|
"Bizim yeni
konstitusiya şübhəsiz ki, Azərbaycan Respunlikasının
dövlət müstəqilliyini, bu mütəqilliyin əbədi
olduğunu və dövlət müstəqilliyini qoruyub saxlamaq,
yaşatmaq üçün bütün prinsipləri əks etdirməlidir".
***
"Yeni
konstitusiya Azərbaycanda demokratik, hüquqi
dövlətin qurulması, demokratik, vətəndaş
cəmiyyətinin qorunması üçün bütün əsaslar
yaradıbdır, bütün təminatları veribdir.
Konstitusiyanın bizə verdiyi qanuni əsaslardan
səmərəli istifadə etmək və ölkəmizdə hüquqi,
demokratik dövlət yaratmaq, vətəndaşların,
insanların hüquqlarının qorunmasını təmin etməkdən
ibarətdir".
***
"Bu
Konstitusiya Azərbaycan xalqının keçdiyi tarixi
inkişaf yolunun məntiqi nəticəsidir. Konstitusiya
ölkəmizdə vətəndaşların hüquq və azadlıqlarının
təmin edilməsi, müstəqil dövlətçiliyimizin qorunub
saxlanması, möhkəmləndirilməsi və demokratik
dəyişikliklərin həyata keçirilməsi üçün hərtərəfli
zəmin və şərait yaradır. Azərbaycanın tarixi
keçmişini, bugünkü reallıqlarını və gələcək inkişaf
perspektivlərini əks etdirməsi, ümumbəşəri və milli
dəyərlərə söykənməsi Konstitusiyamızı
səciyyələndirən əsas cəhətlərdir".
***
"Hər
bir şəxs Konstitusiyaya və qanunlara dönmədən əməl etməli, ondan irəli gələn dövlət və cəmiyyət qarşısında
vəzifələrini layiqincə yerinə yetirməli, ölkəmizdə gedən demokratik, hüquqi, dünyəvi dövlət quruculuğu
prosesində yaxından iştirak etməlidir. Torpağımızı, vətənimizi, müstəqil Azərbaycan Respublikasının
suverenliyini, ərazi bütövlüyünü qorumaq ən şərəfli vəzifədir və bu vəzifəni həyata keçirmək hər bir
Azərbaycan vətəndaşının borcudur".
Heydər Əliyev,
Ümummilli Lider
"Universal
dəyərlərə əsaslanan Azərbaycan Respublikasının
Konstitusiyası bu gün də böyük hüquqi, siyasi və
ideoloji potensiala malikdir və Azərbaycan xalqının
firavanlığına xidmət edir".
***
"1995-ci ildə
referendum yolu ilə qəbul edilmiş Konstitusiya
Azərbaycan xalqının inkişafı naminə müasir
demokratik, dünyəvi, hüquqi dövlət quruculuğu
mərhələsinə keçidi təsbit etmişdir. Bu tarixi
sənədin müəllifi xalqımızın ümummilli lideri Heydər
Əliyev olmuşdur".
İlham Əliyev,
Azərbaycan
Respublikasının prezidenti
"Bütovlükdə
Konstitusiyanın təhlili onu deməyə əsas verir ki,
Əsas Qanunumuz insan hüquqları fəlsəfəsinə, onun
ruhuna və əsas prinsiplərinə uyğundur. Həqiqətən də
Konstitusiyanın qəbulu xalqımızın müstəqillik əldə
etdikdən sonra ən böyük nailiyyəti kimi
dəyərləndirilməlidir. Hər birimiz xalqımızın bu
tarixi nailiyyətini qorumalı, dövlətçiliyimizi,
ölkədəki daxili sabitliyi daha da möhkəmləndirmək,
doğma Azərbaycanımızın beynəlxalq aləmdə nüfuzunu
artırmaq üçün səylər göstərməli, əsl vətrəndaş
fəallığı və təəssübkeşliyi nümayiş etdirməliyik.
Azərbaycan Respublikası Konstitusiyası qəbul
edildikdən sonra ölkədə demokratik, hüquqi
islahatların həyata keçirilməsinə başlanılmış və
insan hüquqlarının səmərəli təmini məqsədilə
institusional mexanizmlər təsis edilmişdir".
Elmira
Süleymanova,
professor
"Konstitusiya
cəmiyyətin və dövlət quruluşunun əsaslarını müəyyən
edən ictimai münasibətləri nizama salır ki, bu
münasibətlərdə, hər şeydən əvvəl, dövlətin keyfiyyət
xarakteristikası : suverenliyi, idarəetmə forması,
dövlət quruluşunun forması, dövlət hakimiyyətinin
subyektləri, yəni cəmiyyətin siyasi sisteminin
fəaliyyətinin ümumi əsasları öz əksini tapmışdır".
Nizami Cəfərov,
akademik
"Müstəqil
Azərbaycan Respublikası bu gün özünün yüksək inkişaf
və əsl intibah yolunu böyük uğurla davam etdirir".
