Rəsmi sənəd
Bakı şəhərindəki Şəhidlər Xiyabanında “Əbədi Məşəl” Abidə Kompleksinin
ucaldılması barədə
Azərbaycan Respublikası Prezidentinin Sərəncamı. Bakı şəhəri, 5 avqust 1998-ci
il // Azərbaycan.- 1998.- 6 avqust. S.3.
Haqqında
Əbədi məşəl — Azərbaycana qarşı edilmiş hərbi təcavüz nəticəsində baş vermiş
Qanlı yanvar faciəsində və Azərbaycan Respublikasının suverenliyi və ərazi
bütövlüyü uğrunda gedən döyüşlərdə qəhrəmanlıqla həlak olmuş vətəndaşların
xatirəsini əbədiləşdirmək məqsədi ilə Bakı şəhərindəki Şəhidlər Xiyabanında
ucaldılmış abidə kompleksi
“Əbədi Məşəl” monumenti 1998-ci ildə Azərbaycan Respublikası Prezidenti Heydər
Əliyevin sərəncamına əsasən layihələndirilmiş və tikilmişdir.
8 guşəli ulduz üzərində dayanan qızılı rəngdə şüşə günbəzdən tac qoyulmuş
sərdabədən (türbədən) ibarətdir.
Sərdabənin divarlarını bəzəyən zərif şəbəkə monumental tikiliyə müəyyən
xəfifliyi, hava kimi şəfaflığı bağışlayır. Gecə səmasında parlayan qızılı rəngli
günbəz şəhər üzərində uçan Azərbaycanın müstəqilliyi uğurunda canını fəda etmiş
şəhidlərin ruhunu təcəssüm etdirir.
