|
"Maqsud
İbrahimbəyovun xidmətləri böyükdür. Ədəbiyyatımızda,
incəsənətimizdə onun özünəməxsus yeri var. Onun
yaradıcılığı, əsərləri özünəməxsus formada, məzmunda,
mənadadır və bizim başqa yaradıcı adamlarımızın
əsərlərindən fərqi onun məhz bu xüsusiyyətlərindədir".
Heydər Əliyev,
Azərbaycan
Xalqının Ümummilli Lideri
"Maqsud
İbrahimbəyov parlaq istedada malik nasir kimi
çoxşaxəli fəaliyyəti ilə Azərbaycan bədii fikrinin
zənginləşməsində təqdirəlayiq rol oynamış söz
ustalarındandır.
Ötən əsrin 60-cı illərində yeni ədəbi prosesin
formalaşmasında yaxından iştirak edən sənətkar
ərsəyə gətirdiyi dəyərli nəsr nümunələrində
qəhrəmanlarının xarakterini dərindən açaraq dolğun
və rәпgаrәпg obrazlar yaratmışdır. Onun, eyni
zamanda dramaturq, kinossenarist və rejissor kimi
Azərbaycan kinematoqrafiyasının inkişafında mühüm
xidmətləri vardır.
Milli koloritin qabarıq təsviri, adət-ənənələrə
bağlılıq, xüsusən Bakı mühitinin özünəməxsus
mənzərəsinin təsviri Maqsud İbrahimbəyov
yaradıcılığını səciyyələndirən başlıca cəhətlərdir".
İlham Əliyev,
Azərbaycan
Respublikasının Prezidenti
"O, gerçəkdən son dərəcə səmimi bir insan idi,
özündən müsbət enerji paylayırdı, bircə dəfə onunla
ünsiyyətdə olandan sonra adam ona heyran qalırdı,
onun xoş aurasından doymaq olmurdu.Təəssüf ki,
Maqsud müəllim son dərəcə işıqlı, hərtərəfli,
qeyri-adi və eyni zamanda, həm də çox sadə insan artıq iki ilə yaxındır bizim aramızda deyil. O, əsl
vətənpərvər idi, o bütün qəlbi ilə Azərbaycana, öz
doğma torpağına bağlı idi. O, mətin vətəndaş mövqeyi
ilə seçilirdi. O, ömrü boyu öz ideyalarından və
prinsiplərindən dönmədi, uzun ömür sürdü və həmişə
səmimi, mehriban və sevgi dolu biri kimi yaşadı. O
bizi tərk etdi, amma özündən sonra böyük bədii və
mənəvi irs saxladı, bunlar onun kitabları, pyesləri,
ssenariləri, esseləridir. Onun qələmindən çıxan hər
əsər heyrətli dərəcədə bu günlə də, dünənlə də
səsləşir və mən tam əminəm ki, onlar sabah da öz
aktuallığını qoruyub saxlayacaqlar. Onun əsərlərinin
hər biri canlıdır. Maqsud müəllim buna görə
yaşayır...".
Mehriban Əliyeva,
Azərbaycan Respublikasının Birinci
vitse-prezidenti,
Heydər Əliyev Fondunun prezidenti
"Maqsud getdi,
amma ona olan sevgim məni tərk etmədi. 0, həmişə
mənimlədir".
Anna İbrahimbəyova
"Maqsud müəllim - öziinəməxsus adam. O bizim
həyatımıza mənəvi rənglər qatıb... Ona qoşulub yerin
orbitindən çıxmaq olardı... Onunla bir yerdə fərqli
ideyalara qərq olmaq mümkün idi, belə şeylər onda
çox yaxşı alınırdı".
Nərgiz Paşayeva
Akademik
"Azərbaycan ədəbiyyatını Respublika hüdudlarından
kənara çıxarmaqda Maqsudun böyük xidmətləri var. Onu
təkcə Moskvada çap eləmirdilər, onun pyeslərinə,
ssenarilərinə müxtəlif studiyalarda quruluş
verirdilər, əsərləri xaricdə çıxırdı. O bütün
SSRİ-də və xaricdə Azərbaycanın imicini
yaradanlardan biri idi”.
Anar
Azərbaycan Yazıçılar Birliyinin sədri
"Maqsud ədəbiyyata
bakılıların, əsasən də gənclərin hay-küylü alqışları
altında gəlmişdi. O vaxtlar kseroks yox idi, amma
adamlar onun bəzi hekayələrinin üzünü köçürüb
bir-birinə oxumağa verirdilər. Bu, görünməmiş hadisə
idi. Tez-tez ona sual verirdim, filan hekayəni
yazmaq ideyası necə yarandı? “Nəsə gəldi, yazdım
da”, - Maqsud özünəməxsus təbəssümlə deyirdi.”
