"Siz öz fəaliyyətinizlə İran İslam
Respublikası arasında əməkdaşlığın genişlənməsinə çalışırsınız.
Müəyyən tarixi dövr istisna edilməklə ölkələrimiz həmişə bir yerdə
olmuşdur. Əminəm ki, keçmişdə yol verilən səhvlər tezliklə aradan
qaldırılacaq, iki qonşu dövlət arasında mehriban dostluq və
qarşılıqlı əməkdaşlıq davam edəcəkdir".
***
"Mən Doktor Cavad Heyəti
xeyli müddətdir ki, tanıyıram, onun yazdıqlarını oxumuşam, özüylə də
görüşmüşəm. Doktor Cavad nə vaxt Bakıya gəlsə, onu mənim yanıma
gətirin ki, onunla yaxından tanış olum, öz təşəkkürümü ona üzbəüz
bildirim".
***
"Doktor Cavad bəy bizim
dostumuzdur. Yüksək dərəcəli məşhur cərrah olmaqla yanaşı,
mədəniyyət alimidir və özü də azərbaycanlıdır, bizə də çox bağlı
insandır".
Heydər Əliyev,
Azərbaycan Respublikasının
ümummilli lideri
"Doktor Cavad Heyət təbabətə dair qiymətli
araşdırmaların müəllifi kimi tanınırdı. Onun kitabları tibb
sahəsində yazılmış dəyərli vəsait kimi mütəxəssislər tərəfindən daim
yüksək qiymətləndirilmişdir. Bir sıra beynəlxalq elmi forumlar və
toplantılarda öz təcrübəsinə əsaslanaraq dərin məzmunlu məruzələrlə
çıxış etmiş alimin 100-dən artıq məqaləsi müxtəlif tibb
jurnallarında işıq üzü görmüşdür. Cavad Heyət uzun müddət
cərrahlığın tədrisi və cərrahların yeni nəslinin formalaşdırılması
ilə məşğul olmuşdur.
Cavad Heyət eyni zamanda, Azərbaycanın elmi və mədəni nailiyyətlərinin
geniş tanıdılması, eləcə də ədəbi əlaqələrin möhkəmləndirilməsi
işinə layiqli töhfələr vermişdir.Görkəmli cərrah, tanınmış
ədəbiyyatşünas və səmimi insan Cavad Heyətin işıqlı xatirəsi onu
tanıyanların qəlbində həmişə yaşayacaqdır".
İlham
Əliyev,
Azərbaycan Respublikasının prezidenti
Cavad Heyət həkimlikdən qazandığı sərvətini millətinin
mənəvi yüksəlişinə sərf edən mənəviyyat fədaisidir. O, həkim kimi
adamların vücudunu, naşir, ədəbiyyatçı və tarixçi alim kimi isə
vətəndaşların mənəviyyatını müalicə edir. Mən mənsub olduğum xalqa
bundan böyük xidmət tanımır, güneyli fikir və əqidə qardaşımın o
şəraitdə elədiklərinin böyüklüyü qarşısında səcdə edirəm.
Bəxtiyar Vahabzadə,
Xalq şairi
Bəli, doktor Cavad Heyət milli mədəniyyətimizlə
ədəbiyyatımızla, milli mənəviyyatımızla bağlı fəaliyyət göstərir,
amma onun şəxsiyyətinin, istedadının, zəlımətkeşliyinin miqyası yalnız hu şərəfli fəaliyyətlə tükənmir, o.
bir mütəxəssis, bir həkim kimi, ümumiyyətlə, insanlığa xidmət edir.
Elçin,
Xalq yazıçısı
Cavad Heyət öz vətəndaşlıq fəaliyyətini xalqına fiziki
xidmətdən, ona cismən yardım göstərməkdən başladı - həkim oldu,
cərrah, ürək həkimi. Bütün mənəvi bəlalara ürək dözməlidir. O.
həmvətənlərinə sağlam ürək vermək istədi və çox bacı-qardaşlarının
ürəyini yaralardan xilas etdi. Soma mənəvi dərdlərin, psixoloji
ağrıların müalicəsinə girişdi: Xalqının mənəvi ağrılarını daşıyan
ədəbiyyatı təhlil etdi, onu yaşadan, varlığını təsdiqləyən,
qədimliyini car çəkən ana dilini təqdim etməyi və öyrətməyi amal
götürdü.
Tofiq Hacıyev,
Filologiya elmləri doktoru, professor
O, alim olmaqla yanaşı, millətinin,
dövlətinin və ölkəsinin qayğısını çəkən, taleyini xalqının taleyi
ilə uzlaşdıran, dilini, tarixini, mədəniyyətini qəlbən sevən, milli
mənafeyi hər zaman uca tutan vətənpərvər Azərbaycan ziayalısı kimi
də həmvətənlərinin, soydaşlarının qəlbində özünə əbədi heykəl
ucaltmış bir İNSANdır".
