımızın həyatında, yaşayışında formalaşıbdır. Milli dəyərləri olmayan millət, həqiqi millət, həqiqi xalq ola bilməz. Biz heç vaxt öz milli dəyərlərimizi unutmamalıyıq. Onu yaşatmaq, ondan bəhrələnmək, ruhlanmaq həyatımızın əsas istiqaməti, gələcək işlərimizin zəmanətidir. Hələ sovet hakimiyyəti illərində dini sıradan çıxarmaq üçün ilk növbədə din xadimlərini fiziki olaraq məhv edirdilər. Eyni zamanda insanları n öz inancalrı, dini etiqadlarını həyata keçirmək üçün toplaşdıqları məscidləri, kilsələri dağıdırdılar. Bizim indiki nəsil bu hadisələri yalnız kitablardan oxuyurlar. Represiya dövründə çoxlu sayda din xadimləri sürgünə məruz qalmışdılar. Və mən deyərdim ki, azərbaycan xalqının həyatında dini baxımdan bir boşluq yaranmışdır. Yəni din xadimi olmayan dini olduğu kimi təbliğ etməyə qadir olamyan insanların sıradan cıxarılması nəticəsində din yalnız bizdə o səviyyədə qaldı ki, o yalnız insanları cənazə namazları, dəfn mərasimləri zamanı icra olunurdu. Ümumiyyətlə, din insanların ictimai həyatında, məişətində yox idi. Amma bütün bunlara baxmayaraq dini tamamilə insanların şüurundan çıxarmaq mümkün olmadı. Bu mümkün ola da bilməz çünki din insanları saflığa, təmizliyə, birliyə səsləyir. Düzdür, din altinda müxtəılif qruplaşmalar fəaliyyət göstərir amma onlar yarı yolda qalır, onlar xalqımızın milli dəyərlərinə, adət-ənənələrinə zərbə vura bilmirlər. Biz hamılıqla belələrini ifşa etməliyik.

Ulu öndərimiz sovet dövründə olduğu kimi, Azərbaycanın müstəqillik illərində də milli dəyərlərimizə sahib çıxmışdır. Məscidləri bərpa etdirmiş, tarixi -memarlıq abidələrimiz bərpa edilmişdir.

***

Dini Qurumlarla İş üzrə Dövlət Komitəsinin sədri Mübariz Qurbanlı onu da bildirib ki, ölkəmizdə dövlət-din münasibətləri ilə bağlı ümummilli lider Heydər Əliyevin həyata keçirdiyi siyasətin bu gün Prezident İlham Əliyev tərəfindən uğurla davam etdirildiyini, Azərbaycanda dinlərarası münasibətlərin yüksək səviyyədə olduğunu, hər kəsin dini etiqad azadlığının qorunduğunu bildirib. Mübariz Qurbanlı ölkəmizdə tarixən tolerantlıq mühitinin, dinlər arasında qarşılıqlı hörmət və etimada əsaslanan əməkdaşlıq münasibətlərinin hökm sürdüyünü, dövlət-din münasibətlərinin zəngin milli-tarixi ənənəyə əsaslandığını və beynəlxalq hüquqi normalarla tənzimləndiyini bildirib. Milli-mənəvi dəyərlərimizin tərkib hissəsi olan, o cümlədən ölkə əhalisinin əksəriyyətinin etiqad etdiyi İslam dini və mədəniyyətinin təbliği prioritet məsələlərdəndir. “Azərbaycan dünyaya inteqrasiya edən ölkədir, amma bununla yanaşı, biz öz milli-mənəvi dəyərlərimizi də qoruyuruq. Hazırda dünyada İslam dinini radikalizmə sürükləmə meyilləri artmaqdadır. Çünki İslam dini haqqında yanlış məlumatlar insanların düşüncələrində mənfi fikir yaradır. Buna görə də dini maarifləndirmə işinə daha diqqətli yanaşılmalı, bu sahədə görülən işlər davam etdirilməlidir”. Dövlət komitəsinin hüquq mühafizə orqanları ilə birgə həyata keçirdiyi tədbirləri xüsusi vurğulayan Mübariz Qurbanlı radikalizmin qarşısının alınmasında bu tədbirlərin böyük əhəmiyyəti olduğunu diqqətə çatdırıb. O bildirib ki, ölkəmizdə dini radikalizmin sosial bazası yoxdur. Həyata keçirilən tədbirlər nəticəsində radikalizmə meyilli qrupların iqtisadi və ideoloji əsasları tamamilə iflasa uğrayıb. Radikalizmlə mübarizədə Dövlət Komitəsi cəmiyyətin bütün strukturları, o cümlədən qeyri-hökumət təşkilatları və ictimai birliklərlə birgə bir sıra layihələr həyata keçirir. Komitə sədri qeyd edib ki, biz milli-mənəvi, dini adət-ənənələrimizi, tolerantlıq mühitimizi qorumalı və yaşatmalıyıq. Bu cür maariflənidirici tədbirlərin gələcəkdə də davam etdiriləcəyi qeyd olunub. Sonda deyə bilər ki, bu gün milli dəyərlərimiz hamılıqla, bütün xalq tərəfindən, dövlətin öz himayəsi altında qorunur və daha da inkişaf etdirilir. Azərbaycan qüdrətlənir, bütün dünyada tanınır, bir çox beynəlxalq layihələrə ev sahibliyi edir, çiçəklənir, yenilənir, inkişaf edir. Bax budur tolerantlıq, azərbaycançılıq, İslamçılıq. Azərbaycanda yaşayan milliyətindən, irqindən, cinsindən asılı olmayaraq hər biri bu ölkədə yaşamağından qürur duyur. Bunu Azərbaycana gələn qonaqlarda deyir. Məncə itirən qonşumuz olan bədxah erməni milləti oldu.

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyəsi əsasında səhifəni hazırladı: Esmira Hidayətova, Mingəçevir

Zaman.-2015.-26 may.-S.13.