E L E K T R O N   M Ə L U M A T   B A Z A S I

 
 

(1908-1938)

Mikayıl Əbdülqadir oğlu İsmayılzadə 1908-ci il 5 iyun tarixində Bakı şəhərində ziyalı ailəsində anadan olmuşdur.

 

1915

Rus-Azərbaycan məktəbinə daxil olmuşdur.

1926

Əruz vəznində yazdığı ilk “Ölkəm” şeiri “Gənc işçi” qəzetinin 9 may tarixli nömrəsində dərc olunmuşdur;

Orta məktəbi başa vurmuşdur.

1927-1928

V.İ.Lenin adına Azərbaycan Dövlət Universitetinin dil və ədəbiyat şöbəsinə daxil olmuşdur.

1930

“Küləklər” adlı ilk kitabı çapdan çıxmışdır.

1931

 

Azərbaycan Pedaqoji İnstitutunun dil və ədəbiyyat şöbəsini bitirmişdir.

Dilbər Axundzadə ilə ailə həyatı qurmuşdur.

1932

“Günün səsləri”; “Vuruşmalar”; “Pambıq”; “Bir may”; “Buruqlar arasında” kitabları nəşr olunmuşdur.

1934

Yeni yaradılmış Azərbaycan Yazıçılar İttifaqına (indiki AYB) üzv seçilmişdir.

1935

“Kəndli və ilan” və “Qaya” kitabları çapdan çıxmışdır.

1936

 “Səhər” poeması Azərbaycanda Sovet hakimiyyətinin qurulmasının 15 illiyi münasibətilə keçirilən müsabiqədə “Yeddi yaxşı ədəbi əsər” mükafatına layiq görülmüşdür.

1937

İyun ayının 3-də tarixində əksinqilabi-millətçilik fəaliyyətinə görə repressiya olunmuşdur.

Noyabr ayının 2-də XDİK-in 00486 №-li əmrinə əsasən əksinqilabi-millətçilik fəaliyyətinə görə həbs edilmişdir.

1938

Yanvar ayının 6-da əksinqilabi-millətçilik fəaliy¬yə¬¬-tinə görə güllələnməyə məhkum edilmişdir.

1968

Heykəltəraş Münəvvər Rzayeva və memar Şəfiqə Rzayeva tərəfindən Mikayıl Müşfiqin abidəsi işlənib hazırlanmışdır.

1970

İyun ayının 9-da Bakı şəhəri, Yasamal rayonu İnşaatçılar prospekti və N.Nərimanov küçələrinin kəsişməsində abidəsinin açılışı olmuşdur.

1977

Adının ədədiləşdirilməsi məqsədilə Xəzər Gəmiçiliyi İdarəsi tərəfindən “Mikayıl Müşfiq” quru yük gəmisi suya buraxılmışdır.

 

 

1988

Aprel ayının 20-də Azərbaycan Respublikası Ali Sovetinin 1096-XI saylı fərmanı ilə Müşfiqabad - yeni şəhər tipli qəsəbə yaradılmışdır;

80 illik yubileyi çərcivəsində Tofiq Novruzovun, Cabir Novruzun, Aydın Zeynalovun, Nəbi Xəzrinin təşəbbüsü ilə Xızı rayonunun Sayadlar kəndində şairin atası Əbdülqədirin bağ evinin yerində “Mikayıl Müşfiq ocağı” – yaradılmışdır. Muzeydə şairə simvolik məzar qoyulmuşdur.

 

1989

Sayadlar kəndində xeyriyyəçi polkovnik Əbülhəsən Əhmədovun şəxsi təşəbbüsü ilə büstü qoyulmuşdur (memar Münəvvər Rzayeva).

Xatirəsinin əbədiləşdirilməsi məqsədilə Bakıda ya-şadığı binaya (S.Rəhimov küçəsi, 108) xatirə lövhəsi vurulmuşdur.

1993

Qaradağ rayonunda şairin adını daşıyan qəsəbədə abidəsinin açılışı olmuşdur

1998

Azərbaycan Respublikasının Prezidenti Heydər Əliyev “Mikayıl Müşfiqin 90 illik yubileyinin keçirilməsi haqqında” Sərəncam imzalamışdır.

2004

Mədəniyyət Nazirliyinin sərəncamı ilə Xızıdakı “Mikayıl Müşfiq ocağı” “Mikayıl Müşfiq xatirə muzeyi” statusu almışdır.

2005

"Müşfiqli günlərim" kitabının son genişləndirilmiş nəşri "Gənclik" nəşriyyatında işıq üzü görmüşdür.

2007

16 apreldə Azərbaycan Respublikasının Prezidenti İlham Əliyev “Mikayıl Müşfiqin 100 illik yubileyinin keçirilməsi haqqında” Sərəncam imzalamışdır.

 

 

 

 

2008

İyun ayının 23-də 100 illik yubileyi ilə əlaqədar Xızı rayonunun Sayadlar kəndində şairin yeni bərpa olunmuş evinin tətənəli açılışı olmuşdur.

Qaradağ Rayon İcra Hakimiyyətinin və “Müşfiqsevərlər” Cəmiyyətinin təşkilatçılığı ilə görkəmli Azərbaycan şairi Mikayil Müşfiqin 100 illik yubileyi təntənə ilə qeyd edilmişdir.

Anadan olmasının 100 illiyi münasibətilə Azərbaycan Respublikası Rabitə və İnformasiya Texnologiyaları Nazirliyinin “Azərpoçt” birliyi marka buraxmışdır.

2018

May ayının 17-də Azərbaycan Respublikasının Prezidenti İlham Əliyev “Mikayıl Müşfiqin 110 illiyinin qeyd edilməsi haqqında” Sərəncam imzalamışdır.

<< Geri