Azərbaycanın tanınmış siyasi və dövlət xadimi Əziz Əliyev adını daşıyan xatirə muzeyi Xaçmaz rayonunda 2013-cü ilin 25 dekabr tarixində açılmışdır. Açılışda Dağıstan və Azərbaycan nümayəndələri iştirak etmişdilər.

Muzey 400 kvm sahədə fəaliyyət göstərməklə daş üzlüklə üzlənmiş müasir arxitektura ənənələri əsasında inşa olunmuş binada yerləşir.

Ə. Əliyev muzeyində 150-yə yaxın eksponat nümayiş olunur.

Siyasi xadimin istər Azərbaycanda, istərsə də qonşu Dağıstan Respublikasındakı siyasi və ictimai fəaliyyəti muzeyin ekspoziyasiyanda öz əksini tapmışdır.

Muzeydə tarixi dövrləşmə üzrə siyasi xadimin uşaqlıq, gənclik, tələbəlik illəri, Ə. Əliyev II dünya müharibəsi illərində, Ə. Əliyevin Dağıstanda siyasi fəaliyyəti və s. illəri foto və yazılı məlumatlarla muzeyə gələn ziyarətçilərə dolğun informasiya çatdırır.