AZƏRBAYCAN XALQ CÜMHURİYYƏTİ 100

E L E K T R O N M Ə L U M A T B A Z A S I

1917-ci il

27 fevral	Rusiyada Federal burjua-demokratik inqilabı baş vermişdir.
3 mart	Bakı şəhəri İctimai təşkilatları İcraiyyə komitəsi təşkil edilmişdir.
6 mart	Əsgər, fəhlə və zabit deputatları Soveti təşkil edilmişdir.
9 mart	Müvəqqəti hökumət tərəfindən Qafqaz canişinliyi ləğv edilib və Xüsusi Zaqafqaziya Komitəsi təşkil edilmişdir.
27 mart	Müsəlman İctimai Təşkilatları Şurası və onun müvəqqəti komitəsi təşkil edilmişdir.
15-20 aprel	Bakıda Qafqaz müsəlmanlarının qurultayı keçirilmişdir.
11-17 may	Moskvada I Ümumrusiya müsəlman qurultayı keçirilmişdir.
İyun	“Müsavat” partiyası və “Türk-Ədəmi Mərkəziyyət” partiyası “Türk-Ədəmi Mərkəziyyət Müsavat” adı altında birləşmişdir.
Sentyabr	“İntihad- Rusiyada müsəlmanlıq” partiyası təşkil edilmişdir.
22 oktyabr	Bakı fəhlə və hərbi deputatları Sovetinə seçkilər keçirilmişdir.
25-29 oktyabr	“Müsavat” partiyasının I qurultayı keçirilmişdir.
25 oktyabr	Petroqradda bolşevik çevrilişi baş vermişdir.
27 oktyabr	Bakı fəhlə və hərbi deputatları Sovetinin iclası keçirilmişdir.
31 oktyabr	Bakı fəhlə və hərbi deputatları Soveti yeganə inqilabi və qanunverici orqan elan edilmişdir.
2 noyabr	Bolşeviklər tərəfindən Bakı Soveti İcraiyyə Komitəsi rəhbərliyi ələ keçirilmişdir.
15 noyabr	Zaqafqaziya Komissarlığı təşkil edilmişdir.
22 noyabr	Bakı şəhəri ictimai təşkilatları İcraiyyə Komitəsi ləğv edilmişdir.
26 noyabr	Azərbaycanda və bütün Cənubi Qafqazda Müəssisələr məclisinə seçkilər keçirilmişdir.
5 dekabr	Osmanlı ordusu Qafqaz cəbhəsi komandanlığı və Zaqafqaziya Komissarlığı arasında Ərzincan barışığının imzalanması
12-13 dekabr	Bakı fəhlə və hərbi deputatları Sovetinə seçkilər keçirilmişdir.
18 dekabr	V. İ. Lenin tərəfindən S. Şaumyan Qafqazın Fövqəladə komissarı təyin edilmişdir.
1918-ci il
7-9 yanvar	Rusiya Ordusunun əsgərləri və Cənubi Qafqaz hərbi hissələri arasında Şamxor və Dəllər stansiyalarında toqquşma baş vermişdir.
23fevral	Zaqafqaziya Seyminin açılmışdır, Gegeçkorinin başçılığı ilə Zaqafqaziya hökuməti təşkil edilmişdir.
7 mart	Zaqafqaziya Seymi tərəfindən aqrar qanunun qəbul edilmişdir.
14-20mart	Zaqafqaziya Seymiilə Türkiyə arasında Trabzon konfransı keçirilmişdir.
Mart-aprel may	Bolşevik-daşnak qüvvələri tərəfindən Azərbaycanlıların Soyqırımı olmuşdur.
13 aprel	Zaqafqaziya seymi tərəfindən Türkiyəyə müharibə elan olunmuşdur.
20 aprel	Knyaz Maqalovun komandanlığı altında Cənubi Qafqaz qoşunları Kürdəmirə geri çəkilmişdir.
22aprel	Zaqafqaziya Seymi tərəfindən Zaqafqaziyanın müstəqilliyi elan edilmişdir.
25aprel	Bakı Soveti Xalq Komissarları Şurası təşkil edilmişdir
26 aprel	Zaqafqaziya Seymi tərəfindən Çxengelinin başçılığı ilə yeni Zaqafqaziya hökuməti təsdiq edilmişdir
30 aprel	Bakı şəhər Duması İnqilabi Müdafiə Komitəsi tərəfindən ləğv edilmişdir.
1 may	Quba Bakı Soveti Qoşunları tərəfindən tutulmuşdur.
