"Azərbaycan Milli Elmlər Akademiyasının keçdiyi şərəfli yol Azərbaycan xalqının tarixin də böyük səhifədir. Çox əsrlik tariximizdə böyük elmimiz olubdur. Ancaq Azərbaycan elmi heç vaxt bu qədər mütəşəkkil və bu qədər qüvvətli,
güclü, çoxsahəli olmayıb. Müstəqil Azərbaycanın Elmlər Akademiyası bütün elmi potensialı özündə cəmləyərək, xalqımızın yaradıcılıq sahəsində nəyə qadir olduğunu dünyaya göstəribdir".
Heydər Əliyev,
Azərbaycan xalqının Ümummilli lideri
"Azərbaycan Milli Elmlər Akademiyasında Azərbaycanın intellektual
elitası cəmlənib. Akademiyanın inkişafı Azərbaycanda elmin
inkişafına birbaşa təsir göstərir. Əgər inkişaf etmiş ölkələrin
təcrübəsinə nəzər salsaq görərik ki, həmin ölkələrin uğurlarının
təməlində ideya, fikir, innovasiya, elmi-texniki tərəqqi dayanır.
Biz də ölkəmizdə müxtəlif istiqamətlərdə islahatlar apararkən
müasirləşməyə üstünlük veririk. Müasir dövlətin qurulması elmin
inkişafı olmadan mümkün deyildir.
İlham Əliyev,
Azərbaycan Respublikasının prezidenti
Azərbaycan elminin akademik korpusunun qurulması, elmi məktəblərin
meydana çıxması, yeni elmi nəsillərin cəmiyyətin aparıcı qüvvələrinə
çevrilməsi Azərbaycan Elmlər Akademiyasının xalqımız və ölkəmiz
qarşısındakı mühüm xidmətləridir. Ölkəmizin sosial-iqtisadi
inkişafında, cəmiyyət həyatının müxtəlif sahələrinin yenidən
qurulmasında və inkişafında Azərbaycan Elmlər Akademiyasında
hazırlanmış elm tutumlu proqramların, irəli sürülmüş təşəbbüslərin
və ideyaların özünəməxsus yeri və rolu olmuşdur. Eyni zamanda,
Azərbaycan elminin xarici əlaqələrinin təşkili və ölkə elminin
görkəmli simalarının dünyada tanıdılması və mühüm elmi
nailiyyətlərimizin beynəlxalq səviyyədə təqdim olunması da
Azərbaycan Elmlər Akademiyasının xidmətləri sırasında mühüm yer
tutur.
İsa Həbibbəyli,
AMEA- nın prezidenti
Azərbaycan alimləri respublikanın elmi ictimaiyyətinin tarixində
həmişə hörmətlə xatırlanıb, Azərbaycan Elmlər Akademiyasının
təsisçilərinə, şübhəsiz uğurlu və əvəzolunmaz fəaliyyətlərinə görə
böyük qiymət verilib. Bu 80 illik şanlı yubiley Elmlər
Akademiyasının möhtəşəm parlaq üfüqüdür. Biz ziyalılar, onillər öncə
olduğu kimi, bu gün də adları hörmətlə çəkilən görkəmli zəka
sahibləri ilə birlikdə yaşamaq və çalışmaq imkanına görə taleyimizə
sonsuz minnətdarıq. Azərbaycan elminin təntənəsi onun yaranmasının
80 illik yubileyində milli mənəviyyatımızın beşiyi başında duran
alimlərin əziz xatirəsi önündə baş əymək və onların layiqli işlərini
bir daha yada salmaq mənəvi borcumuz və zamanın tələbidir.
Akif Əlizadə,
Akademik
AMEA xalqımızın intellektual potensialının formalaşmasında mühüm rol
oynamışdır.
Elçin Babayev,
BDU-nun rektoru
Respublikada elm siyasətini uğurla həyata keçirən Azərbaycan Milli
Elmlər Akademiyası xalqın milli və mənəvi dəyərlərinin qorunması,
milli inkişafdan davamlı inkişafa doğru uzun yol qət edərək, ömrünün
80 illik müdrik çağına yetişmişdir. Bu yollar her zaman hamar olmasa
da yolun sonu, bizi müstəqil və qalib Azərbaycan Respublikasının
Cənubi Qafqaz regionunda yaratdığı sülh ve əməkdaşlıq reallığına
çatdırmışdır.
Aqil Əhmədov
Tarix üzrə fəlsəfə doktoru, dosent
AMEA da aparılan islahatlar təkcə akademiyanın deyil, bütövlükdə
Azərbaycan elminin gələcək inkişafma yönəlmişdir. Təkcə bu gün əldə
olunan nailiyyətlərlə kifayətlənmək yox, eyni zamanda həm keçmişə,
həm də gələcəyə baxmaq, bütün dövrləri təhlil etmək lazımdır. Hər
kəsə məlumdur ki, AMEA-nın 80 illik yubileyi yaxınlaşır. Tarixi
nöqteyi-nəzərdən 80 rəqəmi o qədər də böyük deyil. Lakin mən hesab
edirəm ki, bu illər ərzində Azərbaycan elmində əhəmiyyətli
nailiyyətlər əldə olunmuşdur. Həmin nailiyyətlərin qazanılmasında
təkcə AMEA və onun elmi müəssisələrinin deyil, həm də respublikanın
bütün elmi tədqiqat qurumları, ali təhsil ocaqları və əlbəttə ki,
elmlə məşğul olan hər kəsin payı vardır.
Arif Həşimov,
Akademik
Azərbaycanın ən böyük elm məbədi sayılan AMEA-nın 80 illik yubileyi
mühüm elmi və mədəni hadisə kimi ölkəmizdə qeyd ediləcək. Əlbəttə
ki, “Azərbaycan Milli Ensiklopediyası” Elmi Mərkəzi AMEA-nın
nəzdində fəaliyyət göstərən bir qurum kimi bu möhtəşəm yubileyə
xüsusi diqqətlə yanaşacaq.Xatırladım ki, 2008-ci ildə çap olunmuş
ensiklopediyanın “Azərbaycan” adlı xüsusi cildində AMEA-nın yaranma
tarixi, inkişaf mərhələləri, elmi nailiyyətləri, həmçinin bu sahədə
fəaliyyət göstərən görkəmli alimlərin yaradıcılığı əks
etdirilmişdir. Həmin nəşrdə “Elm. Texnika. Təhsil” bölməsi
çərçivəsində “Təbiət və texnika elmləri” və “Humanitar elmlər və
biliklər” mövzuları altında təqdim edilən məqalələrdə ölkəmizdə
elmin müxtəlif sahələrinin formalaşması və inkişafı geniş şəkildə
işıqlandırılmışdır. Həmçinin AMEA-nın strukturunda yer alan
elmi-tədqiqat institutlarının fəaliyyəti və onların töhfələri
haqqında dolğun məlumatlar verilmişdir. Düşünürəm ki, həmin
materiallardan istifadə etməklə, eyni zamanda, yubileyin
əhəmiyyətini əks etdirən önəmli məlumatlar daxil olunmaqla xüsusi
yubiley buraxılışını hazırlayacağıq. Güman edirəm ki, bu nəşr, həm
AMEA-nın tarixi nailiyyətlərini, həm də onun Azərbaycan elminə və
cəmiyyətinə verdiyi töhfələri əks etdirərək yubileyin əhəmiyyətini
daha da artıra bilər.
Tofiq Nağıyev,
Akademik
<< Geri
|
