Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir. Ona görə də, kitabxanaya daim hörmət, xalqımızın mədəniyyətini nümayiş etdirən amillərdən biridir.

***

Mən vaxtilə bu kitabxanaya dəfələrlə gəlmişəm. Amma bu gün kitabxananın astanasından çox böyük hörmət və ehtiram hissi duyuram. Kitabxanaya, burada çalışan insanlara hörmət və ehtiramımı bildirmək istəyirəm…

Heydər Əliyev,
Azərbaycan xalqının ümummilli lideri

Azərbaycan Milli Kitabxanası zəngin inkişaf yolu keçərək böyük əhəmiyyətə malik nəşrləri mühafizə edən mədəni sərvətlər xəzinəsinə çevrilmişdir. Ötən müddət ərzində o, cəmiyyətin intellektual-mənəvi potensialının artırılmasında əvəzsiz rol oynamış, elm və mədəniyyət xadimlərinin bir neçə nəslinin formalaşmasına öz töhfəsini vermişdir.

İlham Əliyev,
Azərbaycan Respublikasının Prezidenti

 

Dünyanın bir çox ölkələri kimi Azərbaycanda yeni və mükəmməl kitabxana sistemi yaratmaq lazımdır. Bunun üçün dayanmadan çalışmaq və inkişaf yolunu dəstəkləmək lazımdır.

Ellen Tisen,
Kitabxana Assosiasiyaları və İnstitutları
Beynəlxalq Federasiyasının (İFLA) prezidenti

 

1922-ci ildə Azərbaycan SSR Xalq Maarif Komissarlığı Bakı şəhərində Dövlət Kitabxanası təşkil etməyi mənə tapşırdı. Bu məqsədlə hazırlıq işlərinə başladıq. Malıgin küçəsindəki 6 nömrəli evdən müxtəlif elm sahələrinə dair on minə yaxın kitabı Üzeyir Hacıbəyov küçəsindəki 9 nömrəli evə - Azərbaycan Ali İqtisa-diyyat Şurasının keçmiş dörd otaqlı mənzilinə daşıdıq. Bu kitab-ları onluq təsnifat sistemi ilə üç otaqda kitab rəflərinə düzdük. Daxili hazırlıq işləri qurtarandan sonra 1923-cü ildə Azərbaycan Dövlət Kitabxanası rəsmi surətdə açıldı.
Qısa müddətdə kitabxanamız ləyaqətli bir elmi müəssisəyə çevrildi. Dövlət müəssisələri işçiləri, alimlər, müəllimlər, tələbələr və başqa vətəndaşlar onun xidmətindən geniş surətdə istifadə edirdilər.
Xalq Maarif Komissarlığının və onun Siyasi maarif şöbəsinin daimi qayğısı sayəsində, kitabxana əməkdaşlarının fədakar əməyi nəticəsində bu elm ocağının öz fəaliyyətini durmadan genişləndir-diyini iftixar hissi ilə xatırlayıram.
1925-ci ildə kitabxananın kitab fondunda yarım milyona qədər kitab var idi. Həmin il mən kitabxananı professor İşkova təhvil verdim, özüm isə Azərbaycan Kitab Palatasının direktoru kimi öz işimi davam etdirdim.

Müseyib Səlimov,
Respublika Kitabxanasının ilk direktoru

Oxucu kitabxananın əsl dostu, kitabxana isə oxucunun çox sevdiyi müqəddəs bir yerdir. Qabaqcıl, mütərəqqi simaların yarat-dığı xariqələri özündə toplayan, hər zaman onu oxucuya təqdim edən kitabxanadan da xeyirli nə ola bilər.
Kitab özü də həyat üçün, hər sahədə mədəniyyət və yüksəliş üçün əsasdır. Kitabsız və kitabxanasız heç bir mədəni yüksəlişdən danışmaq olmaz. Buna görə də bütün işlərinizin içində kitab və kitabxana mərkəzi yer tutmalıdır.
Kitab və kitabxana ən nurlu bir işıqdır. Kitab şüur üçün, ağıl və damar üçün, gündəlik təsərrüfat işləri üçün də əsl işıqdır. Kitab gecə də, gündüz də işıqdır...

