|
1997-ci il avqust ayının 20-də Azərbaycan Respublikası Prezidenti Heydər
Əliyev, Azərbaycan musiqi mədəniyyətinin görkəmli xadimi, professional
vokal sənətimizin banisi Bülbülün anadan olmasının 100 illiyi və Bülbül
adına I Beynəlxalq Vokalçılar Müsabiqəsinin keçirilməsi haqqında
Sərəncam imzaladı:
http://anl.az/el/emb/Bulbul/pdf/serencam-1997.pdf
1997-ci ildə keçirilən Vokalçıların Bülbül adına I Beynəlxalq Müsabiqəsi
Azərbaycan vokal sənətinin tarixində yeni bir səhifə açdı.
Birinci müsabiqə Azərbaycan vokal sənətinin banisi Bülbülün anadan
olmasının 100 illiyinə həsr edilmişdi. Bizim ölkəmizin vokal sənətinin
inkişaf tarixində Bülbül şəxsiyyəti, demək olar ki, yeni bir dövrdür.
Bülbül nadir istedadı ilə Azərbaycan xalqının əbədi sevgisini qazanıb.
Beynəlxalq müsabiqənin bu görkəmli müğənninin adı daşıması, həmin
müsabiqənin həm bizim, həm də qonaqlarımızın nəzərində nüfuzunu bir daha
yüksəldir. Həmin sənət yarışının ilk dəfə keçirilməsinə baxmayaraq, bir
sıra ölkələrdən 60-a yaxın iştirakçı toplaşmışdır.
Münsiflər heyətinin tərkibinə vokal sənətinin görkəmli mütəxəssisləri
təyin edilmişdi. Onlara Beynəlxalq Musiqi Xadimləri İttifaqının Sədri
SSRİ-in Xalq artisti, professor və akademik İrina Konstantinovna
Arxipova Sədrlik eləyirdi. Daha sonra o zamankı münsiflər heyətinin
tərkibini bir də yada salaq: Beynəlxalq Musiqi Xadimləri İttifaqının
vitse-Prezidenti, Moldovanın Musiqi Xadimləri İttifaqının Sədri, SSRİ-in
Xalq artisti, professor, Mariya Biyeşu; Gürcüstanın Xalq artisti,
professor, Nodar Andquladze; SSRİ-in Xalq artisti, Ü. Hacıbəyov adına
Bakı Musiqi Akademiyasının rektoru, Azərbaycanın Misuqi Xadimləri
İttifaqının Sədri, professor Fərhad Bədəlbəyli; SSRİ-in Xalq artisti,
professor Fidan Qasımova; Azərbaycan Respublikasının Xalq artisti, Ü.
Hacıbəyov adına Bakı Musiqi Akademiyasının vokal kafedrasının müdiri,
professor Xuraman Qasımova; SSRİ-in Xalq artisti, professor Firəngiz
Əhmədova; Moldova Xalq artisti, Kişineu Milli operasının baş dirijoru və
bədii rəhbəri Aleksandr Samoile; SSRİ-in Xal q artisti, professor Yelena
Miroşniçenko; Nyu-York "Metropoliten-opera"sının bədii şurasının üzvü,
ABŞ Musiqili-ifaçılığı Cəmiyyətinin Prezidenti Nedda Kassey.
Bəli, belə bir müsabiqənin münsiflər heyətinin tərkibi də mütləq elə
yüksək səviyyəli olmalı idi. Lakin, bu cür münsiflərin qarşısında çıxış
etmək heç də asan məsələ deyildi.
Eyni zamanda demək istərdim ki, müsabiqə iştirakçılarının da səviyyəsi
kifayət qədər yüksək idi. Bütün III turu keçmək, və hətta Laureat adını
almaq o demək idi ki, vokalçı çox yüksək peşəkarlıq göstərib və sənət
ustalığı məktəbi imtahanından alnıaçıq çıxıb.
Müsabiqənin keçirildiyi günlər (19.XI–1.XII) əsil incəsənət, gənclik və
dostluq bayramı adlandırıla bilərdi.
Bizim üçün xüsusi xoşa gələn hadisə o oldu ki, azərbaycanlı
iştirakçıları bir sıra əhəmiyyətli uğurlara çatdılar: Əli Əsgərov
Qran-Pri mükafatını aldı; Həsən Enami, Qərinə Kərimova, Adil Axundov –
Laureat oldular. Hətta kənc müğənnimiz Fəridə Məmmədova "Ümüd"
mükafatını qazandı. Bütün bunlar Azərbaycan vokal məktəbinin parlaq
qələbəsi idi.
Vokalçıların Bülbül adına I Beynəlxalq Müsabiqəsi tarixin nailiyyətinə
çevrildi, lakin o xülasələr ki müsabiqədən çıxarılan nəticələr gələcəyə
yönəldilməli idi.
Məhz I müsabiqənin ortaya suallar qoyduğunu fikirləşmək düzgün olmazdı:
doğrusu, bu sənət bayramı həmin sualları daha kəskin qabardaraq onlara
verilməsi cavabları, həllini gözləyən məsələləri bir daha kündəmə
gətirdi. Hərçənd ki, müsabiqələrin başlıca məqsədlərindən biri də budur.
Hətta, gələcək üçün işıqlı perspektivlərin təyini təqdirəlayiqdir:
müsabiqəni 3 ildə bir keçirmək qərarı ümüd verirdi ki, ölkəmizin vokal
sənəti dinamik şəkildə irəliləyəcək və müsabiqənin beynəlxalq yayımı
getdikcə genişlənəcəkdir.
VOKALÇILARIN BÜLBÜL ADINA BEYNƏLXALQ MÜSABİQƏLƏRİ:
1. Vokalçıların Bülbül adına I Beynəlxalq müsabiqəsi - 19 noyabr – 1
dekabr 1997-ci il (Azərbaycan.-1997.- 21 noyabr)
2. Vokalçıların Bülbül adına II Beynəlxalq müsabiqəsi - 18 setyabr
200-ci il (Azərbaycan.-2000.- 19 sentyabr)
3. Vokalçıların Bülbül adına III Beynəlxalq müsabiqəsi - 28 noyabr - 8
dekabr 2005-ci il
4. Vokalçıların Bülbül adına IV Beynəlxalq müsabiqəsi - 26 Noyabr 2007-ci il
5. Vokalçıların Bülbül adına V Beynəlxalq müsabiqəsi - 16-21 Noyabr
2010-cu il (Mədəniyyət.-2010.-19 noyabr)
6. Vokalçıların Bülbül adına VI Beynəlxalq müsabiqəsi - 29 Noyabrın
- 4 dekabr 2012-ci il (Mədəniyyət.-2012.-31 oktyabr)
7. Vokalçıların Bülbül adına VII Beynəlxalq Müsabiqəsi -
Azərbaycan Respublikasının paytaxtı Bakı şəhərində iyunun 4-dən 8-dək
2018-ci il tarixlərində keçiriləcək:
http://www.byulbyul.az/az/
Qeyd edək ki, müsabiqə barədə ətraflı məlumatı
www.byulbyul.az saytından əldə etmək mümkündür.
|