11 may -4 iyun	Batum Sülh Konfransı keçirilmişdir.
26 may	Zaqafqaziya Seyminin son iclası keçirilmişdir.
27 may	Azərbaycan Milli Şurasının təşkil edilmişdir.
27 may	Azərbaycanın Müstəqillik aktının qəbul edilmişdir.
28 may	Azərbaycan Xalq Cümhuriyyətinin elan edilmişdir.
28 may	Azərbaycanın istiqlaliyyəti haqqında Aktı (Əqdnamə) qəbul edilmişdir.
28 may- 17 iyun	F. Xoyskinin başçılığı altında I Hökumət Kabineti fəaliyyət göstərmişdir.
4 iyun	Azərbaycan və Osmanlı hökumətləri arasında Sülh və Dostluq müqaviləsinin imzalanmışdır.
5 iyun	Türk ordusu Yelizavetpola daxil olmuşdur.
16 iyun	Azərbaycan Cümhuriyyəti Milli Şurası və hökuməti Tiflisdən Gəncəyə köçmüşdür.
17 iyun	Milli Şura buraxılmışdır.
8 iyun-7 dekabr	F. Xoyskinin başçılığı altında II Hökumət Kabineti fəaliyyət göstərmişdir.
23 iyun	Azərbaycanda hərbi vəziyyətin elan edilmişdir.
26 iyun	Müsəlman korpusunun Azərbaycan korpusuna çevrilməsi haqqında Azərbaycan hökuməti qərar qəbul etmişdir.
	Azərbaycan Milli Ordusu yaradılmışdır.
	Zaqatala Quberniyası yaradılmışdır.
27 iyun	Qafqaz İslam Ordusu Göyçay yaxınlığında Bakı Sovet qoşunları üzərində qələbə çalmışdır.
27 iyun	Azərbaycan (türk) dili Azərbaycan Cümhuriyyətinin Dövlət Dili elan edilmişdir.
30 iyun	Yelizavetpol şəhərinə yenidən Gəncə adı verilmişdir.
10 iyul	Qafqaz İslam Ordusu tərəfindən Kürdəmir və Şamaxı azad etmişdir.
11 iyul	Azərbaycan hökuməti ümumi səfərbərlik haqqında qərar qəbul etmişdir.
25 iyul	Bakı Soveti tərəfindən ingilislərin Bakıya dəvət edilməsi haqqında qərar qəbul edilmişdir.
31 iyul	Bakı Xalq Komissarları Şurası süqut etmişdir.
1 avqust	Sentrokaspi Diktaturası və Fəhlə Əsgər Deputatları Sovetinin Müvəqqəti İcraiyyə Komitəsinin birgə hökuməti təşkil edilmişdir.
4 avqust	İlk ingilis qoşun dəstəsi Bakıya gəlmişdir.
28 avqust	Azərbaycan dilinin tədris edilməsi haqqında Nazirlər Şurası qərar qəbul etmişdir.
4 sentyabr	İngilis qoşunları Bakını tərk etmişlər.
9 sentyabr	Azərbaycan Respublikasının üç rəngli Dövlət bayrağı haqqında qanun qəbul edilmişdir
15 sentyabr	Qafqaz İslam Ordusu tərəfindən Bakı şəhəri azad edilmişdir
17 sentyabr	Azərbaycan hökuməti Bakıda fəaliyyətə başlamışdir.
5 oktyabr	Azərbaycan hökuməti neft sənayesinin dövlətsizləşdirilməsi haqqında qərar qəbul etmişdir.
18 oktyabr	Bakı şəhərində “Türk Ocağı” Cəmiyyəti yaranmışdır.
30 oktyabr	Türkiyə və Antanta ölkələri arasında Mudros müqaviləsi imzalanmışdır.
7 noyabr	Azərbaycanın Hərbi Nazirliyi təsis edilmişdir.
9 noyabr	Azərbaycan Cümhuriyyəti Dövlət Bayrağı haqqında qanun qəbul edilmişdir.
16 noyabr	Azərbaycan Milli Şurası bərpa edilmişdir.
Noyabr	Qori Müəllimlər Seminariyasının Azərbaycan bölməsi Qazağa köçürülmüşdür
17 noyabr	General Tomsonun başçılıq etdiyi ingilis qoşunları Mudros müqaviləsinə əsasən Azərbaycana daxil olmuşlar.
19 noyabr	Azərbaycan Cümhuriyyəti Parlamenti haqqında qanun qəbul edilmişdir.
