Müstəqil Azərbaycanın
əsas ideyası azərbaycançılıqdır. Hər bir azərbaycanlı öz milli
mənsubiyyəti ilə fəxr etməlidir, biz azərbaycançılığı – Azərbaycanın
dilini, mədəniyyətini, milli mənəvi dəyərlərini, adət və ənənələrini inkişaf
etdirməliyik.
Xalq heç vaxt öz kökünü
yaddan çıxarmamalı, öz tarixini öyrənməli, milli mədəniyyətindən heç
zaman ayrılmamalıdır.
Azərbaycanın dövlət
müstəqilliyi bizim üçün ən əziz, ən qiymətli nailiyyətdir və bu
nailiyyəti dövlət müstəqilliyimizi biz daim qoruyub saxlayacağıq.
Azərbaycan dilinin
dövlət dili kimi yaşaması, möhkəmlənməsi, inkişaf etməsi də bizim ən
böyük nailiyyətlərimizdən biridir. Bu, təkcə dil məsələsi deyil, həm
də azərbaycançılıq məsələsidir
Ana dilini bilməmək, ana
dilini qiymətləndirməmək, şübhəsiz ki, xalq qarşısında böyük
qəbahətdir.
Dil böyük bir aləmdir.
Fikir müxtəlifliyi təbii
hadisədir.
İstər bir azərbaycanlı,
Azərbaycan Respublikasının vətəndaşı, istərsə də onun rəhbəri, Prezidenti kimi mənim həyat amalım yalnız sizə - bütün varlığım
qədər sevdiyim Azərbaycan xalqına, dövlətçiliyimizə, ölkəmizin iqtisadi, siyasi, mənəvi inkişafına xidmət olmuşdur.
Xalq dövlət
üçün yox, dövlət xalq üçün olmalıdır.
Azadlıq və
istiqlaliyyət hər bir xalqın milli sərvətidir.
Əgər hər
hansı ölkənin xalqları öz hüquqlarını anlayır və onları qoruya
bilirsə, o zaman ən kiçik dövlət belə ən böyük məmləkət qədər güclü
olar.
Başqasının
fikrinə hörmət etmək, ondan faydalı bir şey götürmək qabiliyyəti hər
bir adama lazımdır.
Bir
hadisənin qarşısını almaq, o hadisə baş verəndən sonra onun
nəticələrini aradan götürməkdən daha asandır.
Biz təbiətə
qarşı zor işlədə bilmərik.
Dövlət, ölkə
nə qədər çox xalqı birləşdirsə, bir o qədər zəngin olur, çünki
onların hər biri ümumdünya mədəniyyətinə və sivilizasiyasına öz
töhfəsini verir.
Gərək nəbzin
Vətənin nəbzi ilə vursun.
Görkəmli şəxsiyyətlər xalqın zəkasını, elmini, mədəniyyətini,
mənəviyyatını dünyaya nümayiş etdirirlər.
Hamı bir boyda ola bilməz, hamının eyni fikri ola bilməz.
Heç bir ölkə, ən böyük bir ölkə də yalnız öz çərçivəsində
iqtisadiyyatını lazımi səviyyədə inkişaf etdirə bilməz.
Heç bir ölkəni özünə düşmən hesab etməməlisən.
Heç bir vətəndaş ictimai-siyasi həyata biganə qalmamalıdır.
Heç kim əbədi qalib ola bilməz.
Heç vaxt inamımızdan, dinimizdən uzaqlaşmayacağıq və bu mənəvi
mənbələrimizdən istifadə edərək gələcəyimizi quracağıq!
Həqiqəti gizlətmək, həqiqətin üstünü basdırmaq olmaz.
Həqiqi mənəviyyatı milyonlara, milyardlara da almaq mümkün deyildir. Amma milyonları, milyardları olan adamlar cəmiyyətdə mənəviyyatsız heç
bir şeydirlər.