Polad Bülbüloğlu
"Maqsud bütöv adam idi, bilirsiniz, onun işgüzarlığı
məni heyrətləndirirdi. Səhər saat on-on bir arası
çimərliyə çıxırdıq. Soruşurdum: “Maqsud niyə
gəlmədi?” “O, səhərə qədər işləyib axı”. Annanın bu
sözləri məni də həvəsləndirirdi, mən də işləməyə
gedirdim (gülür), bax onun yaradıcı ruhu belə güclü
idi. Bilirsiniz, gecə sakitliyində işləmək adamı çox
şey barədə düşünməyə məcbur edir və mənim Maqsuda
yaxşı mənada paxıllığım tuturdu (gülür). Mənim
Maqsudun yaradıcılığına, onun davranışına, həyat
tərzinə böyük hörmətim vardı”.
Tahir Salahov
“Maqsudun hekayələri məni valeh eləyirdi, onları
davamlı olaraq qəzetlərdə çap eləyirdilər və mən
hekayələri qəzet səhifələrindən kəsib ümumi dəftər
vərəqlərinə yapışdırırdım. Kitab kimi bir şey
alınmışdı... Sonra onları oxumaq üçün dostlarıma
verirdim. Biz onunla “Molodyoj Azerbayjana” qəzeti
redaksiyasında tanış olmuşduq. Maqsud redaksiyaya
gəlib bir-iki kəlmə danışandan sonra hamı
qarşısındakı adamın lider olduğunu anladı, onun
xarizması belə idi. Maqsud nəzakətli, hazırcavab və
çox istedadlıydı. Onun xarakterinə valeh olmuşdum.
Əlbəttə, bəxtiın gətirib, mən Maqsudun ilk kitabının
redaktoru olmuşam. Kitabın adı -“Fəlakət” eyniadlı
novelladan götürülmüşdü. Maqsudun avtoqrafıyla olan
həmin balaca, nazik kitab kitabxanamın ən qiymətli
hədiyyələrindən biridir”.
Siyavuş Məmmədzadə
“Dostlarından heç biri
onun nə vaxt yazdığını bilmir və o, yazdığına bir də
qayıtmır. Bildiyim qədəri ilə onu nəyisə dəyişməyə
məcbur eləmək mümkün deyil. Onun hekayətləri bütöv
melodiya kimi səslənir, yığılıb qalmış hisslər adama
rahatlıq vermədiyi kimi, sanki onun yazılarında
hansısa notu dəyişmək də həyatın harmoniyasını
pozur".
Nazim Məmmədov
“O bizim üçün əsl
tapıntı idi, onun yanında özümüzü şagird kimi, kiçik
qardaşı kimi hiss eləyirdik. Bilirsiniz necədir, o,
rəğbət bəslədiyi birinə insan ünsiyyətinin qeyri-adi
səadətini bəxş edə bilirdi. Ürəyinə yatmayan adama
qarşı əlçatmaz olurdu, həmin adamla arasında məsafə
gözləyirdi, onu zorla kimisə özünə yaxın buraxmağa
məcbur eləmək olmazdı”.
Mixail Şvıdkoy
"Maqsudla dost idik, bir
yerdə işləyirdik, ilk filmimi onun “Gözəl günlərdən
biri” adlı heyrətamiz fantastik hekayəsi əsasında
çəkmişəm. Elə ilk dəfə xaricdə istehsal olunan
filmlərə də Maqsudun evindəki videomaqnitofonda
baxmışam. Yay vaxtı Nardaranda televizorla həmin o
videomaqnitofonu birbaşa sahildə qoyurdu, o vaxtlar
belə maqnitofonlar çox qiymətli, qeyri-adi
var-dövlət sayılırdı. Biz gecələr oturub, artıq onun
baxdığı filmlərə baxırdıq. O gedib dincəlir, sonra
yenə gəlirdi. Bizsə səhərə qədər oturub baxırdıq.
Mən onun evində özümü öz evimdəki kimi hiss
eləyirdim".
Yuli Qusman
“Maqsud İbrahimbəyov, əfsanəvi fiqurdu. Tanışları,
dostları (Moskvanın yarısı) saatlarla onunla bağlı
əhvalatları danışa bilərlər. Məsələn, onun kiminlə
necə dalaşmağı. Ya da kimisə kiminləsə
barışdırmağı”.
Qriqori Zaslavski
"Bakıda keçirdiyim ilk gəzintiləri həmişə
xatırlayıram. Onunla bir yerdə Nardarana getdik,
bağı hələ tikib qurtarmamışdılar, sonra kababxanaya
girdik. Alaqaranlıq idi, güclü işıqlandırılmamış
məkanda zabitəli adamlar, başlarında kepka olan
balıqçılar oturub, çay içirdilər. Biz də içəri
keçdik, tez stol-stul ayırdılar. Maqsudla oturub çay
içməyə başladıq, bir qədər sonra balıqçılardan biri
qalxıb mənə yaxınlaşdı, əlini çiynimə qoydu. Başının
hərəkəti ilə Maqsudu göstərib ciddi səslə dedi:
“Maqsud müəllim böyük adamdır" ”.
Pavel Finn
|