29 noyabr	Xəzər Donanması ticarət gəmilərinin ingilis komandanlığının ixtiyarına keçmişdir.
29 noyabr	“İngilis dəniz nəqliyyatı” yaranmışdır.
7 dekabr	Azərbaycan Cümhuriyyəti Parlamentinin açılışı olmuşdur.
12 dekabr	Bakı-Batum neft kəmərinin neft kəməri kimi fəaliyyətə başlamışdır.
15 dekabr	Bakı fəhlə Konfransı təşkilatı bərpa olunmuşdur.
24-26 dekabr	Bakı Fəhlə Konfransının başçılığı ilə ümumi təlim keçirilmişdir.
26 dekabr	F. Xoyskinin başçılığı ilə III Hökumət Kabineti təşkil edilmişdir.
26 dekabr	Gürcüstan və Azərbaycan arasında tranzit müqaviləsi bağlanmışdır.
28 dekabr	Azərbaycan Cümhuriyyəti hökumətinin tanınması haqqında Bakı general-qubernatoru Tomson deklarasiya vermişdir.
1919-ci il
15 yanvar	Qarabağ general-qubernatorluğu yaradılmışdır.
15 yanvar	Azərbaycan Cümhuriyyəti Silahlı Qüvvələri Baş Qərargahı təşkil edilmişdir.
4 fevral	Parlamentin Aqrar Komissiyası təşkil edilmişdir.
25 fevral	F. Xoyskinin III Hökumət Kabineti istefa vermişdir.
19 mart	Fəhlə məsələsi üzrə xüsusi müşavirə parlament tərəfindən təsdiq edilmişdir.
5 aprel	Hərbi Nazirlik Bakıya köçürülmuşdür.
14 aprel	Azərbaycan Cümhuriyyəti Parlamentinin N. Yusifbəyli başda olmaqla IV Hökumət Kabineti təsdiq etmişdir.
24 aprel	Cənubi Qafqazda müttəfiq qanunlarının baş azad edilib yerinə general Şatervort təyin edilmişdir.
6-13 may	Bakı Fəhlə konfransının ümumi təlimi keçirilmişdir.
28 may	Azərbaycan nümayəndə heyəti Paris Sülh Konfransında ABŞ prezidenti Vilsonla görüşmüşdür.
29 may	Cənubi Qafqaz Respublikalarının Tiflis kohfransı keçirilmişdir.
31 may	Arbitraj orqanının yaradılması haqqında qərar qəbul etmişdir.
11 iyun	Hökumət Dövlət Müdafiə Komitəsinin təşkili haqqında qərar qəbul etmişdir.
11 iyun	Dövlət Müdafiə Komitəsi tərəfindən Azərbaycan Cümhuriyyəti ərazisində hərbi vəziyyət elan edilmişdir.
13 iyun	Paris Sülh Konfransında Kolçakın Rusiya ərazisində ali hakimiyyətinin tanınması haqqında sənədin qəbul edilməsinə Azərbaycan, Gürcüstan, Şimali Qafqaz, Belarusiya, Ukrayna, Estoniya və Latviya nümayəndələri etiraz etmişlər;
13 iyun	İngilislərə qarşı Bakıda nümayişlər keçirilmişdir.
14 iyun	Dövlət Müdafiə Komitəsi tərəfindən Azərbaycan ərazisində hərbi vəziyyət elan edilmişdir.
16 iyun	Azərbaycan-Gürcüstan arasında hərbi müdafiə aktı imzalanmışdır.
27 iyun	Ərazi bütövlüyünü birgə qorumaq haqqında Azərbaycan-Gürcüstan müqaviləsini Parlament təsdiq etmişdir.
6 avqust	General Tomson Xəzər Hərbi Donanmasını Denikinin könüllülər ordusuna vermək barədə sərəncam imzalamışdır.
11 avqust	Cümhuriyyət Parlamenti Azərbaycan vətəndaşlığı haqqında qanun qəbul etmişdir.
24 avqust	İngilislər Bakını tərk etmişlər.
28 avqust	Azərbaycan Dövlət Bankının yaradılması haqqında qanun qəbul edilmişdir.
1 sentyabr	Bakı Dövlət Universitetinin açılması haqqında qanun qəbul edilmişdir.
13 sentyabr	Baş nazir N. Yusifbəyli IV Hökumətin Sədri vəzifəsindən istefa vermişdir.
25 sentyabr	Qazax qəzası kəndlilərinin I qurultayı açılmışdır.
25 oktyabr	Azərbaycan Dövlət Bankının açılışı olmuşdur.