Hər bir insan həyatda öz yerini tapmalıdır. Amma öz yerini, özünə məxsus olan yerini
tapmalıdır.
Həyatda şərəflə şərəfsizliyi, şəxsi rifahla ictimai borcu, tamahkarlıqla
vicdanlılığı hər bir kəs özü seçir.
Xalq gərək daim öz kökünü xatırlasın.
Xalq heç vaxt öz kökünü yaddan çıxarmamalı, öz tarixini öyrənməli, milli
mədəniyyətindən heç zaman ayrılmamalıdır.
Xalq milli əhval-ruhiyyə ilə milli mənlik zirvəsinə qalxırsa, onun
başında duran adamlar isə öz şəxsi mənafelərinə görə xalqın başından
basılarsa, bax, bu, xalqın ən böyük faciəsidir.
Xalqı həmişə mənəviyyat birləşdirmişdir. Çünki başqa əsaslara nisbətən
mənəvi əsaslar daha üstündür.
İlk işə başlayan şəxslərin üzərinə həmişə çox böyük, şərəfli vəzifələr düşür.
Kim ki, biliyindən, bacarığından artıq iddialar edir o, həmişə məğlub olur.
Kim müxalifətdə durursa-dursun, ancaq Vətəninə, xalqına, mənəviyyatına,
məsləkinə müxalifətdə durmasın.
Kiməsə qarşı ədalətsizlik edilibsə, bu ədalətsizliyin qarşısını ədalətlə
almaq lazımdır. Amma ədalətsizliyə qarşı daha böyük bir cinayət
törətmək, ədalətsizlikdən də betərdir.
Qurani-Kərimin bütün kəlamları bu gün Azərbaycanda Allahın yolu ilə getməyimiz üçün
məşəldir.
Milli azadlığa nail olmaq üçün milli oyanış, milli dirçəliş, milli ruhun
canlanması lazımdır.
Müstəqil Azərbaycanın əsas ideyası azərbaycançılıqdır. Hər bir
azərbaycanlı öz milli mənsubiyyəti ilə fəxr etməlidir, biz
azərbaycançılığı – Azərbaycanın dilini, mədəniyyətini, milli mənəvi
dəyərlərini, adət və ənənələrini inkişaf etdirməliyik.
Ölkələr arasında dostluq münasibətlərinin möhkəmlənməsinə mədəniyyət və
elm sahəsində əlaqələrin təsiri böyükdür.
Rəhbərlik etmək, yəni adamları öyrətmək və tərbiyələndirmək üçün gərək
mənəvi haqqın olsun.
Rüşvətxorluq bizi içimizdən yeyir.
Rüşvətxoru, oğrunu qəhrəman etmək öz xalqına xəyanət etməkdir.
Sənətdə hər kəsin öz yeri var. Heç kəs kiminsə yerini almır.
Tarix heç nəyi silmir.
Tarix həmişə hər şeyi öz yerinə qoyur.
Tariximizin hər səhifəsi bizim üçün əzizdir.
Təhsil xalqın gələcəyidir
Tənqid həmişə işə kömək edir.
Vətən müharibəsi bütün xalqın, hər bir vətəndaşın öz şərəf və namusunu
qorumaq üçün aparılan müharibədir!
Vəzifədən ötrü yaşayan adamlar bədbəxt adamlardır.
Yol - iqtisadiyyat, mədəniyyət, bir sözlə həyat deməkdir.
Ziyalıların, mədəniyyət xadimlərinin, elm xadimlərinin cəmiyyətdə
hörmətini qaldırmaq lazımdır.
Böyük
siyasəti kiçik hisslərə, xırda mənfəətlərə bağlamaq olmaz.
Cəmiyyətin
gələcək tərəqqisi bir çox cəhətdən indi gənclərimizə nəyi və necə
öyrətməyimizdən asılı olacaqdır.
Dövlət
xalqın işi olmalıdır.
