Şöbə haqqında ümumi məlumatt

Azərbaycan ədəbiyyatının arxivi şöbəsi 1947-ci ildən fəaliyyət göstərir. Şöbədə 1831-ci ildən bu günə qədər nəşr olunan, kitabxanaya daxil olan bütün elm sahələri üzrə kitablardan bir nüsxə təxminən 107 min; 1875-1928-ci illərdə nəşr edilmiş 43 adda qəzet; 1906-cı ildən bu günə qədər 475 addan çox Azərbaycan dilində və 33 adda rus dilində jurnal; 1174 nüsxə elmi əsərlər; 2031 ədəd mikrofilm (kitab, jurnal və qəzet) qorunub saxlanılır. 2006-cı ildən Azərbaycanda nəşr olunan rus dilində ədəbiyyat şöbəyə verilməyə başlamışdır. .

Şöbədəki ədəbiyyat daşbasma, əski əlifba, köhnə latın, kiril və müasir latın qrafikasındadır.
Fondda məzmun və tarixilik baxımından bir sıra qiymətli, xüsusilə, nadir nüsxələr öz əksini tapır. Şöbənin fondunda xəritələr, böyük formatlı kitablar, mini kitablar qorunub saxlanılır (həm rus, həm də Azərbaycan dilində).
Azərbaycan ədəbiyyatı tam olaraq elekton kataloqda öz əksini tapır.

Vəzifələri

Mədəni irsimizi qoruyub saxlamaq, fondu daima zənginləşdirmək və oxuculara xidmət göstərmək.

Fəaliyyət istiqamətləri

Nəşr yerindən, nəşr ilindən və əlifbasından asılı olmayaraq, Azərbaycan dilində və eyni zamanda Azərbaycana aid rus dilində bütün ədəbiyyatın əslini, surətini, fotosurətini, mikrofilmlərini toplayır və oxucuların istifadəsinə verir. Şobədə oxu zalı fəaliyyət göstərir.

Şöbədə ədəbiyyat əlifba (2013-cü ilə qədər) və xronoloji kataloqlarda öz əksini tapır. Kitablar xronoloji, qəzet və jurnallar əlifba, elmi əsərlər inventar nömrəsi ilə düzülür.