23 noyabr	Tiflisdə Azərbaycan və Ermənistan tərəfləri arasında baş verən bütün münaqişələrə son qoyulması və sərhəd məsələsinin sülh yolu ilə həll edilməsini nəzərdə tutan müqavil imzalanmışdır.
2-11 dekabr	Türk Ədəmi-Mərkəziyyət Müsavat partiyasının II qurultayı keçirilmişdir.
22 dekabr	Parlamentin N. Yusifbəylinin başçılığı ilə V Hökumət Kabineti tərkibi təsdiq etmişdir.
1920-ci il
2 yanvar	Sovet Rusiyasının Denikinə qarşı birgə mübarizə aparmaq təklifi haqqında Azərbaycan Cümhuriyyətinə birinci dəfə Nota vermişdir.
11yanvar	Azərbaycanın müstəqilliyini Paris Sülh Konfransında Antanta Ali Şurası de-fakto tanımışdır.
14 yanvar	F. Xoyski Rusiyanın Denikinlə mübarizəsinin onun daxili işi olması haqqında Çiçerinə cavab Notası vermişdir.
Yanvar	Paris Sülh Konfransı Azərbaycan Cümhuriyyətinə kömək göstərilməsi haqqında qərar qəbul etmişdir.
23 yanvar	Q. Çiçerin Azərbaycan hökumətinə Denikinə qarşı mübarizə etməkdən imtinası ilə əlaqədar ikinci Nota vermişdir.
1 fevral	F. Xoyski Çiçerinə RSFSR ilə Azərbaycan Respublikası arasında danışıqların başlanması üçün bir-birlərinin müstəqilliyini və süverenliyini qeyd-şərtsiz tanıması haqqında II cavab Notası vermişdir.
11-12 fevral	Azərbaycan Kommunist Partiyasının I təsis qurultayı keçirilmişdir.
18 fevral	M. H. Hacınski Daxili İşlər naziri vəzifəsindən istefa vermişdir.
20 mart	Azərbaycan-İran arasında müqavilə bağlanmışdır. Bu müqaviləyə əsasən Azərbaycanın İran tərəfindən de-yure tanınmışdır.
23 mart	Əkin və Ziraət naziri Ə. C. Pepinov vəzifəsindən istefa vermişdir.
23 mart	Azərbaycan və Gürcüstan arasında ticarət müqaviləsinin imzalanması
9 aprel	Poçt və Teleqraf naziri socialist C. Hacınski vəzifəsindən istefa vermişdir.
15 aprel	A. Qardaşov “Əhrar” partiyasının hökumət koalisiyasından çıxması haqqında bəyannamə vermişdir.
15 aprel	F. Xoyski Q. Çiçerinə Rusiya qoşun hissələrinin Azərbaycan sərhədlərində cəmləşməsi ilə bağlı Azərbaycan dövlətinin narahatlığını ifadə edən Nota göndərmişdir.
27 aprel	XI Qızıl Ordu Azərbaycan Xalq Cumhuriyyəti ərazisinə daxil olmuşdur.
28 aprel	Şimali Azərbaycan rus-bolşevik qoşunları tərəfindən işğal edilmişdir.
28 aprel	Azərbaycan Cümhuriyyəti Parlamenti Azərbaycan İnqilab Komitəsinin hakimiyyəti ona təhvil verməsi haqqında ultimatumunu qəbul etmişdir.
1922-ci il
	Məhəmməd Əmin Rəsulzadə Gülməmməd Bağırovla AXC-nin bayrağını hazırlamışdır. Hal-hazırda bayraq Azərbaycan Tarix Muzeyində saxlanılır.
1943-cü il
6 noyabr	Berlində Əbdürrəhman bəy Fətəlibəylinin başçılığı ilə keçirilən Milli Azərbaycan Qurultayında Azərbaycanın bayrağı qaldırılmış və Azərbaycanın müstəqilliyinin bərpa edilməsi qərara alınmışdır.
1956-cı il
28 may	Azərbaycan Xalq Cümhuriyyətin yaranışını məxsusi qeyd edən Cahid Hilaloğlu Bakıda Qız Qalasının başına Cümhuriyyət bayrağını sancmışdır.
1991-ci il
	Sovet Sosialist Respublikaları İttifaqı dağıldıqdan sonra Azərbaycan xalq Cümhuriyyətinin varisi olan Azərbaycan respublikası dövlət müstəqilliyini yenidən bərpa etmişdir.