Süleyman Rəhimov,
Xalq yazıçısı, kitabxananın fəxri oxucusu

Kitabxana xalqın fikir xəzinəsi, mənəvi dünyasıdır. Bu mənada M.F.Axundov adına kitabxanamızla hər kəs fəxr edir. Bu nəhəng binada bütün xalqların yetirdiyi dühalar, ürəklər, şüşə dolablar içərisində yan-yana dayanıb üzümüzə gülümsünür.
Mənim gəncliyim bu kitabxananın divarları arasında keçmiş, qazandığım bütün biliklərə görə mən ona, onun mədəni, işgüzar əməkdaşlarına borcluyam.

Bəxtiyar Vahabzadə,
Azərbaycanın Xalq şairi

Milli kitabxanalar dövlətin əsas atributlarından biri olmaqla təkcə bir ölkənin, bir millətin kitab mədəniyyətini toplayıb saxlayan bir müəssisədən, bəşəri dəyərləri, dünyanın ən qiymətli, nadir kitab sərvətini toplayıb saxlayan, beynəlxalq əlaqələr yara-dan, mədəniyyətlərarası kommunikasiyanın əsas vasitəsinə, dövlət kitabsaxlayıcısına çevrildi.

Abuzər Xələfov,
Əməkdar elm xadimi, BMT yanında Beynəlxalq İnformasiyalaşdırma Akademiyasının akademiki,
tarix elmləri doktoru, professor

Etiraf etməliyəm ki, mədəni və bilik səviyyəmin yüksəlməsin-də və bir sənətkar kimi yetişməyimdə M.F.Axundov adına Azər-baycan Respublika Kitabxanasının böyük xidmətləri olmuşdur.
Mən artıq 30 ildir ki, bu kitabxananın oxucusuyam.
Kitabxananın qayğıkeş və bacarıqlı əməkdaşları mənim sorğu və suallarıma həmişə diqqətlə yanaşmış və məni lazımi ədəbiyyatla təmin etmişlər.
Kitabxananın 50 illik yubileyi münasibətilə mən bütün həm-karlarım adından onun əməkdaşlarına öz minnətdarlığımı bildirir və onlara uzun ömür, cansağlığı, yeni-yeni əmək nailiyyətləri arzulayıram.

Mikayıl Abdullayev,
SSRİ Xalq rəssamı, professor

M.F.Axundov adına Azərbaycan Respublika Kitabxanası eyni zamanda mənim dəqiq məsləhətçim, mənə məlum olmayan mənbələrə yol açan bələdçimdir.
Kitabxanamızın zənginliyindən doğan iftixar, əksəriyyəti uni-versitet yetişdirməsi - o cümlədən mənim əziz tələbələrim olan kitabxana əməkdaşlarının qayğıkeşliyinə minnətdarlıq hissi indi də məni tərk etməmişdir.

Pənah Xəlilov,
Bakı Dövlət Universitetinin professoru

 

İki ölkənin milli kitabxanaları bir-birlərini daha yaxından tanıdı. Məlumat bazalarının yaradılmasında ortaq çalışmalarımız oldu… Biz eyni zamanda birgə Avropa kitabxanası məkanına daxil olduq. İndi həm Azərbaycan, həm də Türkiyə Milli Kitabxanasının məlumat bazası Avropa kitabxanası üzərindən axtarıla bilir. Bu, bizim üçün çox önəmli hadisə oldu. Bundan əlavə, Azərbaycan və Türkiyə türk dünyasının digər kitabxanalarına təcrübə baxımından öncüllük etdi. Birgə tədbirlər təşkil edərək türk dünyası kitabxanalarının bir-birini daha yaxından tanımasına nail olduq.

Tüncel Acar,
Türkiyə Milli Kitabxanasının sabiq başqanı

 

1342-ci ildə İran Gənclər Evinin nümayəndə heyəti ilə imkan tapıb iftixarla M.F.Axundov adına böyük və cəzbedici kitabxananı gəzdim. Mən tərəddüd etmədən deyə bilərəm ki, belə bir elmi mərkəzi kitabxana sosializm ölkəsinin varlığı ilə yaradıl-mışdır.
Mən bu kitabxananı görməklə Azərbaycan Sovet Sosialist Cümhuriyyətinin belə tərəqqi etməsinə çox sevinir və onu ürəkdən təbrik edirəm.

