Əhməd bəy Ağaoğlu ötən əsrin
əvvəllərindən etibarən Azərbaycanda
və onun hüdudlarından kənarda
cərəyan edən mürəkkəb ictimai-siyasi
proseslərdə fəal iştirak etmiş və
milli oyanış hərəkatının daim ön
sıralarında dayanan vətənpərvər
şəxsiyyət, eyni zamanda, müsəlman
Şərqində müasirləşmə siyasətinin
ardıcıl tərəfdarı kimi tanınmışdır.
Ümumxalq mənafeyinin qorunması
naminə çoxşaxəli, gərgin və
məhsuldar fəaliyyəti ərzində o,
parlaq bədii-publisistik və dolğun
elmi-nəzəri irs yaratmış,
Azərbaycanın ədəbi-mədəni və
sosial-fəlsəfi fikir xəzinəsinin
yeni ideya və konsepsiyalarla daha
da zənginləşməsində diqqətəlayiq
xidmətlər göstərmişdir. Əhməd bəy
Ağaoğlunun ictimai problemləri
mənəvi-əxlaqi aspektdə işıqlandıran,
cəmiyyəti tərəqqiyə doğru yönəlməyə
və qabaqcıl dünya mədəniyyətindən
bəhrələnməklə yeniləşməyə çağıran
geniş mövzu dairəsinə malik dərin
məzmunlu əsərləri Azərbaycan
maarifçiliyinə mühüm töhfədir.
İlham ƏLİYEV
Azərbaycan Respublikasının
Prezidenti
Onunla əməkdaşlıq etmiş bir adam
kimi deyə bilərəm ki, o zamankı (XX
əsrin əvvəllərindəki) qızğın illərdə
Ağaoğlu Əhməd qədər heç bir kəs
milli hərəkat və milli dava
cəbhəsinin atəş xəttində
bulunmamışdır.
M. Ə. Rəsulzadə,
ictimai xadim
Bu qafa ancaq bir türkdə ola bilər.
M. K. Atatürk,
siyasətçi və dövlət xadimi
O bütün türk dünyasının oğlu idi...
Bir millət, vətən həyatda var
olduqca Əhməd bəy Ağaoğlunun adı uca
tutulacaq, Türk-İslam dünyası onu
böyük ehtiramla, qədirbilənliklə yad
edəcək, yaradıcılığı yeni-yeni
incəliklərlə işıqlandırılacaq.
Xaləddin Sofiyev,
kulturologiya elmləri
namizədi
Əhməd bəy Ağaoğlunun Cümhuriyyət
dövründəki mücadiləsi də bu nöqtəyə
çevrildi. Bütün çalışmalarında
millətə dayanan dövlət görüşünü
fərdin haqq və hürriyyətlərini
qoruyan dövlət deyə mənimsəyir, hər
vəzifənin qarşılığında bir haqq
vardır, tezisini müdafiə edirdi. Bu
tezis Əhməd bəy Ağaoğlunun fikir və
siyasət həyatının son mərhələsidir.
Şəfa Nihal,
türk tədqiqatçı, alim
O, heysiyyətli və möhtəşəm bir
mütəffəkkirdir, mərd və cəsur
mübarizə adamı, pofessor və maarifçi,
usta qəzetçi-yazar, dürüst
siyasətçidir. Hürriyyət və
demokratiya aşiqi bir insan,
milliyyətçi və inqilabçı ziyalı,
inanılmış və vəfalı dost, yaxşı ailə
başçısı, şəfqətli atadır. Deyə
bilərik ki, o, insanlığın bütün
üstün cəhətlərini və məziyyətlərini
öz simasında toplamış böyük insan,
heykəlləşmiş şəxsiyyətdir.
Fəxrəddin Gülsevən,
türk tədqiqatçı, alim
Ağaoğlu türk və yazar olaraq yüz
illərlə içimizdə yanan milliyyət
şüurunu oyandırmaq üçün səsi
gəldikcə bağırdı. İnsan olaraq
Ağaoğlu təmizliyin və hürriyyətin
biri-birindən ayrılmadığı vicdanının
təlqinlərinə görə fəzilətli və hürr
insanlar ölkəsinin arxasınca
qanadlandı.
Peyami Səfa,
türk yazıçısı
O, insanlığın az rastlaşdığı
zənginliklərdən idi. Alimdi,
çalışqandı, mübarizdi, zəki idi,
faydalı idi. Lakin mən bunların heç
birinin üzərində durmuram.
Ağaoğlunun əsl qiymət verdiyim
tərəfi xarakterinin möhtəşəmliyi idi.
O, insan idi, bütöv insan idi.
Şükufə Nihal,
türk yazıçısı, tədqiqatçı
Ağaoğlular ailəsi isə arxalarında
böyük, zəngin bir irs buraxıb.
Bizlər isə hələ də bu irsdən yetəri
qədər məlumatlı deyilik.
Dilqəm Əhməd
jurnalist, yazar