1997-ci il
27 may	Azərbaycan Xalq Cümhuriyyətinin elan olunmasının 79-cu ildönümünə həsr olunmuş təntənəli yığıncaq keçirilmişdir.
1998-ci il
30 yanvar	Azərbaycan Xalq Cümhuriyyətinin 80 Illiyinin keçirilməsi haqqında Azərbaycan Respublikası Prezidenti H. Əliyev Sərəncam imzalamışdır.
22 fevral	Azərbaycan Xalq Cümhuriyyətinin 80 illiyinə həsr olunmuş əsərlərin nəşr edilməsi haqqında Azərbaycan Respublikası Prezidenti H. Əliyev Sərəncam imzalamışdır.
22 may	Prezidentin Fərmanına əsasən Azərbaycan Xalq Cümhuriyyəti dövründə Milli Ordunun yarandığı 26 iyun günü Azərbaycan Silahlı Qüvvələri Günü kimi bayram edilir.
24 may	Azərbaycan Xalq Cümhuriyyətinin 80 illik yubileyinə həsr olunmuş ümumrespublika mərasiminin keçirilməsi haqqında Azərbaycan Respublikası Prezidenti H. Əliyev Sərəncam imzalamışdır.
26 may	Azərbaycan Respublikası Milli Məclisi Azərbaycan Xalq Cümhuriyyətinin 80 illyi münasibəti ilə bəyanat vermişdir.
27 may	Azərbaycan Xalq Cümhuriyyətinin 80 illik yubileyinə həsr olunmuş təntənəli mərasim keçirilmişdir.
11 dekabr	Azərbaycan Xalq Cümhuriyyəti Parlamentinin 80 illiyi haqqında Azərbaycan Respublikası Milli Məclisi qərar qəbul etmişdir.
2003-cü il
1 fevral	Azərbaycan Xalq Cümhuriyyətinə abidə ucaldılması haqqında Azərbaycan Respublikası Prezidenti Sərəncam imzalamışdır.
2004-cü il
	Azərbaycan Xalq Cümhuriyyəti Ensiklopediyasının I cildi çapdan çıxmışdır.
2005-ci il
	Azərbaycan Xalq Cümhuriyyəti Ensiklopediyasının II cildi çapdan çıxmışdır.
2007-ci il
25 may	Bakının İstiqlaliyyət küçəsində Azərbaycan Xalq Cümhuriyyətinin şərəfinə ucaldılmış İstiqlal bəyannaməsi abidəsinin açılışı olmuşdur.
2008-ci il
15 fevral	Azərbaycan Xalq Cümhuriyyətinin 90 illik yubileyi haqqında Azərbaycan Respublikası Prezidenti İ. Əliyev Sərəncam imzalamışdır.
2017-ci il
16 may	Azərbaycan Respublikası Prezidenti İ. Əliyev Azərbaycan Xalq Cümhuriyyətinin 100 illik yubileyinin keçirilməsi haqqında sərəncam imzalamışdır.
2018-ci il
10 yanvar	Azərbaycan Respublikası Prezidenti İ. Əliyev 2018-ci illin Azərbaycan Respublikasında “Azərbaycan Xalq Cümhuriyyəti ili” elan edilməsi haqqında sərəncam imzalamışdır.
25 yanvar	Azərbaycan Milli Elmlər Akademiyasında Azərbaycan Xalq Cümhuriyyətinin 100 illiyinə həsr edilmiş “ADR-İran diplomatik münasibətləri Qafqaz Fövqəladə Komissiyasının sənədləri işığında (1919-1920-ci illər)” kitabının təqdimatı keçirilmişdir.
29 yanvar	Azərbaycan Milli Elmlər Akademiyasının (AMEA) Fəlsəfə İnstitutunda Azərbaycan Xalq Cümhuriyyətinin 100 illiyinə həsr edilmiş “Azərbaycan Xalq Cümhuriyyəti - milli dövlətçiliyin ideya əsasları və müasirlik” mövzusunda elmi konfrans keçirilmişdir.
14 fevral	Bakıda “Azərbaycan Xalq Cümhuriyyəti - 100 il. Qadın və seçki hüququ” mövzusunda konfrans keçirilmişdir.
20 fevral	Azərbaycan Milli Elmlər Akademiyasında (AMEA) İctimai Elmlər Bölməsinin və Elm Tarixi İnstitutunun birgə təşkilatçılığı ilə “Azərbaycan Xalq Cümhuriyyəti: tarixi retrospektivlik və müasirlik” mövzusunda elmi konfrans keçirilmişdir.
