1914 |
May ayının 26-da İlyas Məhəmməd oğlu Əfəndiyev Qaryagində (indiki
Füzuli şəhərində) anadan olmuşdur. |
1930 |
Orta məktəbi bitirdikdən sonra şəhər məktəbində və II
dərəcəli partiya məktəbində dil və ədəbiyyatdan dərs
demişdir. |
1933 |
V.İ.Lenin adına Azərbaycan Pedaqoji İnstitutunun ədəbiyyat
fakültəsinin əyani şöbəsinə daxil olmuş, lakin ailəsinə
qarşı siyasi-inzibati təqiblər nəticəsində təhsilini
yarımçıq qoymağa məcbur olmuş, sonra həmin institutun qiyabi
coğrafiya fakültəsinə daxil olaraq 1938-ci ildə oranı
bitirmişdir.
|
1938 |
Noyabr ayında ilk mətbu əsəri olan "Buruqlar arasında"
oçerki "Yeni yol" qəzetində dərc olunmuşdur. |
1938 |
Bakıya gələn İlyas Əfəndiyev "Yeni yol", "Kommunist" və "Ədəbiyyat
qəzeti" redaksiyalarında işləmişdir. |
1939
|
Yazıçının “Kənddən məktublar” adlı ilk kitabı
Azərnəşr tərəfindən nəşr edilmişdir.
|
1939 |
Yanvar ayının 26-da “Berlində bir gecə” adlı ilk hekayəsi
“Ədəbiyyat qəzetində” çap olunmuşdur. |
1940
|
Yanvar ayının 10-da Yazıçılar İttifaqına qəbul olunmuşdur.
|
1943
|
Öz hekayələri əsasında Mehdi Hüseynlə birlikdə ilk dram
əsəri olan “İntizar” pyesini yazmışdır. |
1944 |
Dekabr ayında "İntizar" pyesi M.Əzizbəyov adına Azərbaycan
Dövlət Akademik Dram Teatrında tamaşaya qoyulmuşdur. |
1946 |
İlk müstəqil dram əsərini “İşıqlı yollar” pyesini yazır. |
1947 |
“İşıqlı yollar” əsəri M.Əzizbəyov adına Azərbaycan Dövlət
Dram Teatrında tamaşaya qoyulmuşdur.
|
1947 |
M.Əzizbəyov adına Azərbaycan Dövlət Dram Teatrının Moskva
qastrolu zamanı “İşıqlı yollar” əsəri tamaşaçıların böyük
rəğbətini qazanmışdır;
|
1948 |
“Bahar suları” əsəri M.Əzizbəyov adına Azərbaycan Dövlət
Dram Teatrında tamaşaya qoyulmuşdur.
|
1949 |
“Şərəf nişanı” ordeni ilə təltif olunmuşdur. |
1951 |
Rus dilində “Rasskazı” adlı ilk kitabı Bakıda nəşr
olunmuşdur. |
1954 |
“Atayevlər ailəsi” pyesi M.Əzizbəyov adına Azərbaycan
Dövlət Dram Teatrında tamaşaya qoyulmuşdur. |
1954-1958 |
Azərbaycan yazıçılarının II qurultayında (1954, aprel)
“Azərbaycan sovet dramaturgiyası”, III qurultayında
(1958, dekabr) isə “Azərbaycan dramaturgiyasının inkişafı
haqqında” məruzələri ilə çıxış etmişdir |
1958 |
“Söyüdlü arx” romanını yazmışdır. |
1960 |
“Körpüsalanlar” povestini qələmə almışdır; Azərbaycanın
“Əməkdar incəsənət xadimi” fəxri adına layiq görülmüşdür. |
1963 |
“Dağlar arxasında üç dost” romanını yazmışdır.
|
1964 |
Tamaşaya qoyulmuş “Sən həmişə mənimləsən” pyesi ilə
Azərbaycan səhnəsində lirik-psixoloji dramın əsası
qoyulmuşdur. |
1967
|
“Mənim günahım” pyesini yazmış, əsər M.Əzizbəyov adına
Azərbaycan Dövlət Dram Teatrında tamaşaya qoyulmuşdur..
|
1968 |
“Unuda bilmirəm” əsərinin ilk tamaşası olmuşdur. Əsər
M.Əzizbəyov adına Azərbaycan Dövlət Akademik Dram Teatrında
424 dəfə tamaşaya qoyulmuşdur.. |
1969 |
“Məhv olmuş gündəliklər” pyesi tamaşaya qoyulmuşdur. |
1969 |
Qırmızı Əmək Bayrağı ordeni ilə təltif edilmişdir. |
1969-1973
|
Azərnəşr tərəfindən yazıçının dörd cilddən ibarət “Seçilmiş
əsərləri” kitabı oxuculara təqdim edilmişdir |
1971 |
Müasir mövzulara daha çox üstünlük verən yazıçı ilk dəfə
tarixi mövzuda “Mahnı dağlarda qaldı” pyesini yazmış, elə
həmin il əsər M.Əzizbəyov adına Azərbaycan Dövlət Dram
Teatrında tamaşaya qoyulmuşdur. |
1972
|
“Mahnı dağlarda qaldı” pyesinə görə Dövlət mükafatına layiq
görülmüşdür. |
1973
|
“Qəribə oğlan” pyesi çap olunmuş, əsər M.Əzizbəyov adına
Azərbaycan Dövlət Dram Teatrında tamaşaya qoyulmuşdur. |
1974 |
Anadan olmasının 60 illiyi təntənəli surətdə qeyd
edilmişdir. Yubileylə əlaqədar olaraq Oktyabr İnqilabı
ordeni ilə təltif olunmuşdur. |
1975 |
“Bağlardan gələn səs” əsərini yazmış, əsər
M.Əzizbəyov adına Azərbaycan Dövlət Dram Teatrında tamaşaya
qoyulmuşdur. |
1976-1978 |
“Sarıköynəklə Valehin nağılı” romanını yazmışdır.