İsa Həbibbəyli,
AMEA-nın prezidenti, akademik
"1995-ci
ilin 12 noyabrında Azərbaycan xalqı özünün çoxəsrlik
dövlətçilik ənənələrini davam etdirərək bütün
cəmiyyətin və hər kəsin firavanlığının təmin
edilməsini, ədalətin, azadlığın və təhlükəsizliyin
bərqərar edilməsini istəyərək, keçmiş, indiki və
gələcək nəsillər qarşısında öz məsuliyyətini
anlayaraq ümumxalq səsverməsi yolu ilə ilk milli
Konstitusiyasını qəbul etmişdir. Konstitusiyanın
qəbulu cəmiyyət və dövlət həyatında demokratik
dəyişikliklərə böyük yol açmış, insan hüquq və
azadlıqlarının həyata keçirilməsi üçün əlverişli
şərait yaratmaqla, ictimai həyatın bütün sahələrinin
inkişafına təkan vermiş, xalqın tarixi ənənələrinə,
milli və mədəni dəyərlərinə uyğun olan, eyni
zamanda, ölkədə müasir dünyəvi və vətəndaş cəmiyyəti
quruculuğu tələblərinə cavab verən dövlətçiliyin
formalaşması, siyasi və hüquq sistemlərində sabit
özülün yaradılması işində mühüm addım olmuşdur.
Konstitusiya ölkədə sağlam siyasi mühitin
formalaşmasına imkan verən, vətəndaşların cəmiyyətin
siyasi həyatında və dövlətin idarə olunmasında
iştirakını nəzərdə tutan siyasi müxtəliflik və
plüralizm kimi mühüm prinsipləri təsbit edir. Eyni
zamanda, konstitusiyalı quruluşun xüsusiyyətlərindən
biri kimi iqtisadi fəaliyyət azadlığını, mülkiyyət
növlərinin müxtəlifliyini və onların bərabər
müdafiəsinə verilən təminatı əks etdirir".
Zahid Cəfərov,
BDU-nun professoru,
hüquq üzrə elmlər
doktoru
"Azərbaycan
Respublikası Konstitusiyasının, onun bütün
normalarının və müddəalarının özəyini məhz
demokratik dəyərlərə əsaslanan hüquqi, sosial dövlət
konsepsiyası, insan şəxsiyyətinə hörmət amili təşkil
edir. Bu mənada, ölkə konstitusiyası müstəqil
dövlətimizin inkişafının əsas istiqamətlərini
müəyyənləşdirən hüquqi prinsipləri özündə ehtiva
edən tarixi sənəd olaraq, Azərbaycan xalqının
rifahına xidmət göstərən dövlət idarəetmə
mexanizminin təməlinə çevrilmişdir. Ölkə
Konstitusiyasının ən yüksək hüquqi qüvvəyə malik
olan normaları bütün hüquqi tənzimetmə sisteminin
əsasında durmaqla, ictimai münasibətlərin
inkişafında sabitlik, müəyyənlik amili kimi çıxış
edir, ölkədə təşəkkül tapmış dövlətçilik
ənənələrinin hüquq qaydasının, demokratik cəmiyyətin
qurulmasına xidmət edir".
Fərhad
Abdullayev,
Azərbaycan
Respublikası
Konstitusiya
Məhkəməsinin Sədri
"Azərbaycan
Konstitusiyasının ən yüksək məziyyəti insan və
vətəndaş hüquqlarının kifayət qədər aydın və sadə
şəkildə təsbit olunması və bunun dövlətin ali
məqsədi elan edilməsidir. 12-ci maddədə göstərilir
ki, insan hüquq və azadlıqlarının qorunması
Azərbaycan dövlətinin ali məqsədidir. Ümumilikdə,
Konstitusiyada əksini tapmış maddələrin üçdə birinin
sırf insan hüquq və azadlıqları ilə bağlı olması da
həmin reallığı bir daha təsdiqləyir. İnsan
hüquqlarına belə həssas münasibət inkişaf etmiş bir
sıra dövlətlərin konstitusiyalarında bu dərəcədə
aydın, dəqiq və genişliyi ilə əksini tapmamışdır".
Elşad
Abdullayev,
Hüquq elmləri
doktoru, professor
"Heydər
Əliyevin doğma xalqı qarşısında ən böyük
xidmətlərindən biri də bu idi ki, 1991-ci il
oktyabrın 18-də "Azərbaycan Respublikasının dövlət
müstəqilliyi haqqında Konstitusiya Aktı" qəbul
olunarkən Azərbyacan artıq müstəqil bir dövlət kimi
yaşamağa tamamilə hazır idi".
Yaqub
Mahmudov,
Milli Məclisin
deputatı,
AMEA-nın müxbir
üzvü
"Qururla deyə
bilərik ki, ulu öndərimizin banisi, memarı və
müəllifi olduğu Azərbaycan Respublikasının ilk
demokratik Konstitusiyası yaşayır və ölkəmizi
tərəqqiyə aparır. Dövlət başçımız cənab İlham Əliyev
öz gündəlik fəaliyyətində daim bu Konstitusiyaya
istinad edərək dövlətçiliyimizi, iqtisadiyyatımızı
və cəmiyyətimizi daha yüksək inkişafa aparır. Bunu
hazırda ölkəmizdə həyata keçirilən, xalq tərəfindən
dəstəklənən və müsbət nəticələri beynəlxalq qurumlar
tərəfindən etiraf olunan geniş miqyaslı dövlət
proqramlarının reallaşması, iqtisadi, sosial və
mədəni siyasətin nəticələri təsdiq edir".
Südabə
Həsənova,
Azərbaycan
Respublikasının
əməkdar hüquqşünası
"Azərbaycanın
dövlət suverenliyini tam bərqərar etməklə Prezideünt
İlham Əliyev müstəqillik tarixində möhtəşəm bir ilk
yaratdı.Millətə başını dik tutaraq yaşamağın
düsturunu verdi".
Musa Qasımlı,
professor
|