23 fevral	Azərbaycan Dillər Universitetində (ADU) “Azərbaycan Xalq Cümhuriyyəti və qadınlar” mövzusunda “dəyirmi masa” keçirilmişdir.
27 fevral	Azərbaycan Dillər Universitetində (ADU) “Məhəmməd Əmin Rəsulzadə Azərbaycan Xalq Cümhuriyyətinin qurucularından biri və milli ideologiyanın banisi kimi” mövzusunda “dəyirmi masa” keçirilmişdir.
1 mart	Azərbaycan Respublikasının Ailə, Qadın və Uşaq Problemləri üzrə Dövlət Komitəsi və Gəncə Şəhər İcra Hakimiyyətinin birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr edilmiş “Azərbaycan qadınının seçki hüququ: tarix və müasir qadın hərəkatı” mövzusunda ikigünlük beynəlxalq elmi-praktik konfrans keçirilmişdir.
4 mart	Moskvada, Rusiya İctimai Palatasında “Azərbaycan Xalq Cümhuriyyətinin tarixi: bir əsrdən sonra baxış. 1918-2018-ci illər” mövzusunda “dəyirmi masa” keçirilmişdir.
5 mart	Azərbaycan Milli Elmlər Akademiyasının (AMEA) Lənkəran Regional Elmi Mərkəzində (LREM) Azərbaycan Xalq Cümhuriyyətinin (AXC) 100 illiyinə həsr olunan “1918-1920-ci illərdə ADR-İran münasibətləri” mövzusunda elmi seminar keçirilmişdir.
9 mart	Türkiyənin Ərzurum şəhərində Azərbaycan Xalq Cümhuriyyətinin yaranmasının və Ərzurum bölgəsinin erməni işğalından azad olunmasının 100-cü ildönümləri münasibətilə konfrans keçirilmişdir.
16 mart	Azərbaycanın Braziliyadakı səfirliyinin, Qoya Ştatının paytaxtı Qoyaniya şəhərindəki Kora Karolina Mədəniyyət Mərkəzinin, Ştatın Hökumətinin, mədəniyyət, təhsil və idman katibliyinin təşkilatçılığı ilə Azərbaycan Xalq Cümhuriyyətinin 100 illiyinə həsr edilmiş fotosərgi keçirilmişdir.
17 mart	Azərbaycan Milli Elmlər Akademiyasının Milli Azərbaycan Tarixi Muzeyində (MATM) Azərbaycan Xalq Cümhuriyyətinin 100 illiyinə həsr olunmuş məktəblərarası viktorina keçirilmişdir.
26 mart	Nəqliyyat, Rabitə və Yüksək Texnologiyalar Nazirliyi “Azərmarka” MMC 5-14 yaşlı uşaqlar üçün Azərbaycan Xalq Cümhuriyyətinin 100 illik yubileyinə həsr edilən rəsm müsabiqəsi keçirmişdir.
29 mart	Türkiyədə Alanya Əlaəddin Keykubad Universitetinin və Bakı Slavyan Universitetinin (BSU) birgə təşkilatçılığı ilə Azərbaycan Xalq Cümhuriyyətinin 100 illiyinə həsr olunan beynəlxalq elmi konfrans keçirilmişdir.
4 aprel	Azərbaycan Respublikası Silahlı Qüvvələrinin Hərbi Akademiyasının adyunktura və elm şöbəsinin professoru, tarix elmləri doktoru Nurulla Əliyevin “1918-1920-ci illərdə Azərbaycan hökumətinin fəaliyyətində hərbi-dəniz aspektləri” kitabı çap olunmuşdur.
4 aprel	Azərbaycan Texniki Universitetində (AzTU) Azərbaycan Xalq Cümhuriyyətinin 100 illik yubileyinə həsr olunan “Təhsil-tədqiqat-istehsalat mexanizminin qurulması” mövzusunda Respublika elmi-texniki konfrans keçirilmişdir.
6 aprel	Vyetnamın Xo Şi Min şəhərində Azərbaycan Xalq Cümhuriyyətinin 100 illik yubileyi qeyd olunmuşdur.
17 aprel	Mədəniyyət və Turizm Nazirliyi tərəfindən “Azərbaycan Xalq Cümhuriyyəti 100” loqotipi hazırlanmışdır.
19 aprel	M. V. Lomonosov adına Moskva Dövlət Universitetinin (MDU) tarix fakültəsində “Rus inqilabı və Azərbaycan Xalq Cümhuriyyətinin tarixi: 100 ildən sonra baxış” mövzusunda elmi-praktik konfrans keçirilmişdir.