Dövlət onun
ərazisində yaşayan əhalinin təminatçısı olmalıdır.
İnsanların
mənəvi sərvətlərinin hamısından dinin fərqi ondadır ki, o, dini
mənsubiyyətindən asılı olmayaraq həmişə insanları dostluğa,
həmrəyliyə, birliyə dəvət etmişdir.
İqtisadiyyatı güclü olan dövlət hər şeyə qadirdir.
Sülh
danışıqlarını cəsarətlə apara bilmək üçün güclü orduya malik olmaq
lazımdır.
Öz ana
dilini bilməyən adamlar şikəst adamlardır!
Ağıl olan
yerdə zora ehtiyac yoxdur.
Ədalətsizliklə ədaləti bərpa etmək olmaz.
Müstəqilliyin əldə olunması nə qədər çətindirsə, onun saxlanılması,
daimi, əbədi olması bundan da çətindir.
Bizim bütün
təbii sərvətlərimiz xalqa məxsusdur və bu sərvətlərdən istifadə
olunmasında heç kəsin müstəsna haqqı yoxdur.
Xalqla
ordunun birliyi həm xalqın qüdrətini artırır, həm də ordunu daha
qüvvətli edir.
Xalq bir çox xüsusiyyətləri ilə tanınır, sayılır və dünya xalqları
içərisində fərqlənir. Bu xüsusiyyətlərdən ən yüksəyi, ən böyüyü
mədəniyyətdir.
Yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf
edəcəkdir.
Mədəniyyət
bəşəriyyətin topladığı ən yaxşı nümunələrlə xalqları zənginləşdirir.
Müstəqillik
yolu qədər çətin yol yoxdur.
Xalq həmişə öz ziyalıları, öz mədəniyyəti, öz elmi ilə tanınır.
Tarixi olduğu kimi qəbul etmək, dərk etmək və olduğu kimi
qiymətləndirmək lazımdır.
Tariximiz
bizim üçün dərs olmalıdır.
Quran-şərifin bizə verdiyi tövsiyələr, dərs, göstərdiyi yolları
paklığa, düzlüyə, doğruluğa, sədaqətə, qəhrəmanlığa, cəsarətə,
cəsurluğa dəvət edən tələblərdir, tövsiyələrdir.
İnsan
mənəviyyat üçün yaşamalıdır. Mənəviyyatını qoruyan, yaşadan insan
əbədi olacaqdır.
Hər bir
xalqın milliliyini, mənəvi dəyərlərini yaşadan, inkişaf etdirən onun
dilidir.
Hər bir xalq
öz dili ilə yaranır. Ancaq xalqın dilini yaşatmaq, inkişaf etdirmək
və dünya mədəniyyəti səviyyəsinə qaldırmaq xalqın qabaqcıl
adamlarının, elm, bilik xadimlərinin fəaliyyəti nəticəsində mümkün
olur.
Xalq azadlıq
uğrunda mübarizə apararkən qurbanlar verməlidir. Keçmişdə də belə olmuşdur, bu gün
də belədir, gələcəkdə də belə olacaqdır.
Hər bir alim
qiymətlidir. Ancaq nəzəriyyəni təcrübə ilə birləşdirən, fikirlərini
tətbiq edə bilən və onlardan əməli nəticə götürə bilən, cəmiyyətə,
ölkəyə, xalqa konkret fayda gətirən insanlar alimlərin sırasında
xüsusi yer tuturlar.
Demokratiya
insanların şüurunda dəyişiklik deməkdir. Bu dəyişiklik inqilabla
olmur, təkamül yolu ilə, tədricən gedir.
Ziyalılıq
kütləvi ola bilməz. Alim, şair, bəstəkar, rəssam, yazıçı, artist -
bunlar fitri istedada malik olan nadir adamlardır.
Xalqın,
Vətənin taleyi hər bir insanın taleyinə çevrilməlidir!
Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır. |