Həsən
Seyidbəylinin bütün əsərləri, janrından və
formasından asılı olmayaraq, günümüzün, zəmanəmizin ən
aktual, ən müasir məsələləri ilə bağlıdır. Hərbi
vətənpərvərlik, yaradıcı əmək, saf məhəbbət, gəncliyin
tərbiyəsi, şəhər və kənd həyatı, sülh uğrunda mübarizə,
neftçilərimizin surətləri, Həsənin maraqlandığı, meyl
göstərdiyi və ustalıqla qələmə aldığı mövzulardır.
***
Filmdəki
hadisələrin və surətlərin inkişafında quruluşçu
rejissorun sənətkarlığı dərhal duyulur. Bu cəhət “Bizim
Cəbiş müəllim” filmində özünü xüsusilə göstərir.
Yusif
Əzimzadə,
nasir, dramaturq
“Uzaq sahillərdə” povesti bədii macərə
əsərləri ruhunda
yazılmışdır. Müəlliflər bəzən hadisələrin
maraqlı və cəlbedici olmasına uyaraq,
xarakterlərin dərindən açılmasına, psixoloji
anlara az fikir vermişlər. Bunun nəticəsində
də bəzi partizan surətləri arzu olunan
dərəcədə tamamlanmamışdır. Buna baxmayaraq,
“ Uzaq sahillərdə ” dəyərli bir əsərdir və
ədəbiyyatımızda müsbət bir hadisədir.
İlyas
Əfəndiyev,
Xalq yazıçısı
Həsən Seyidbəyli kinodan və ədəbiyyatdan nə
istəyirdi? Mən cürət edib onu Vasili
Şukşinlə eyni düşüncə dünyasının adamı
hesab edərdim. Şuşkin rus mujikinin, Həsən
Seyidbəyli
Azərbaycan qadının, ələlxüsus gənc qızların,
azərbaycanlı
ailəsinin xoşbəxtliyi problemi ilə məşğul
olurdu.
Məmməd
Adilov,
filologiya elmləri doktoru
Həsən Seyidbəyli mənalı bir ömür yaşamışdı.
O, qayğılı
ömründə həm qələmlə, həm də sözlə xalqa
xidmət etməyə çalışmışdır. Qələm onun silahı
olub cəmiyyətdəki nöqsanları təmizləməyə,
sözsə tribunalardan danışmağa lazımı
olmuşdur.
Cabir
Novruz,
Xalq şairi
Rejissorun gələcək planlarında “Nizami ” və
“Babək” kimi filmlər dururdu. Mən hər iki
ssenarini oxumuşdum. Hətta “Babək” in sınaq
çəkilişlərindən də çıxmışdım. O vaxt ona
deyirdilər ki, nəyə görə yenə də Rasim
Balayevi! Bir sözlə, uğurla başlanan
fəaliyyətimizin ömrünün uzun olacağı göz
qabağında idi.
Rasim
Balayev,
aktyor