19 aprel	AMEA Naxçıvan Bölməsində “Naxçıvan Azərbaycan Xalq Cümhuriyyəti dövründə: tarixilik və ərazi bütövlüyünün qorunması” mövzusunda elmi konfrans keçirilmişdir.
20 aprel	Azərbaycan Milli Elmlər Akademiyası (AMEA) Elm Tarixi İnstitutunun tarixşünaslıq və mənbəşünaslıq şöbəsinin müdiri, tarix üzrə fəlsəfə doktoru Ziyad Əmrahovun “Azərbaycan parlamentarizminin tarixi - 100” kitabı nəşr olunmuşdur.
21 aprel	Azərbaycanın Mədəniyyəti və Tarixi Araşdırmaları Mərkəzinin, ölkəmizin Vyetnamdakı səfirliyinin birgə təşkilatçılığı ilə Hanoyda Azərbaycan Xalq Cümhuriyyətinin (AXC) 100 illiyi münasibətilə “Azərbaycan və Vyetnamın dövlətçiliyi: yaranma və inkişaf” adlı konfrans keçirilmişdir.
25 aprel	Bakı Şəhər Mədəniyyət və Turizm Baş İdarəsinin Səbail rayon Mərkəzləşmiş Kitabxana Sisteminin 3 saylı filialında Azərbaycan Xalq Cümhuriyyətinin 100 illiyinə həsr olunmuş “Milli dövlətçilik tarixində silinməz izlər” adlı tədbir keçirilmişdir.
	Beynəlxalq Mətbuat Mərkəzində Ana Vətən Partiyasının təşkilatçılığı ilə “Azərbaycan Xalq Cümhuriyyəti: Tarixi reallıqlar və müasirlik” mövzusunda “dəyirmi masa” keçirilmişdir.
	AMEA Gəncə Bölməsi, Diyarşünaslıq İnstitutunun Tarix şöbəsinin müdiri, Gəncə Dövlət Universitetinin professoru Həsənbala Sadıqovun “AXC-nin Gəncədə qəbul etdiyi hüquqi aktlar və onun tarixinin izahlı xronologiyası” adlı kitabı çap olunmuşdur.
28 aprel	Macarıstanın Gödöllö şəhərində fəaliyyət göstərən Sent İştvan Universitetinin doktorantı Raqif Hüseynovun təşəbbüsü və Azərbaycan Respublikasının Macarıstandakı Səfirliyinin, Sent İştvan Universitetinin və Varşava Təbiət Elmləri Universitetinin birgə təşkilatçılığı ilə Azərbaycan Xalq Cümhuriyyətinin 100 illiyinə həsr olunmuş “Davamlı regional inkişaf” mövzusunda Gənc Alimlərin 3-cü Beynəlxalq Elmi Konfransı təşkil edilmişdır.
1 may	Milli Məclisin mayın 1-də keçirilən iclasında “Azərbaycan Xalq Cümhuriyyətinin 100 illiyi (1918-2018)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Qanuna dəyişikliklər edilməsi ilə bağlı qanun layihəsi müzakirə olunmuşdur.
	Azərbaycan dilindəki “Vikipediya”da Azərbaycan Xalq Cümhuriyyətinin 100 illiyinə həsr edilən məqalə müsabiqəsi elan edilmişdir.
	ABŞ-ın Kaliforniya ştatının San Dieqo şəhərində Azərbaycanın Los-Ancelesdəki baş konsulluğunun təşəbbüsü və dəstəyilə Azərbaycan Xalq Cümhuriyyətinin 100 illiyinə həsr olunan şahmat turniri keçirilmişdir.
2 may	Azərbaycan Xalq Cümhuriyyətinin 100 illiyi münasibətilə Ankaranın Kızılcahamam rayonunda “Azərbaycan günləri” təşkil olunmuşdur.
3 may	Təhsil Nazirliyi, Respublika Uşaq-Gənclər İnkişaf Mərkəzi, Gəncə Şəhər Təhsil İdarəsi və Uşaq–Gənclər İnkişaf Mərkəzinin dəstəyi ilə Nizami yurdunda 10–17 yaşlı uşaq və gənclər arasında Azərbaycan Xalq Cümhuriyyətinin 100 illik yubileyinə həsr olunmuş respublika təsviri sənət müsabiqəsi keçirilmişdir.