|
1979 |
Azərbaycan SSR Ali Soveti Rəyasət Heyətinin 30 iyul tarixli
fərmanı ilə “Azərbaycanın Xalq yazıçısı” fəxri adına layiq
görülmüşdür. |
1980
|
“Geriyə baxma, qoca!” romanını qələmə almışdır.
|
1981 |
“Üçatılan” romanını yazmışdır. |
1981 |
“Xurşidbanu Natəvan” əsəri
M.Əzizbəyov adına Azərbaycan Dövlət Dram Teatrında tamaşaya
qoyulmuşdur. |
1983
|
“Büllur sarayda” pyesi tamaşaya qoyulmuşdur.
|
1983
|
“Yazıçı” nəşriyyatında ədibin “Seçilmiş əsərləri”nin 6 cildliyi çap
edilmişdir.
|
1984
|
Anadan olmasının 70 illiyi münasibətilə Lenin ordeni ilə
təltif edilmişdir. |
1986 |
“Şeyx Xiyabani” əsəri M.Əzizbəyov adına Azərbaycan Dövlət
Dram Teatrında tamaşaya qoyulmuşdur. |
1988 |
“Bizim qəribə taleyimiz” pyesini yazmış, əsər M.Əzizbəyov
adına Azərbaycan Dövlət Dram Teatrında tamaşaya qoyulmuşdur. |
1989 |
“Sevgililərin cəhənnəmdə vüsalı” pyesi tamaşaya
qoyulmuşdur..
|
1991
|
“Tənha iydə ağacı” əsəri Azərbaycan Dövlət Dram Teatrında
tamaşaya qoyulmuşdur.
|
1992
|
“Dəlilər və ağıllılar” əsəri Azərbaycan Dövlət Dram
Teatrında tamaşaya qoyulmuşdur.
|
1993 |
“Qaçaq Süleymanın ölümü” povestini yazmışdır. |
1994
|
Anadan olmasının 80 illiyi təntənə ilə qeyd edilmiş, o,
sənət adamları arasında ilk dəfə respublikanın o zamankı ən
yüksək “Şöhrət” ordeni ilə təltif edilmişdir. |
1996
|
Son əsəri olan “Xan qızı Gülsənubərlə tarzən Sadıqcanın
nağılı” povestini qələmə almışdır. |
1996
|
Oktyabr ayının 3-də Bakı
şəhərində vəfat etmiş və I Fəxri Xiyabanda dəfn olunmuşdur. |
1996
|
Noyabrın 17-də "Kökmdar və qızı" tamaşasının premyerası
göstərilmişdir. Həmin vaxtdan etibarən Akademik Milli Dram
Teatrı hər yeni mövsümü bu tamaşa ilə açmışdır. |
2001
|
Azərbaycan Respublikası Prezidenti cənab Heydər Əliyev yazıçının
xatirəsinin əbədiləşdirilməsi haqqında Sərəncam
imzalamışdır. |
2002 |
“Çinar-Çap” nəşriyyatı yazıçının 7 cilddən ibarət “Seçilmiş
əsərləri”ni Azərbaycan dilində, 2 cilddən ibarət “Seçilmiş
əsərləri”ni isə rus dilində çap etmişdir. |
2004 |
Azərbaycan Respublikasının Prezidenti cənab İlham Əliyev
İlyas Əfəndiyevinin 90 illik yubileyinin keçirilməsi
haqqında Sərəncam imzalamışdır. |
2008 |
“Hökmdar və qızı” əsəri əsasında çəkilən “Hökmdarın taleyi”
bədii filminin təqdimat mərasimi olmuşdur. |
2014
|
Azərbaycan Respublikasının Prezidenti cənab İlham Əliyev
İlyas Əfəndiyevinin 100 illik yubileyinin keçirilməsi
haqqında Sərəncam imzalamışdır. |
2014-2021 |
Bu illər ərzində İlyas Əfəndiyevin əsərləri dəfələrlə nəşr
olunmuş, müxtəlif dillərə tərcümə edilmiş, pyesləri bir çox
teatrların səhnəsində tamaşaya qoyulmuşdur. Haqqında
məqalələr yazılmış, monoqrafiyalar nəşr edilmiş,
dissertasiyalar müdafiə olunmuşdur. |
2017 |
Qasımova Yeganə Nəriman qızının "Azərbaycan ədəbiyyatı
tarixi: İlyas Əfəndiyevin bədii publisistikası" adlı dərs
vəsaiti nəşr olunmuşdur. |