Misir Mərdanov,
Fizika- riyaziyyat elmləri
doktoru, professor
Böyük azərbaycanlı Cavad Heyət uzun və
sağlam bir ömür yaşadı. “Sağlam” sözünün həm “səhhət” mənasında, həm
də qismətinə yazılmış ömür payı boyunca görülmüş işlərin faydalılığı,
dürüstlüyü, insanlıq, millət, Vətən üçün gərəkliliyi anlamında. O xatirələri ki ömrünün axırıncı bir neçə ilində doktor Cavad Heyət
yazıya köçürüb, əlbəttə, onun deyə, yaza, bizə çatdıra
biləcəklərinin cüzi bir hissəsidir. Bütünlüyü və bütövlüyü ilə
yaddaşında qalan ömür anlarının hamısını yazılaşdıra bilsəydi, həmin
xatirələr sıra-sıra cildlərə sığmazdı.
Rafael Hüseynov,
Akademik
Elm və mədəniyyət sahələrində iri miqyaslı xidmətləri
ilə məşhur olan Cavad Heyət həm də görkəmli ictimai xadim kimi
tanınır. O, İranın, Türkiyənin və Azərbaycanın dövlət və hökumət
rəhbərləri tərəfindən qəbul olunmuş, ölkələrarası elmi-mədəni
əlaqələrin inkişafı ilə bağlı məsləhətləşmələrdə yaxından iştirak
etmişdir. Qarabağ məsələsi ilə bağlı Azərbaycanın haqq səsinin dünya
ictimaiyyətinə çatdırılmasında hər cür fədakarlıq göstərir.
Məhərrəm Qasımlı,
Ədəbiyyatşünas
Cavad Heyət ömrün,
taleyin seçdiklərindəndir, Tanrının seçilmiş bəndələrindəndir. Belə
olmasaydı, o, bir neçə sahədə paralel olaraq böyük uğurlar qazanmaz,
şöhrət tapmazdı.
Cavad Heyət elə bir ömür yaşayıb ki, o ömrün salnaməsini yaratmaq
həm asandır, həm çətindir, həm də çox məsuliyyətlidir. Bu ömür elə
bir ömürdür ki, onda alim və ədib qələmi birləşib, yüksək mənəvi
amallar uğrunda mübarizə aparıb. Bu ömür insanların, xalqların
birliyinə xidmətdə keçib. Bu ömür yalnız bir xalqa, bir millətə
məxsus olmayıb, bəşəriyyətə xasdır. Bu ömür öz dahi sələflərinin
ənənəsini ləyaqətlə davam etdirməyə sərf olunub.
Nizami Xudıyev,
Filologiya elmləri doktoru, professor
Canında, qanında
daşıdığı azadlıq, milli düşüncə bütün şüurlu həyatını əhatə edirdi
Cavad Heyətin. İstanbul və Paris universitetlərində tibb təhsili
almışdı, ölkəsinin və dünyanın tanınmış cərrahlarından biri idi,
İranda ilk dəfə ürək əməliyyatını (koronar şuntlama) aparmışdı, amma
bütün bunlardan əlavə millətinin folklorunu, ədəbiyyatını,
mədəniyyətini təmsil edirdi.
Sabir Rüstəmxanlı,
Xalq şairi
Doktor Cavad Heyətin milli vətəndaşlıq fəaliyyətində, fərdi
«məna» şəxsiyyətində yalnız xalqın, millətin yaxın və uzaq
keçmişinin adət-ənənəsi yaşamır, həm də soyadını, imzasını daşıdığı
nəslin, şəcərənin nəcib mənəvi ənənəsi yaşayır. «Heyət» soyadı hər
iki tayın son bir əsrlik səlnaməsində həm də «vəhdət» rəmzini və
əlamətini ifadə eləmişdir.
Yaşar Qarayev,
Filologiya elmləri doktoru, professor
Cavad Heyət dahidir. O, İbn Sina, Xəyyam, Birimi, Mikclancclo,
Corc Küvyc kimi hərtərəfli biliyi ilə insan zəkasını heyran edən bir
dahidir. Dahilər haqqında yazmaq çox çətin olduğu üçün Cavad Heyət
haqqında da kim nə yazırsa yazsın, onun insanlığının bütün
məziyyətlərini və elmi yaradıcılığımın bütün şaxələrini əhatə edə
bilməyəcək.
Vaqif
Aslanov,
Filologiya elmləri doktoru, professor
<< Geri
|