4 may	ABŞ-ın tanınmış turizm mərkəzlərindən biri olan Mayami-Deyd dairəsinin meri Karlos Ximenes Azərbaycan Xalq Cümhuriyyətinin 100 illiyi ilə əlaqədar rəsmi bəyannamə imzalamışdır.
4 may	ABŞ-ın Pitsburq şəhərinin meri Uilyam Peduto Azərbaycan Xalq Cümhuriyyətinin 100 illiyi ilə əlaqədar rəsmi bəyanat vermışdir. .
8 may	“Vikipedia” Beynəlxalq Elektron Ensiklopediyasında özbək dilində olan versiyasında Azərbaycan Xalq Cümhuriyyəti adlı bölmə istifadəyə verilmişdır.
10 may	Afinada fəaliyyət göstərən “Nyu York Kollec”də Azərbaycan Xalq Cümhuriyyətinin 100 illiyi münasibətilə açıq dərs keçirilmışdır.
10 may	Azərbaycan Milli Elmlər Akademiyasının (AMEA) Tarix İnstitutu tərəfindən “Azərbaycan Respublikası Azərbaycan Xalq Cümhuriyyətinin varisi kimi” mövzusunda gənc tədqiqatçıların respublika elmi konfransı keçirilmişdir.
11 may	“BP Azerbaijan” şirkətinin dəstəyi ilə “Cümhuriyyət qurucuları” adlı kitab nəşr edilmişdir.
14 may	İstanbulun Feriköy məzarlığında uyuyan Azərbaycan Xalq Cümhuriyyəti qurucularının xatirəsinə abidə ucaldılmışdır.
14 may	Fransada mayın 14-dən 17-dək Azərbaycan Xalq Cümhuriyyətinin 100 illiyi münasibətilə pianoçuların Adilə Əliyevanın adını daşıyan 12-ci Beynəlxalq Festivalı keçirilmişdir.
15 may	Yaponiyanın “World Investors TV” internet televiziyasında Azərbaycan Xalq Cümhuriyyətinin (AXC) 100-cü ildönümünə həsr olunmuş xüsusi veriliş yayımlanmışdır.
	Birləşmiş Ərəb Əmirliklərində (BƏƏ) təntənəli mərasim qeyd edilmışdir.
	Təbriz şəhərindəki Azərbaycanın baş konsulluğu tərəfindən rəsmi qəbul təşkil edilmışdır.
16 may	Kopenhagendə Skandinaviya Türk Federasiyasının təşkilatçılığı, Danimarka Vətən Cəmiyyətinin və Diasporla İş üzrə Dövlət Komitəsinin dəstəyi ilə Azərbaycan Xalq Cümhuriyyətinin 100 illiyi qeyd edilmişdir.
	Ukraynada Azərbaycan Xalq Cümhuriyyətinin 100 illiyi ilə bağlı poçt markası dövrüyyəyə buraxılmışdır. Azərbaycan Respublikası Diasporla İş üzrə Dövlət Komitəsinin və İstanbul Maltəpə Bələdiyyəsinin təşkilatçılığı ilə “Azərbaycan Xalq Cümhuriyyəti–100 il” Parkı açılmışdır.
	İordaniya Dövlət Televiziyasında Azərbaycan Xalq Cümhuriyyətinin (AXC) qurulmasının 100-cü ildönümünə həsr olunmuş veriliş yayımlanmışdır.
17 may	Azərbaycan Xalq Cümhuriyyətinin 100 illiyi Meksikanın Quanaxuato ştatının San Migel de Ayende şəhərində ənənəvi olaraq keçirilən Ümumdünya Birlik və Qardaşlıq XIX Beynəlxalq Görüşü zamanı qeyd olunmuşdur.
	Azərbaycanın Tacikistandakı səfirliyi 28 May-Respublika Günü və Azərbaycan Xalq Cümhuriyyətinin yaranmasının 100 illiyi münasibətilə Düşənbə şəhərindəki “Serena” mehmanxanasında rəsmi qəbul keçirmişdir.
	Azərbaycanın Pakistandakı səfirliyi İslamabad şəhərindəki “Serena” mehmanxanasında Azərbaycan Xalq Cümhuriyyətinin 100 illik yubileyi münasibətilə rəsmi qəbul keçirmişdir.
	Arkanzas ştatının paytaxtı Litl-Rok şəhərinin meri Mark Stodola Azərbaycan Xalq Cümhuriyyətinin 100-cü ildönümü ilə əlaqədar rəsmi bəyannamə imzalamışdır.

<< Geri

Elektron Məlumat Bazası Milli Kitabxana tərəfindən hazırlanmışdır