|
Şöbə müdiri:
Abdullayeva Adilə
E-mail:
metodik@anl.az
Şöbə haqqında ümumi məlumat
1948-ci ildə Respublika Dövlət kitabxanası
nəzdində Kitabxanaşünaslıq və tövsiyə biblioqrafiya kabinetinin
meydana gəlməsi müstəqil metodik şöbənin yaranması üçün mühüm
rol oynadı və 1960-cı ildə Elmi metodik kitabxanaşünasliq
şöbəsinin əsası qoyuldu. Həmin vaxtdan şöbə müxtəlif
istiqamətlərdə öz funksiyalarını yerinə yetirmişdir.
2011-ci ilin mart ayından etibarən şöbə “Kitabxanaların metodik
təminatı” adı ilə fəaliyyət göstərir.
Vəzifələri
-
Kitabxana-informasiya sahəsində yeni texnologiyaların
tətbiqi və istifadəsi nəticəsində müasir
kitabxana-informasiya infrastrukturunun yaradılması,
istifadəçilərə göstərilən kitabxana-informasiya xidmətinin
dünya standartları səviyyəsinə çatdırılması, kitabxana
fondlarının zənginləşdirilməsi, elektron kitabxanaların
yaradılması, onların mühafizəsi və təhlükəsizliyinin təmin
edilməsi; əhalinin intellektual potensialının və bilik
səviyyəsinin inkişafı üçün şəraitin yaradılmasını təmin
etmək məqsədilə respublikada idarə tabeçiliyindən və
növündən asılı olmayaraq bütün kitabxanalara metodik mərkəz
kimi tövsiyələr verməkdən ibarətdir;
-
Rayon və şəhər kitabxanalarının fəaliyyətinin
yaxşılaşdırılması, kitabxana proseslərinin
avtomatlaşdırılması, elektron kitabxanaların və elektron
kataloqun yaradılması və onlardan istifadənin təşkili,
MKS-lərin saytının yaradılması barədə tövsiyələrin verilməsi
və xidmət prosesində İnternetin axtarış sistemlərindən
istifadəyə metodik köməklik göstərmək, qabaqcıl təcrübənin
region kitabxanaları arasında yayılmasını təmin etmək;
-
Milli Kitabxananın oxuculara təqdim etdiyi yeni xidmət
üsullarının yerlərdə təbliği və onlardan iş prosesində
istifadənin təşkilini həyata keçirəcək kadrların
hazırlanması məqsədilə treninqlərin təşkili;
-
Yeni texniki vasitələrin kitabxana işinə tətbiqi ilə
əlaqədar kitabxana işinin aktual problemlərinə, bu və ya
digər məsələlərinə dair metodik vəsaitləri, tövsiyələri
hazırlayıb nəşr etmək.
Fəaliyyətinin əsas istiqamətləri
-
Milli Kitabxananın müvafiq şöbələrindən, respublikanın
MKS-lərindən,
Bakı şəhəri ərazisində yerləşən MKS-lərdən
və bir sıra şəhər kitabxanalarından müraciət edən işçilərin
yazılı və şifahi sorğularını yerinə yetirir və metodik
köməklik göstərir;
-
Ezamiyyətlər təşkil edib, yerlərdə kitabxana işçilərinə
əyani təcrübi köməklik göstərir;
-
Metodik vəsaitlər və tövsiyələr
hazırlayaraq, nəşr olunmuş vəsaitləri yerlərə çatdırır;
-
Yerlərdə rayonlararası zona-seminar müşavirələri keçirir;
-
Qabaqcıl kitabxanaların iş təcrübəsini öyrənib, digər
kitabxanaların işinə tətbiq edilməsinə
metodik köməklik göstərir.
|