2022-ci il iyunun 6-da Türkiyənin paytaxtı Ankara şəhərində poeziya dünyamızın nadir simalarından biri, vətənpərvər şair və ictimai xadim, Dövlət Himnimizin sözlərinin müəllifi Əhməd Cavadın adına küçənin açılışı olub. Küçəyə Əhməd Cavadın adının verilməsi istedadlı şairimizin anadan olmasının 130 illiyi ilə bağlı Türkiyədə keçirilən tədbirlər çərçivəsində xalqımızın böyük oğlunun adının əbədiləşdirilməsi məqsədilə həyata keçirilib.