Eyrac Gülsurxi
İran Gənclər Evinin katibi

 

Я навсегда сохраню хорошие воспоминания о днях, проведенных в Вашей библиотеке, где я встретил сердечную помощь и прекрасное азербайджанское гостеприимство. Пожалуйста, передайте мою искреннию благодарность и наилучшие пожелания коллективу библиотеки, возможно, некоторые еще помнят меня.
Кроме того, мне доставило огромную радость сообщение о том, что Ваша библиотека организовала выставку для озна-комления с моей работой, посвященной истории Азербай-джана. Возможна ли получить фотографию и небольшое описание этой выставки для моих работ? Для меня всегда ценно получить какие-либо издания и документы, относительно истории Азербайджана, включая Южную часть Вашей страны, которые я использую для моего исследования. Я надеюсь, что Ваше сердечная помощь будет способствовать продвижению моей работы по истории Азербайджана и позволит мне лучше представить проблемы и стремления азербайджанского народа американскими читателями.
Пусть Вам всем сопуствует большой успех в Вашей жизни, кавказского долголетия.

Тадеуш Святоховски,
Профессор Колледжа Монмаут (США),
первый зарубежный почетный читатель
библиоеки им. М.Ф.Ахундова

 

Dünyada Azərbaycandan başqa heç bir ölkə, heç bir yer daha yaxşı ola bilməz. Həqiqətən də! Bugün Azərbaycan Milli Kitabxanasından bayrağınızı, broşurları, açıqca, kitablarınızı və digər əşyaları aldıqda çox böyük məmnunluq hissi keçirdim.

Gustavo Rodriguez,
Kuba, Mayabeke əyaləti

Mən bu gün Moskvadan uçub Azərbaycan Respublikasının paytaxtına gəlmişəm, sizin kitabxananızı görmək xoşbəxtliyi mənə nəsib olmuşdur. Kitabxana mədəni nailiyyətlərin rəmzidir. Qədim Yunanıstan və qədim Roma zəngin kitabxanalara malik idilər. Azərbaycan Respublikası öz əhalisinin az olmasına baxmayaraq, belə gözəl, zəngin kitabxanaya malikdir; ilk baxışdan görmək olur ki, azərbaycanlılar mədəniyyətə çox böyük hörmət göstərirlər. Mən bir elm xadimi kimi, əziz yoldaşlar, Sizə, Sizin mədəni nailiyyətlərinizə hörmət göstərməyə bilmərəm. Sizə qəlbən daha böyük müvəffəqiyyətlər və milli mədəniyyətinizin çiçəklənməsini arzu edirəm.

Dr. Fumio Matsumura
yaponiyalı professor

 

Azərbaycan Respublikasının Milli Kitabxanası ilə tanış olmaq mənə bu xalqın elmi və ədəbi inkişafına yaxından bələd olmaq imkanı verdi.
Azərbaycan xalqı bu elmi mərkəzi təsis etməklə, eyni zamanda birlik və həmrəylik nəticəsində xurafatın kökünü kəsib, həyata əsl həyat gözü ilə baxa bilmişdir. Bu elmi mərkəzin elm sevən işçilərinin öz işlərində ustad və geniş məlumata malik olmaları kitab sevənlərin qəlbində belə bir ümid yaradır ki, onlar Şərq ilə Qərb kitab həvəskarları arasındakı çətinlikləri aradan qaldırmağa kömək edəcəklər.

Doktor Hüseyn Xədiv Cəm
İran Elmi-Tədqiqat İnstitutunun professoru

 

Bu elm sarayına hakim kəsilən ruh qəlbimi sevinclə doldurdu. Kitabxananın direktorunu və işçilərini xalqın rifahı üçün çəkdikləri böyük əmək münasibəti ilə təbrik etmək istəyirəm və Azərbaycan mədəniyyətinin daha da çiçəklənməsini arzu edirəm.

Mabuel Mayo Bodelon
Çili jurnalisti