|
Şöbə müdiri: Əhmədli Sədaqət Əliyətdin qızı
E-mail:
elmi_tedqiqat@anl.az
Şöbə haqqında ümumi məlumat:
Elmi-tədqiqat şöbəsi öz fəaliyyətinə 1975-ci ildə başlamışdır.
Şöbə 1975-1990-cı illər ərzində kitabxana sahəsinin bir çox
məsələlərini araşdırmaq məqsədi ilə “Azərbaycan kəndinin
həyatında kitab və mütaliə”, “Kütləvi kitabxanalarda oxucu
sorğusu və mütaliə dinamikasi”, “Azərbaycan ədəbiyyatına maraq
və ondan istifadə” və s. mövzusularda, 1990-2000-ci illər arası
isə əsasən Milli Kitabxana ilə bağlı “M.F.Axundov adına
Azərbaycan Dövlət Kitabxanasında müasir dövrdə baş verən
yeniliklər və həmkarlarımızın öz peşəsinə münasibəti”,
“Azərbaycanın böyük və kiçik kitabxanaları”, “M.F.Axundov adına
Azərbaycan Dövlət Kitabxanasının təsis olunmasinin 80 illiyi”
adlı tədqiqatlar aparılmışdır. 2006-ci ildə şöbənin adı
dəyişdirilmiş “Kitabxanaşünaslıq elmi-tədqiqat” şöbəsi
adlandırıldı. Şöbə kitabxana daxilində “Oxucu günü” təşkil edir,
müxtəlif tipli məs.,”Biblioqrafların xidməti”, “Kitabxanaçıların
rəftarı”, “Sifarişlərin gec gəlməsi” mövzularında sorğular
keçirir. Bundan başqa 2011-ci ilin may ayından etibarən Virtual
Sorğu xidməti yaradılıb və Milli Kitabxananın saytında “Bizdən
soruşun” başlığı altında xidmət fəaliyyət göstərir. Burada
virtual oxucuların sualları cavablandırılır.
Vəzifələri
Fəaliyyət istiqamətləri
-
Kitabxana informasiya sahəsini və oxucu tələbatını
araşdırmaq məqsədi ilə sosioloji sorğular təşkil və tətbiq
edir;
-
Kitabxanaşünaslıq,
biblioqrafiyaşünaslıq və kitabşünaslıq məsələlərinə
dair materiallar məcmuəsi “Elmi əsərlər”i hazirlayır və nəşr
edir;
-
Tədqiqat işi və iş planı Mədəniyyət və Turizm Nazirliyi
tərəfindən təsdiq olunmuş şuraya təhvil verilir, Elmi
şuranın təsdiqindən sonra həmin tədqiqat işi təcrübədə
həyata keçirilir;
-
Aparılan tədqiqatların nəticələri
çap edilir.
|