2015-ci il dekabr ayının 10-da Ankarada Bəxtiyar Vahabzadənin adının daşıyan orta məktəbdə görkəmli şairin anadan olmasının 90 illiyi münasibətilə tədbir keçirilmişdir. Tədbirdə TÜRKSOY-un Azərbaycan təmsilçisi Elçin Qafarlı, Azərbaycanda Atatürk Mərkəzinin müdiri, millət vəkili, prof. Nizami Cəfərov, Azərbaycan Milli Kitabxanasının direktoru prof. Kərim Tahirov, direktor müavini Əməkdar mədəniyyət işçisi Ədibə İsmayılova da iştirak edirdi.Tədbiri məktəbin direktoru açaraq tədbir iştirakçılarını salamladı. Sonra Bəxtiyar Vahabzadənin həyatından bəhs edən film nümayiş olundu. Məktəbin şagirdləri şairin şeirlərini söylədilər. B.Vahabzadənin sözlərinə bəstələnmiş mahnılar Xalq artisti Mələkxanım Əyyubovanın ifasında canlı səsləndirildi.Sonda Azərbaycan Milli Kitabxanası tərəfindən məktəbin kitabxanasına və şagirdlərə kitablar hədiyyə edildi.