Azərbaycan Cümhuriyyətinin digər rəmzlərinin, o cümlədən dövlət möhürünün, orden və medallarının hazırlanmasınada xüsusi fikir verilmişdir.  1920 il yanvarın 30-da Azərbaycan Xalq Cümhuriyyətinin dövlət  rəmzləri üzrə daha əhatəli müsabiqə keçirmək qərara alındı.

Orden və medalların hazırlanmasında ilk peşəkar heykəltəraş Zeynal Əlizadənin layihəsinə əsasən buraxılmış döş və xatirə medallarında Parlament binası, bayraqlar, aypara, səkkizguşəli ulduz, günəşin doğması, gül çələngləri həkk olunmuşdu. Ən yaxşı layihə Hökumət mükafatı üçün nəzərdə tutulmuşdu. Lakin 1920 il aprelin 27-də Azərbaycanın Sovet Rusiyası tərəfindən işğal olunması nəticəsində milli dövlətçiliyin süqutu bu tədbirlərin başa çatdırılmasına imkan vermədi.